السلام عليكم ورحمة الله وبركاته

أسعد الله أوقاتكم أخواني وأخواتي باليمن والبركة

راح أدخل في الموضوع على طول

أنا إنسان قدمت قبل فترة في مكتب العمل في منطقة معينه يعني رحت لهم وأعطوني نموذج وعبيت بيانات وقالوا لي إذا جات وظيفة تناسب مؤهلاتك راح نتصل عليك وعليها دعسه إلى يومكم هذا وماصار شي يعني تقريبا 8 أشهر ماعلينا من هالكلام ..

شفت العلم ماينفع رحت منطقة ثانية وهالحين أبغا أقدم على مكتب العمل فيها هالحين سؤالي :

أقدر أقدم وأسجل بياناتي في نموذج التوظيف في مكتب العمل الثاني مع العلم بوجود بياناتي في مكتب العمل السابق ؟

طيب إذا ماأقدر . وش الحل أسقط أسمي يعني من المكتب الأول ؟؟ وبعدين أقدم على المكتب الثاني ؟
أخر سؤال : لازم أروح المنطقة الأولى اللي فيها مكتب العمل وأسقط أسمي من هناك ولا عادي أروح مكتب العمل في المنطقة الجديدة وأسوي إسقاط للإسم وأقدم من جديد ؟!

بالله عليكم أبغا الجواب بسرعة لأن الوقت يسرقني ... لاهنتم

في أمان الله ورعايته ..

سؤالك مهو محتاج تفكير..... قدم على مكتب العمل إذا ظهر لموظف بأنك مسجل لدى مكتب عمل آخر أسأله هل بالامكان أسجل في أكثر من مكتب أو لا؟... وفي الغالب يكون مسموح ولا تعتبر تلاعب و ليس عليها عقوبة أو غرامه ماليه،،،،

مثل مقال لك حلوه الدنيا كلهم مربوطين بشبكه وحده

رح له وهو يعطيك المعلومه الصحيحه

وشكرا

السلام عليكم ورحمة الله وبركاته
معليش اخوية ممكن اسُد نفسك عن الحياة لكن والله العظيم لو تقدم في مكاتب عمل المملكة كلها ما راح تلقى فايدة لو ما عندك واسطة ثاني شي اشبهم دارين مين قدم وإلا مين اصلا دخل عليهم ياخي جميع الدوائر الحكومية نايمين وما يبغون يشتغلون كأنهم احانب والله العظيم ما عندهم غيرة على بلدهم والله العظيم جالسين يا خذون رشاوي بس ويا ليت يفيدون احد لو انهم مو نايمين كان شافوا موضوع العمالة الأجنبية والمدرى اللبنايين والمصارية ورواتب الأجانب مقارنة برواتب السعوديين اقلك ريح نفسك وقول حسبي الله ونعم الوكيل
المصيبة لا اخلاق عندهم ولا خلقة

والله مكتب العمل مافى فايدة بكالريوس يقوله حارس امن والثانوية معاه واسطه موظف فى فندق سبحان الله

آآآآآسف جدا على التأخر في الرد

بس هذا حصل لظروف شخصية

بالنسبة لسؤالي أظن أني لقيت إجابة عنه ويعطيهم العافيةالأخ حلوة الدنيا والاخ عبود الشمري وغيرهم من اللي ردو

بس فيه ملاحظه لاحظتها على بعض الردود وهي إنها تحمل تشاااااااااااااااؤم لأبعد الحدود ليه طيب ؟!!

ياخوي إذا كان مكتب العمل تعامله زفت واللي فيه زفت ليه نعمم على الكل فيه ناس فلته في التعامل والرقي الأخلاقي وفيه ناس أردى من الطين أعزكم الله ... وإذا قفلت مع أحد في مجال الدنيا ماأنتهت الحمد لله لسا الفرص موجودة بكثرة وإذا تسكر باب يفتح بداله ألف باب بإرادة الله بس الإنسان لاييئس ويتوكل على الله ويثق به ويعمل اللي عليه من الأسباب ..والتوفيق من الله ...ونصيحة أخويه لنفسي ولكل واحد : لاتحشر نفسك في مجال محدد وتضيق على نفسك وإذا تقفل قفلت الدنيا في وجهك ويئست وقلت خلاص انتهى كل شي ..لا .. ماإنتهى .. دام فيك عرق ينبض تقدر تسوي الكثير

هذا وشكرا مره أخرى والسلام عليكم .

بالتوفيق