السلام عليكم ورحمة الله وبركاته :

أخواني اعضاء المنتدى الغالي اللي نصف وقتنا فيه ابي راايكم

انا احمل جنسيتين سعودي وكويتي ياخوان انا يمشي لي راتب من الكويت شهريا

وهو 600 دينار والى الان معي الجنسيه اقدم على التقديمات هنا نفسي اقطع الجنسيه الكويتيه

لاني والله ما احب الكويت واثنين من اخواني بالكويت يقولون تعال نوظفك في القوات الجويه

الكويتيه للعـلـم ياخوان اني مترردد نفسيا وكل شي يعني اجي هناااك مااتصور اني اخدم الكويت

ابي اخدم السعوديه ولاترضاء لي نفسي اخدم غير السعوديه لا احد يشرهه علي ياشباب لكن انتم ماتحسون اللي انا احس فيه عشت من كنت صغير بالكويت اللي وصلت سن 12 ورجعت للسعوديه وكملت ... وعشت حياتي اللين وصل عمري 23 سنه

اللي ابيه ياخواني رايكم علي اني اتوظف هناك واعيش هناك ولا اقعد بالسعوديه مع ان والله

شوفو على قعدتي بالسعوديه وراتب الشركه اللي بـ 3000 الاف ريال وراتب الكويت يعني 4000 والله اني مبسوط ومرتاح وماهيب مهمه الوظيفه سوا جت بعد سنه ولا سنتين اهم شي اني مرتاح نفسياا

ابي راايكم ياخواني لان خلال هالاسبوعين راح اتخذ القرار اللي بسويه وابي مشورتكم

وعلــى قولت أبونايف (مخاوي الليل) .....مايهـتـنــي منـهـو غـريــب الــدار

تحياتي لكم ....

صلي استخاره وانا اخوووووك

الله يوفقك

اكييد اخووي بس وش تنصحني فيه ...؟

العطاوي بجاوبك من وجهة نظري

راحتك النفسيه في السعوديه مثل ماتقول صحيح ؟

طيب هذي نقطه الراحه النفسيه

طيب الحين هل انت مرتاح ماديا في السعوديه ؟؟

ووين راح تبني نفسك ومستقبلك يعني الكويت راح تخليك تبني نفسك وتعطيك فرص انك تصير انسان عندك خير ولا السعوديه


لو السعوديه والي هي دولتك ماعطتك حقك ومالقيت وظيفه مناسبه لك خلاص روح الكويت


لكن لو تشوف انك في السعوديه امورك تمام من ناحية الوظيفه والنفسيه خلك هنا


يعني انت انظر لها بالمنظور المادي لانه عمرك 23 وقدامك مستقبل باذن الله

شوف وين راح ينبني مستقبلك هنا ولا هناك

والله لو السعوديه راح تجلس مثل الشباب الي لا حول لهم ولا قوه وتشوف ان الكويت راح تعطيك حقك وتبني نفسك فيها توكل على الله ورح الكويت

بس لاتنسى قبل كل شي الاستخاره

وموفق باذن الله

ماشاء الله يعني دخلك 7000 لله يزيدك
والله ياخوي حطيت نفسي محلك
والله صعبه اترك السعوديه وخدم بلد ثاني مهما يكون الراتب واللميزات
صح اني بعض الاحيان اسب السعوديه و ......وشعبها
بس مهما كان ذي بلادي ومرضى عليها يعني انا مره دخلت بلعبه روم كويتين والله نص ساعه طردوني قدحت فيه وطنيه عن السعوديه

لاكن اخوي استخير
انت استشرت
وماخاب من استشار ولاندم من استخار

ياهلا اخوي العطاوي
انا موئيد لكلام اخوي مهندس خالد وغير ذالك انك ذكرت ان لك اخوان بالكويت يعني لك اهل هناك انظر لمستقبلك
والله من وجهة نظري الكويت احسن لمستقبلك
والله يوفقك

الله يعطيك الف عافيه ياخوااان وشاكر الف الشكر على مروركم ع الموضوع

يارجال اجلس في السعوديه اصرف لي
وش لي وش للغربه يبوي السعودي يجيك مطنوخ راس دندون
صحيح مافيه وضايف ولافيه راتب لكن اقل شي انك مرتاح نفسيا
بتروح هناك وتجلس تفكر في السعوديه

هذا وجهة نضري وانتابوها وسمها

تبي الراي رح الكووووووووووويت وريح بالك
استقر ياولد
حنا على 6سنين ولا عينا شي واغتنم الفرصه بسرعه
رح للكويت واترك السعوديه وتوضف وراتبهم لا تقل عن 8الالف ريال وريح بالك واستقر