أنقذوني فقد وقعت فـــــي ........ !!

حمودي لسى عاطل · #1 (**permalink**) 28-06-2009, 12:58 PM

نعم وقعت في عقوق الوالدين

من منكم يمر عليه الوالد كل يوم وكل ساعة بشتى أنواع الأسئلة

1 - انتم نايم ماعندك شغل ؟
2- شف عيال الناس في الوظائف وانت جالس بالبيت مثل خواتك ؟
3- صرفنا عليك وانت صغير نبيك عون وسند وصرت نكد وين نوديك بس ؟

ياناس ماعدت ارد على ابوي إلا برفع الصوت ياناس مايفهم اني ادور وادور وظيفة ماحصلت ياناس نبي وظايف قالوا مسلمين وقلنا وحنا مسلمين قالوا اصبروا قلنا وعيالكم مو مثلنا

ياناس من يحس فينا تعبت ورب المصحف تعبت 10 سنوات ادور عن وظيفة ؟

اللي يقدر يساعدني يرسل على الخاص

خشرم · #2 (**permalink**) 28-06-2009, 02:56 PM

اخوي الله يهديك

والله انا مثلك كان الوالد يقولي كذا كل ما مر على قالها وصاح
وصرت انا ازعل .وكل ما قال شي رديت عليه بعشر كلمات
وفي الاخير ابوي توفي وتمنيت انه حي مو بس يمر علي ويصيح لاوودي يمر يضربني بعد. الله يرحمه
انتبه اخوي لا عاد ترد على ابوك والله تندم كثر ما انامتندم ان رديت على ابوي اصبر اخوي والله اذا كتبلك رزق لو حتى قطرة ماء بتشربها قبل ما تموت

الوافي ن · #3 (**permalink**) 28-06-2009, 03:02 PM

والله بعض الاباء يجبر انا الواحد يروح يشتغل بالحرام والضغط يولد الانفجار

حمودي لسى عاطل · #4 (**permalink**) 29-06-2009, 10:48 AM

مشكورين على المرور

صبر ايوب ياقلبي أمانه

اخصائية 2007 · #5 (**permalink**) 29-06-2009, 01:34 PM

الله المعين , ربي يفرجها عليك

مساعد مبرمج · #6 (**permalink**) 29-06-2009, 01:39 PM

والله الكل منا مقصر بوالدينه
لكن الله يصبرنا على طاعتهم قدر المستطاع
والله يا شباب اني مره فكرت ان اهلي كلهم ماتو وما بقي غير انا جلست افكر وين اروح
طيب انا لحالي بالبيت اسولف مع مين والله انكم صدقتوا يوم قلتوا ان الوالدين نعمه انهم حيين
وما راح تندم على فقدانك لهم غير اذا ماتوا وعرفت انك بدون قيمه بدونهم

غرريب · #7 (**permalink**) 30-06-2009, 09:03 AM

تدري وانا اخوك علشان لا اسوي مشاكل مع اهلي قلتلهم خلاص لاتصرفوا على انا بدبر نفسي كل هذا على علشان المشاكل والعقوق

قائد العطاله · #8 (**permalink**) 30-06-2009, 10:29 AM

هذا ابوك مهما فعل فهو له الحق ويجب عليك احترامه " لان ها الدنيا ديون " اللي تسويه اليوم في ابوك وبكره ولدك يسويه فيك... وبعدين الوظايف رزق ورزقك مكتوب قبل لاتطلع من بطن امك لايعني لاتستعجل واسعى في رزقك ...

عاطلة مش بطالة · #9 (**permalink**) 30-06-2009, 06:04 PM

كل حاجة إلا الوالدين ما تعرف تغلق عنك أبواب الرزق بأف منهم أو تفتح لك كل الأبواب بدعوة أو رضا واحد منهم

ياشباب المشكلة فيكم !!

من غير زعل !!

جالسين تنتظروا وظائف وكراسي حكومية ! وهالوظائف مع الأسف ماعادت لنا يالسعوديين !

دوروا لكم على تجارة لو بسيطة البداية بمئتين ريال ! وتحركوا فيها ونموها لحد ماتوصلوا للي تبون !

الأخ اللي يقول عشر سنوات أنتظر وظيفة!!! يعني ما فكرت تدبر نفسك لو مؤذن مسجد ؟!

ابدأوا صغار وبعدين تكبروا بدل الانتظار حتى يمر العمر وتلاقوا أنفسكم ما طلتوا هذي ولا ذاك !

أعرف اثنين أخوين واحد جلس ينتظر وظيفة والثاني صار يشتغل لحسابه يشتري ويبيع تمر ( مثل الموزع في سيارته من غير محل ) وبدايته كانت بـ 500 ريال استلفها من واحد ! والله العظيم الآن ملياردير ! وأخوه الآن يحاول يبدأ مثله !

الله وفقه لأنه عمل ( وَقُلِ اعْمَلُوا ) ولأنه بحث عن الحلال ! ولأنه (( ما أكل رجل طعاما قط خيرا من أن يأكل من عمل يده)) !

شيلوا فكرة الوظيفة من رؤوسكم ولو مؤقتا وأعملو ( وتسعة أعشار الرزق في التجارة ) عندكم التسويق , البيع والشراء ,التوزيع مجالات تجارية كثيرة فقط تحركوا وأتعبوا شوية وبتحصلوا خير بإذن الله

موفقين