السلام عليكم ..
الله يديم المحبه عليكم يارب ..

عندي استفسار يالربع
انا طالب جامعي بجامعة القصيم قسم كلية الحاسب مابعد تخصصت بـ(تقنية المعلومات) وانا الحقيقه قررت أعمل ( الهروب الكبير ) من الجامعه ..
لانه وجع راس وتدرس تدرس طول الترم ولا تغاب الا يوم او يومين وبالاخير تحمل كل المواد .. وش ذا المرض

وذكرولي معهد الاداره العامه واشوف دوراتكم حلوه الصراحه وللمعلوميه انا أحب ماعندي DataBace قواعد البيانات متضمنه الإوركل والإمور هذي ..

وسؤالي هنا ..

1- هل أقدر احول من الجامعه الى معهد الاداره , وهل لو حولت أبدأ من جديد أو يكون فيه معادلة مواد ؟

2- فيه تخصصات تتضمن ماذكرت ( قواعد بيانات وإوركل ) لأني بعدها ابي بعثه خارجيه اكمل فيها الامور هذي ؟


علماً بأن نسبتي الان بالجامعه 2 << من جد هروب كبير

والمواد الى معديها ( البرمجه C , التصميم المنطقي , فيزياء , الثقافه الإسلاميه , المهارات اللغويه , التحرير العربي ) اما الباقي حسبي الله ونعم الوكيل ياحسافة الوقت بس وضيقة الصدر الى راحت على الفاضي

اتمنى الاجابه وشكرا
انا في الانتظار

معقوله ولا واحد عنده خلفيه !!

اعتقد الجامعة افضل من المعهد
والله يوفقك اخوي

على الأقل الجامعة بتخرج منها ببكالريوس أما

المعهد بتخرج منه بدبلوم نصيحة لك كمل والله

شوفني أنا خذيت دبلوم والحين أكمل جامعة من جديد

4 سنوات ثانية .. كمل والله يعينك ..

يآ رجآل شد حيلك وكمل

آلمعهد نصهم برآ مآ فيه وظآيف ..

هههههههه وانتم تحسبون كمل سهله ؟
ياحبيبي مهيب طقة اصابع هي .. ياخي يلزمك على الاقل لغه وفيه ناس معنا معهم لغه ومنفجره روسهم ومعصبين وحالتهم قلق
وانا عرفت مستواي كل ترم عن ترم ينزل تحت فلذالك ليه تضييع الوقت ويمكن اطرد من الجامعه واحرم من كل الجامعات لا بقلييط جامعاتنا واكمل بالخارج بعد الدبلوم منة الله ولا منة خلقه

لاتيأس وحاول والله بيعطيك على قد جهدك

اعرف ناس ماشاء الله عليهم جو بريطانيا ميج انقليزي وبعد سنتين (سنة بغة وسنة ماستر) تخرجوا ماجستير

ماشاء الله عليهم اللهم لاحسد

اكثر من الاستغفار وستخر ربك

وستجد ان شالله الحل

اتمنىا لك التوفيق ياارب

من جد سوي prison break 5..

صاحبك خريج علوم الحاسب وعاطل من سنه<********وندم ع السنوات اللى ضيعها في طلب العلم كان وضيفه من الثانوي ابرك..

وترى معهد الادارة خريجيه على مستوى عالى من حيث اللغه الانجليزيه ..

والاكثر طلباً من البنوك واسأل مجرب فضلوا خريج معهد اداره على خريج الحاسب..

وبأمكانك تمر على اقرب فرع لهم وتستفسر منهم عن معادلة المواد..

شد حيلك وخليك في جامعتك
وتخصصك قوي ماشاء الله ومطلووووب

اهم شيء تخفف من النت وطلعات الشباب

واذا حاس انك في المكان الخطأ يعني مو ميولك

نصيحة الحق عمرك من بدري

لأن خذها قاعده اللي ما يحب شيء مستحيل يبدع فيه او حتى يمشي فيه

و اعتقد مافي علاقة بين المعهد والجامعة
الا اذا كان من جامعة لجامعة

بس انت ممكن تسأل في المعهد والجامعة نفسها
اتصل على عمادة القبول والتسجيل وأسأل

والله يوفقك ويسهل امورك