نهاية رجل شجاع

السلام عليكم ورحمة الله وبركاته......


اما بعد


اكتب اليكم هذا الموضوع بعدما تهلهلت علي هموم الدنيا وتقهقرت علي المشاكل وتزحلطن علي المصائب من كل حدب وصوب والسبب بعد الدلاخة هو الجهل وقلة الخبرة...


وسأذكر لكم كل ماحصل بالتفصيل ولكن حذاري من الشماتة (قسم بالله ياللي يتشمت والا اللي تتشمت لا اكلم عليه قلب المملكة اخليه يصكه بباند تدمي له القلوب)




القصة من البداية:::





قبل عام ونيف من الان تزوجت مثلي مثل أي كائن حي بعدما اقلقت اهلي وقضيت مضاجعهم لمدة تزيد عن 8 اشهر وبعدما قمت بأعمال السمكرة الخاصة بمنزلي وفي احد ايام رجب المبارك من العام الماضي اعلن الحداد بمناسبة زواجي ....اقصد اعلن الاحتفال بزواجي


وبعد مرور 10 اشهر بدأت احس بتغير من زوجتي لا سيما (اتحداكم تعرفون وش معنى لاسيما) وقت الاكل فكانت تنظر الي بنظرات غريبة كنت اتجاهلها حفاظا على المصلحة العامة.


وبعد اكثر من اسبوعين صارت تقولي لي (اف.....وش الريحة هذي) كنت اسوي نفسي ما اسمع الا انها كانت مصرة على وجودة رائحة قذرة فقمت مجبرا الى الاستحمام

كنت استحم في اليوم الواحد اكثر من خمس مرات واحيانا اكثر من ذلك لاسباب كنت اجلها فقط لانني احب زوجتي لايمكن ان ارفض لها أي طلب

وفي احد ايام الصيف القارصة الحرارة كانت تجلس في الردهة الخارجية فوددت ان اداعبها فنظرت الي بنظرة ثم قامت الى ردهة اخرى فقمت بملاحقتها ومداعبتها فرمت فنجان الشاي على رأسي .
احسست بدوار البحر ثم مالبثت ان سقطت على الارض قالت لي قم قلت لها ماهذا انني لا استطيع الحراك فقالت لي احسن خلك في الردهة خل الحر يذبحك ثم دخلت المنزل واغلقت الباب بقوة..

نظر الي ابي من النافذة وقال لي احسسسسسسسن خلك في الشمس قلت لك انت منت وجه زواج ثم اغلق النافذة بشويش

من حسن حظي ان مفتاح الحوش (عفوا اقصد الردهة) موجود معي

دخلت الى المنزل وحاولت ان اتحدث معها الا انها كانت مطنشة ....


شرحت معاناتي مع زوجتي لاحد الاصدقاء فأشار علي بأن احضر احد المشايخ فربما يكون بها مس من الجن...


اتصلت على احدهم وابدى تجاوبا معي ثم حضر الى منزلي وما ان دخلنا حتى ذهبت لابحث عنها فوجدتها في المطبخ

ادخلت الشيخ الى المجلس وهو الله يصلحه معلق البشت على يد الباب (يعني يبغى يوريني انه شيخ)


احست زوجتي بحركة غريبة فوقفت بجوار المجلس واخذت تتنصت علينا ثم ما ان فتحت الباب الا واشوف مكنسة طاااااااايرة وتجي في راسي

وارجع ادخل المجلس وقلت للشيخ :ابشرك الجني نطق وتحرك بعد ...قال الشيخ :الله المستعان

ويوم فتحت الباب الا ويجي كعب اصلي طاااااااااااااااااااير ويصحك في راس الشيخ (اذكر اني شريته بـ250 ريال واحيانا كنت ادق به المسامير بدل الشاكوش)


قام الشيخ وطلع مفك عجل وزرادية امسكت الشيخ وقلت له على وين

قال لي : سأذهب لأخرج الجني تالله شكله خطير

قلت له : تالله انك منت بشيخ تالله انك بنشري ......شم ريحة البشت ريحته كفر محروق

قال لي: اتق الله

قلت له : انت اتق الله وخذ الخيشة اللي معلقها على يد الباب وتوكل على الله الشرهة ماهي عليك الشرهة علي انا اللي اخذ برأي طارق ابو ريحة

قشعته هو وقراشيعه جايب معه سطل مويه وحاط عليها شوية ملح ومتفل فيها ويقول انها موية زمزم


المهم قلت مافي حل الا اني اروح المستشفى.....وبالفعل رحنا وكانت النتيجة


































































انها حامل ومتوحمة علي بعد


























انتهت السالفة





مايستفاد من السالفة:

1-عدم ان الواحد يصدق واحد زي طارق ابو ريحة.
2-مافي داعي لاحضار القراء للرقية كل واحد يرقي نفسه بنفسه.
3-كل واحد ياخذ معه مفتاح احتياط لكل الغرف .
4-اذا حسيت ان زوجتك ما تطيقك وانها كل يوم تكسر شي على راسك فالافضل ان تذهب للمستشفى يمكن تكون حامل.
5-اذا جبت واحد يقرا حاول تشم ملابسه يمكن يكون بنشري والا سمكري .
6-اذا طردتك زوجتك وهي حامل لازم تتحملها عشان صحتها وصحة البيبي ...اما اذا طردتك وهي مو حامل مالي صلاح.


وسلامتكم





وهذي الصورة هدية للكل





اشوفكم على خير في قصتي الجديدة (رحلتي مع اعضاء البطالة الى مصر)



باااااااااااااااااااااااااااااي