هبايب نجد

ذعذعي ياهبايب نجد لاطاب نوم السالي
وانعشيني بريح من ربى نجد للشرقيه

رحمة الله نسناسك على غترتي وعقالي
كأنه الوصل والبيد شهباء والدير محميه

مرحبا ياهبايب ياهلا وانخطر في بالي
صاحب ٍ مانساني مرحبا بابه على طاريه

يحسبني نسيته وانجلى همي وغربالي
واثرني مانسيت الي سبأ بالهوى عانيه

وكل ماهب نسناس الغلا من ديار الغالي
هب في القلب من ريح الصبا عبرة نجديه

وانجحدت الدموع من الملأ آه وعزالي
وان غشتني دموعي نعنب الحب والحنيه

والله اني صبور والبلاء ياصرايم حالي
لاتذكرت دمع ماغبا لو جحدت راعيه

واحدماجحد حبه ولا شمت العذالي
جاهر بالغلا حلوالنبأ من صفاة النيه

كان ماله سوى تاج الحلا واسم جد وخالي
وصار بلقيس وفي وادي سبأ والحشى واديه

وله جموع تنادي بالولاء من تخدته والي
وله خفوق حماه من الظماء واحرمه وسميه

ولي عيون تحدى وتخلى من كراه حالي
كأنه تقول للنوم تهبا منت كفؤ ليه

غلق الصبر والصدر امتلاء بالغلا وامالي
شتتها رياح الاقرباء والسنين معيه

علتي علتي والمبتلاء لاجفاه البالي
ماله الا حصانه لو كباه في نهار الحيّه

سامح الله خبلي لو سلا عن ربيع وصالي
وسامح الله قلبي يوم اباء يندفن في حيه

ووسامح الله هبوب بالغلا من ديار الغالي
ذعذعت لين ذعذعت الصبا عبرة نجديه

شعر /ضيدااااان

مساء الخير..

هلا السنياري..

رائع ماسطرته من شعر ضيدان..

وكل ماهب نسناس الغلا من ديار الغالي
هب في القلب من ريح الصبا عبرة نجديه


سلمت يالغلا..

ربي يحفظك..


أحمد

الله الله على هبايب نجد العذيه . . .

قسم الشعر اجوائه حلوووووه مابين ذعاذيع الشماال وهبايب نجد .

سلمك ربي على رووووعة الطرح . . دمت برضى الرحمن .

صح لسانك ولسان شاعرها
ويعطيك العافيه

صح لساانك ولسان الشااعر

جميله جدا واختيار راائع منك اخووي

ربي يعطيك العافيه والف شكر

صح لسانك

مشكوووورين على مروركم الذي اسعدني