اقول لكم شئ نهائي يريحنا ويرحيكم اولاً واخراً نخلي املنا بالله ونتوكل علية في كل شئ ونحنا راضين بما يكتبة الله لنا ورزقكم والله مايوقفه لا السميري ولا غيره لكن الشغلة لازم نكون على بينه من الامر فأنا لا اقترح بل انفذ
انا رايحلهم بكره الصباح انشاء الله فالي يحب يجي معايه يراسلني على الخاص بكره الاربعاء وراح اطلع عيونهم باخر يوم لهم بالاسبوع وبإذن الله ماراح اطلع الابنتيجه واضحه وخلونا من الكلام الزائد كل يوم واحد طالعلي بهرجة مالها مصدر خلونا من اللعب بالاعصاب مع احترامي الشديد لكم فالي قدها منكم يراسلني
بإنتظاركم

الله يبارك فيكم اخواني

ودي اكون معكم لما ترحون لهم لكن انا خارج مدينة مكة والسيارة ما تساعدنيني على السفر والحالة المادية .. سيئة ولله الحمد

اسأل الله ان يثيبكم ويجعل ما تقدمون في موازين حسناتكم

اخواني يدالله مع الجماعه افضل موعد للذهاب يوم السبت وليس الأربعاء لأن أغلب الموظفين يطنشون الاربعاء
السبت الكل موجود...وبعدين اللي يبي يروح للجريدة ممتاز جدا بس يقول لهم انه في تجمهر يوم السبت عشان الجريده تعطي الموضوع اهتمام كبير .وياليت اللي في مكة ينسقون مع بعض وكذلك اللي بالطائف وجده
لا كن اللي خارج هالمدن صعب عليه بصراحة.
ترى في الحركة بركة ...... والعيار اللي مايصيب يدوش.
وبالتوفيق

رحت لجريدة المدينة بعد صلاة المغرب دخلت عليهم اعطيتهم الموضوع من الاول للأخير وكان ردهم ليه

نحنا نزلنا الموضوع والاسماء فعلا خالصه عندهم وجاهزه وكانوا حينزلوها من وقت اعلاننا لكن يقولي الامطار اللي جات على مكة خربت لهم كل حاجة بالمباني لانها كانت مفتوحة فرجعوا يرمموا المبنى بالداخل وجاء تأخير النتائج لهذا السبب لكن نحنا على اتصال بخالد السميري واول من سيعلن النتائج هيا جريده المدينة وجالس يقولي هذا الكلام بيني وبينك من ناحية المباني والامطار لكن قالي اوعدك اول ما يعطونا النتائج قبلها بيوم راح اتصل عليك قبل ما ينزلوها واخذوا رقمي لأني رايحلهم من طريق واحد يعرفهم ويمون عليهم
هذا كلامهم ليه ولا تخافوا مكتب الجريده قريب من بيتي راااااح اجننهم
لكن مازلت مصر على ذهابي غداُ انشاء الله

الله يوفقكم ويكتب الله اللي فيه خير

الله يقويكم شباب

ماضاع حق وراءه مطالب


اخي خرج و لم يعد لك جزيل الشكر مقدما ثم ارجو منك تذكير الاخوان في صحيفتة المدينة بكلمة الدكتور السميري(من حق الذي لم يتم قبوله في المدينة الطبية ان يتظلم و يعرف اسباب عدم القبول.......))

و نحن هنا نتظلم ليس للتوظيف أو عدمه أنما للتاخير في اعلان النتائج و من حقنا الطبيعي ان نعرف وضعنا.


اسال الله التوفيق للجميع