[align=center]
بسم الله الرحمن الرحيم

السلام عليكم ورحمة الله وبركاته

اهنئكم على هذا المنتدى الاكثر من رائع ماشاء الله

انا موظف بشركه طبعاً راتب اخيس من الخياس وضغط عمل والراتب مايجي كامل دايم مخصوم منه .
على العموم فكرت اني اترك الشغل بالشركه وفترة الصباح انقل مدرسات بما ان فيه صالون متواجد بالبيت وبعد صلاة العصر اكمل دراستي بالكلية التقنيه دبلوم موازي قسم محاسبة صح انه مكلفه بس عشان المعدل بالثانويه مايساعد نهائياً

انا استشرت كذا واحد ونصحون بالفكره

مع العلم اني ثانويه عامه ودورة حاسب آلي 6 شهور

تقبلوا تحياتي

[/align]

اخوي فكرة كويسه
بس ترى نقل المدرسات مشاكلة كثيرة و اسئل المجربين هو كفكرة تمام لكن التطبيق العملي على ارض الواقع صعب شوي انا ماودي احبطك لكن ابغا اكلمك بطريقة واقعية
وموفق ان شاء الله .

مشكور اخوي ميمو

انا حالياً انقل مدرسات الصباح واشتغل بعد العصر صح انه فيه متاعب لاكن هاذي الحياة لازم نتحمله بحلوه ومره

شاكرين ومقدرين لك ردك الجميل اخوي

شي حلو انك تنقل مدرسات على الاقل تسعى لرزقك وبأذن الله ربك يفرجها لك

بالتوووفيق والله يحقق مرادك

انا أخالفك تمامآ يا اخي ابحث لك عن وظيفه وحاول انك تشيل فكره نقل المعلمات الرأي لك بالطبع,,
لكن انت ابحث عن وظيفه صباحيه او مسائيه تكون براتب معقول هذا أولآ ...
وثانيآ / الكليه التقنيه شهادتهم معروف مصيرها مع الماء لابد من البلل وشرب الماء الذي يخرج منها .. اذا انت راغب في الدراسه ويوجد لديك على مافهمت من كلامك ان الماده متوفره فا انصحك نصيحه سوف تدعي لي ولاتنسى هذه النصيحه مهما حييت ,, ادرس حاسب دبلوم " برمجه " صح انه صعب بس مرغوب في اماكن العمل وبعض القطاعات الحوميه تفضل هذا التخصص , اما اذا انت لاتريد ان تكون دراستك مشغله لك في عملك فا انا انصحك ب" دبلوم شبكات " الدراسه اسهل من البرمجه وايضآ مرغوب ......


هذه وجهه نظري والامر راجع لك

مية مية ولكل متجهد نصيب

اشكر لكم ارائكم

بس مثل ماتشوفون الثانويه ماتسوي شيء نهائياً انا شغلتي الحاليه محاسب مبيعات والوظائف الحين مثل ماتوشوفن ثانوي مايناظرون له يعني دبلوم وفوق

واحد قالي ادرس بمعهد تمريض افضل واحسن من التقنيه بكثير عارف ان شهادة التقنيه الحين ماتسوي شيء بعد بس الشكوى لغير الله مذله

والله يرزق الجميع مايتمنون

يا خوي اذا تبي الحق حتى خريجي الجامعة ما يطالعونهم بس اجتهد والله يوفقك بس على طارئ نقل المعلمات هي والله فكره بس حاول تجرب وظيفة غير النقل لأنها والله متعبه وتراك بتجيب معلمات من آخر العالم زي المزاحمية مثلاً ولا الخرج
عموماً موفق والله معك

انا من القصيم اخوي مو من الرياض يعني مو مثل الرياض تعب وزحمه وقلق

وان شاء الله تقرر ادخل دبلوم شبكات او برمجة حاسب آلي

والله يكتب اللي فيه خير