اخوي نور ... لاهنت على الموضوع ,,,

والله ان الموضوع هذا شاغل بالي صار لي شهرين ... محتار اني اخذ دبلوم شبكات ثم بعده بكمل سواء كان خاص او حكومي


وش رايكم ؟؟؟

الي بيقدر يفيدني بشي بيض الله وجهه ويجعلها في موازين حسناته ,

مرحبا
انا مثلكم معاي دبلوم برمجة حاسب من معهد الاداره وحابه اكمل لقيت الجامعه العربيه تعادل تقريبا 14 ساعه من اجمالي الساعات فقط وهذي الساعات تعتبر قليله جدا بالاضافه لارتفاع رسوم الدراسه في الجامعه

ذكرت لي احدى البنات ان في اكمل في جامعه الامام والترم اعتقد ب 2500 بس تأكدوا من الموضوع

ايضا جامعة الملك عبدالعزيز بجده انتساب

اللي عنده جديد يفيدنا لاني زيكم ابي اطور نفسي

انا مثلكم عندي دبلوم برمجة حاسب من جامعة الملك سعود

ومون عيني اكمل دراستي ياليت احد يفيدنا

لحد يتعب نفسه انا كان معي دبلوم وحاولت اكمل باي جامعة سعودية رافضيييييييييين رفض تام

حتى ا لجامعه اللي اخذت منها الدبلوم رافضه تعادل لي حتى مو ساعه ،، لا رافضه تعادل حتى دقيقه ,, تقول هالدبلوم لك انتي تستفيدي منه

والحين سجلت من اول وجديد انتساب
والله تعليمنا مدري وش يبي

انا اعرف بنات يكملون في جامعة الملك عبد العزيز دراساتهم في البكالوريوس يعني يدرسون سنتين بس اللي هي ثالثه ورابعه فقط ويتخرجون وانتظام لان انتساب حاسب مافيه انتي روحي والله يوفقك يارب

ياليت احد يتاكدة من جامعة الملك عبدالعزيز

ويرد علينا في اقرب وقت

وانا بعد عندي دبلوم علوم صحيه قسم مختبرات من معهد خاص ودي اكمل بس مادري وين
انا راسلت جامعه الملك سعود بس قالولي ماعندهم ...اللي عنده فكره لايبخل علينا
ماادري اذا برنامج الملك عبدالله للابعاث يقبلون اولا

أعتقد أن الأنتساب أو التعليم عن بعد راح يتعبك في الدراسه ولا راح تستفيد
وراح تطلع تيتي تيتي زي ما رحتي جيتي

يالزين انت وياه لاحد يفكر يدرس بجامعاتنا والله ياهم مررض وخاصه الرجال اما الحريم اذا فيها حيل خمس سنين من جديد الله يقويها ولا يابنت الحلال مانتب ملزومه وظيفه واحمدي ربك راتب مايقل عن 5 الاف ريال .. وبعدين اقالك تبي تعيلين عايله الحين ؟ البركه في الرجال هههههههههه

لاني انا جامعي وادرس حاسب ألي تخصص تقنية المعلومات وهذاي ادرس الوضع اني احول لمعهد الاداره العامه .. لاني من جد انقرفت .. اجل ترم كامل ادرس وغيابي بالماده مره او مرتين وأحمل كل المواد !! سلامااات وش وجع الراس ذا .. فلذالك بختصرها لكم

الى يحس انه بنعمه لانه متوظف وإنباسطه وحاسد نفسه يدخل الجامعه .. وانا علمتكم وانتم براحتكم

وبالنسبه للدراسه برا .. عنديلكم بشاره
تقدر تدرس أول سنه على حسابك وبعدها تحول على حساب الدوله بس هم يبي يشوفونك انت جاد ولا تستهبل
وامس مكلم اخوي يدرس برا وعنده واحد مسوي ذا النظام
يقول دارس خمس اشهر بس وتحولت بعثتي على حساب الدوله
طبعا الشهر الواحد يبي يكلفكم تقريبا 7 الاف ريال من مصاريف وسكن وحركات .. اما الى راعي خرابيط 30 الاف ريال يعني انس تخربط وامش عدال ههههههههه

يعني اضرب 7000 ريال × 5 أشهر = 35 ألف ريال ..
يمدحون التسلف ولا بع السياره وهج وتعال بشهاده

هذا الى عندي واتمنى اني افدتكم