السلام عليكم
اخواني
اليوم دقو عليا شركة موبايلي
وقالو بكرة عندك مقابلة في فرع موبايلي الرئيسي في شارع التحلية
الدور الثاني
والوظيفة مندوب مبيعات
وقلي مغاك سيارة قلت ايوا
خاب استفسر عن كل شي الدوام والراتب والبدلات والاجازات
ومندوب لايش بالضبط
وهل ممكن اترقى
افيدوني الله يخليكم

ارجو الافادة

يعلموك هم اذا رحت عندهم على الراتب وطريقة العمل

بس انا حاب استفسر من شخص عندو علم

ساعدوني يا اخواني

وعليكم السلام ورحمة الله وبركاته
ودي أخدمك لكن ماعندي أي معلومة
والله يوفقك ، ويسهل أمرك ، ويرزقك بالوظيفة

بالتوفيق

اللهم امين
ساعدوني

انت الحين رح وسو المقابلة بعدها يفرجها ربك

لا تسالهم عن الراتب ولا تسالهم عن اي من هالقبيل

هم راح يقولون لك كل شي

ونصيحة مندوب مبيعات اذا حصلت لك لا تطوفها لان فيها عمولات

يعني اذا بعت كمية معينة تحصل على عمولة فوق راتبك

وخل شكلك انييييييييييييييق لان هالوظيفة تحتاج الاناقة بشكل كبير وخل شخصيتك قوية وتحدث بطلاقة لانها من مميزات مندوب المبيعات

وحط ببالك اي ارتباك راح يطوف عليك الوظيفة

فخلك طبيعي قدر الامكان وخلك انيق ومرسم صححح وواثق من نفسك وتحدث بطلاااااااقة تاااااامة واستمع جيييييدا لما يقول لك

وبعدين اذا انقبلت راح يعطونك تفاصيل الراتب والمميزات

لكنها ممتازة واحرص كل الحرص على انك ما تطوفها لانها راح تفتح لك مجالات ثانية لو بغيت تسحب عليهم

يعني لمن تشتغل عندهم سنة مثلا راح تجيك زين والا الاتصالات والا عذيب وتعطيك راتب اطلق منهم لان صارت عندك خبرة في هالمجال وهو مجال مهم بالنسبة للشركة عشان تسوق اكبر قدر ممكن من منتجاتها


اتمنى اني افدتك

وما ابغى منك الا دعواتك القلبية لي بالتوفيق

نصيحه والامر لك مندوب مبيعات لاتنفع هذه الشغله لانهم ماقبلوك الا وبيمصون دمك اكبر دليل قالوا لك عندك سياره يعني من اولها , افهما انت والله الشغله متعبه ويكفيك انت اللي تذهب وتروح وتدور على عملاء وراح تمر عليك ايام ماتلقى فيها اي عميل ومعروفه شغله المندوبين لا تعتمد على الراتب بل على العملاء وهذا مايخلي الناس تبتعد عنها وانت تابع الجرايد وراح تعرف ها الكلام زين كل يوم حاطين 20 وظيفه مندوب بسبب عدم اقبال الناس عليها يعني خلك على المقوله ولاراح تندم ابد قليل دائم خير من كثير منقطع ......