السلام عليكم ورحمة الله وبركاته

قصيده اعجبتني لشاعره من قبيلة عتيبه تمدح فيها قبيلتها التي تستحق
المدح وليس قصورا بالقبائل الاخرى انقلها لكم للشاعره
(قهر يزيد) اتمنى ان تنال اعجابكم

كم هاجس يطري واعافـه واصـده
يطلب قصيد الحب والوجد والشوق

مـرة يفاوضنـي بجـزره ومـده
وأحيان يجمع غيم ورعود وبـروق

ازرى يحاولـنـي يجيـنـي وارده
وازريت ما فجر باحاسيسي عروق

مالي وما للشعر لـو مـا المـودة
قصايد بدمي ودمـي لـه حقـوق

يوم التقى العتبان مـن بعـد مـدة
شب الغلا من حبهـم كـل معلـوق

والشعر لعتيبـة ، عتيبـة تسـده
والله لاغنيها علـى كـل طـاروق

اللابـة اللـي بالـغـلا مستـبـدة
قلبي فدا برقا و عمـري فـدا روق

الهاجس اللـي فـي هواهـا تقـده
نشوة غلاها تترك الصدر مشقـوق

ما هـي علـى طالاتهـا مستجـدة
من مولد التاريخ وامجادهـا فـوق

عهد ٍ لابـو تركـي وحنـا نشـده
لين آخر العتبان والعهـد موثـوق

افواجنـا شيهانـه اللـي يـهـده
على خفافيش الخيانـات والبـوق

يفدا لقا العتبان مـن كـان ضـده
و ما ضده الا كل حاسـد وملفـوق

من شاطي الدمام الي بحـر جـدة
تمضي القوافل عز ّ وابليس محروق

المحفل اللـي مـاش مثلـه ونـده
والسبق للعتبان ما هـو بمسبـوق


وسلامتكم

والله والنعم بقبيلة عتيبة والنعم بكل القبايل

وصح لساان الشاعرة ,,, وصح لسانك وطبت وطااب منقولك ياشاعرنا .. وسلمت ودمت على روااائع الطرح ..

وعليكم السلام ورحمة الله وبركاته

صح لساانك ولساان الشااعر

والنعم في قبيلة عتيبه وجميع القبائل الكراام

الف شكر على الأختيار الرااقي

دمت بصحه وسعاده أخي عديم الياس

والنعم في قبيلة عتيبه وجميع القبائل
صح لسانك وسلمت على هالأختيار الموفق
دمت مبدع في طرحك

مشكور اخوي عديم اليأس
ولآ تحرمنآ من جديدكـ ...
تحيآتي:-
لن افقد الأمل

عاشوا العتبان
صح لسانك ولسان الشاعره
ومبروك الاشراف
دمت بخير

سلمت يمين الكاتبه والشاعرة ويمين ناقلها

مشكور عديم اليأس ع الطرح الرائع

وثيقة مرت من هون

والنعم بعتيبة وكل القبائل العربية

تسلم عديم اليأـس قصيدة مدح جميلة بمعنى الكلمة

ماعليكم زود
وشكرن للا خ عديم الياس