تأسس الموقع عام 2006
Site was established in 2006


ديوان حلول البطالة

موقعنا والإعلام

حلول البطالة الإمارات

هل أنت مسؤول توظيف ؟

تسجيل الدخول
العودة   حلول البطالة Unemployment Solutions > مرآة الواقع > إستراحة الأعضـاء

الملاحظات

قصتي مع شغلتنا<<صليحه::تموت من الضحك

إستراحة الأعضـاء

السلام عليكم ورحمة الله وبركاته بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين هآآآآآي حبآيب قلبي .. هذي قصة...

أضف رد
 
LinkBack أدوات الموضوع انواع عرض الموضوع
  #1 (permalink)  
قديم 05-07-2009, 09:58 AM
الصورة الرمزية ملازم بدون نجمهـ
عضو ماسي
 
تاريخ التسجيل: Jun 2009
المشاركات: 1,615
معدل تقييم المستوى: 827209
ملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداع
قصتي مع شغلتنا<<صليحه::تموت من الضحك

السلام عليكم ورحمة الله وبركاته


بسم الله الرحمن الرحيم


الحمدلله والصلاة والسلام على رسول الله وعلى آله وصحبه أجمعين



هآآآآآي حبآيب قلبي ..
هذي قصة واحد مع شغالتهم انا بصراحه اول ماقريتها
بغيت انفقع من الضحك..}~
[ اخليكم مع القصه ]
اول شي احب اعطيكم فكرة عن شغالتنا
شغالتنا يا كرام مخروشة الى ابعد حد
يعني لما نشوفها جايبه الشاهي نعلن حالة الطوارئ و ننزل البزران للملاجئ
لانه عادي عندها تشيل 13 بريق شاهي بيد و10 دلال قهوة بيدها الثانيه
وتمشي صافطه الطبلون يعني كنها تصاقط ظلالها
انا اقول لامي احس انها مسكونه بجني كان يشارك في اختراق الضاحية
تصدقون شرينا جهاز تعلقه معها علشان امي لما تبيها تناديها بالجهاز
بس للأسف علشان سرعتها صار الجهاز ما يلقط الارسال
يعني لو تبي تعذبها خلها لا تتحرك بس ثواني
وبعدين عادي تناديها وتسالها عن شي ما تدري الا هي رايحه ومخليتك.... مو تطنييش لااااااااا بس دباشه
انا احس انها ما قد شافت بشر ولا تدري وشلون يتعاملون مع بعض
تقدرون تقولون انها مخروشه (( وفي روايه اخرى : سبيكه ))
المهم انا صار لي معها موقف قوووووووووي
مرة وانا راقي لغرفتي مروق وادخل غرفتي
وانا من عادتي اني ادخل غرفتي وبعدين اعطي الباب كعب قوي واصكه واقفل غرفتي
واطلع جوالي وانطله على المخده مع انه دايم يطيح ورى السرير وابلش ادوره
و أفصخ ثوبي واحطه في مكانه المعتاد اللي هو اجدعه على الارض
بعدين اشيل فنيلتي واصفطها لين تصير مثل الكوره
واشوتها على الشماعه
عني ما يبقى على الا سروالي النص
المهم حمامي الله يعزكم جوا غرفتي
المهم يوم فسخت ثوبي قعدت قدام المرايه اتميلح واكلم روحي وانكت شوي
وامسك المشط واتخيله مكروفون
واغني الاماااااكن يعني قمة الطرب << هع
واستعرض عضلاتي والعب كراتيه مع صورتي بالمرايه ..
واكلم نفسي بالمرايه واقول بتعقل انت والا يععع كعع
وارفسه برجلي << خخخ
وبقية الحركات اللي انا دايم اسويها بشرط ما يكون عندي احد
عاد انا دايم انهي حركاتي هذي بقفزه على السرير
و كنت دايم وانا انط اقول :
دوووق فليــــب<<< هذ اسم اللي كان يسوق كريندايزر <<< ايقالك شرح الحين خخخ
عاد وانا ناط وبين السماء والارض حانة مني التفاته<<< الله اخيراً قلت حانه من زمان وانا ودي اقول هالكلمه
المهم يوم حانة مني التفاته للحمام وش شفت
[/align][align=center]صليحه<<< اسم شغالتنا ....
واقفه بوسط الحمام وماسكه مكنسة وسطل وهي منصدمه
قلت لها صليحة خيررررر وش عندك ..
زي العاده ما ردت رجعت مرة ثانيه بالاشاره اسالها وش عندك
كل هذا وانا بين السماء والارض ما بعد وصلت السرير<<<< ما يكذب ابــــــد هخهخهخهخ
وجلسنا نناظر بعض اللي يشوفنا يقول والتقى الحبيبان
وانا ودي اخذ المكنسة اللي معها
ثم امسك راسها وادخله بوسط السطل اللي فيه مويه علشان اشوف من وين ينسم راسها
واصرخ عليها يا دبشه ورى ما تكلمتي وعلمتيني انك هنا
وكالعاده كنك تكلم جدار
المهم لاني عارفها دريت انها يوم سمعت صوتي انخرشت ولا درت وش تسوي
وبذهانتها الخارقه قالت أبقعد هنا و مهوب شايفني .... لعنبو دارك ودار مخك
عاد انا قعدت اتذكر وش كنت اسوي يلعن ابو الفشيله
بس اللي مهونها علي قلت اشوى اني ما فصخت كل شي
كان أبطلب من اهلي يسفروني انا مو هي << هههههههه
المهم اني قلت لها خلاص امشي اطلعي
وانا ابي افتح باب غرفتي اسمع امي جايه لغرفتي وتناديني
يا ســــلاااااااام على الحظ
انا والشغاله بغرفة نومي والغرفة مقفله وانا شبه عاري ما علي الا السروال النص
يعني امي لو هي عمياء بيروح على طول تـفـكـيـرهـا غـــــلط
يعني التهمة لبساني لبساااااني ...
لالالالا تحسبون السالفة خلصت
علشان تعيشون معي الموقف
انا ما علي الا سروال نص والشغاله جنبي واقفه ,,,والباب مقفل وورا الباب امي
وانا اعرف امي ماراح تروح الا اذا فتحت الباب
في هاللحظه .... خطرت في بالي فكرة انما ايه ما تخرش الميه
لي اخو يدرس برا وامي تموووووت فيه واذا دق تركض امي ركض
كأنها بنت جايتها رسالة جوال خخخخخ
و أنا إللي أقمز على السرير
واخذت الجوال ودقيت على بيتنا ورد على ولد اختي من تحت
قلتله انا خالك بدر وين جدتك بسرعه انا اكلم من برا
فقام البزر يصوت لامي
خااااااااالي بدررررررر بالتلفوووووون
امي اول ما سمعته يصووووت تدروشت وتلخبطت
و قامت تقول يوووه قله انها فووووق وصارت تمشي وتدور التلفون اللي فووووق
و هي تقووول :
افففففف وين ودت التلفون هالشغاله
وانا في نشوة الفرح لنجاح خطتي الجهنميه اذا بصليحه <<<< مرة ثانيه اسم شغالتنا
اذ بها يوم سمعت امي تقول (وين ودت التلفون هالشغاله) اذ بها بأعلى صوتها تقول... فوق مكتبه يا ماما!!
انا من قوة غبائها والحركة اللي سوتها ما استوعبت الموقف
قعدت لحظات علشان مخي يتعرف على هالموقف
بس ما لقى اي موقف مشابه قد مر عليه يعني سبق مو صحفي سبق غبائي لهالشغاله
الادميه ذي ذكائها خارج التغطيه الا مخها منتهي الصلاحيه هذي طفرة في الدباشه
المهم انا صرت ما اسمع لامي صوت مدري هي سمعت الشغاله والا لا
يوووووم جت المصيبه
وانا واقف عند الباب اتسمع والشغاله جنبي
و إذا بصليحه تمسك عروة الباب وتبي تفتحه فرمقتها <<<< حلوه رمقتها ذي صح خخخخخخخخخخ
المهم رمقتها بعيني يعني وش تبين
قالت : لا بابا افتح الباب لا بابا حرااااااااااام
لا باب ايش يبغى انت
لا بابا انا حرمه كبير
انا حرمه فيه بيبي حراااااااام بابا
ياســــــــــــــــــــــــلاا ااااام الاخت فاهمه غلط
تحسبني اسوي كل ذا علشااااني ابيهاااااااا
مدري اضحك والا اصيح والا وش اسوي فيها
من زينك انتي ووجهك اللي Xxxx...هذي أنا عدلتها لانه يتكلم على شكلها حرام
لعنبو شكلك لو تطب علينا الهيئه اخذو علي تعهد وانتي سجنوك مؤبد
وراح يسوولي انا كشف حمل مو انتي <<<<< قويه شوي خخخخخ
المهم الآدميه مصره تفتح الباب وما دريت الا هي فاتحه القفل وامي جنب الباب
تقول : ,,,, صليحه!!!! صليحه انتي هنا
وقبل ما تفتح امي الباب دورت بسرعه سروالي الطويل ولقيته على الارض
وامد ايدي باخذه.<<< يعني اذا لبست بتنحل القضيه خخخخخخخخخ
... في هاللحظه فتحت امي الباب
ولا لقيت تصريفه لوضعي وانا ماد ايدي للارض أباخذ سروالي
الا اني ولا إرادياً
قلت :
الله اكبرررررر<<<<< إيه سويت نفسي اصلي و أسجد
خخخخخخخخخ
(( وش اسوي ما لقيت اي تصريفه ))
وبعدين ما ابي امي تسالني عن شي فاحسن شي اسوي نفسي اصلي
المهم اني في نفسي اقول يارب انها ما تلاخظ اني اصلي وانا شبه عاري
امي دخلت وتنحنحت شوي بعدين
قالت : للشغاله وش قاعده تسوين
لكن كالعاده الشغاله أكلت تبن وسكتت وطلعت
وقفت امي شوي وانا قاعد اصلي
و أقول : في نفسي اشوى انها ما انتبهت اني متفصخ
المهم شوي الا و يوم قالت لي :
أجل تصلي هاه !!!!!!!!!!
وانا اللي ابلع ريقي مو بس ريقي الا حتى اللوز بلعتها << ههههه
قالت : اجل تصلي,,,,
زين بس ترى القبله غرب وانت تصلي شرق
وطلعت وصبخت بالباااااب بقوووووووووووه
يووووووووووووووووووه
انوااااااااع الصدماااااااات ياربيه وش اسوووووووي
واقعد افكر يارب وش اسوي
والله اني مظلووووم <<<<<< رحمتوني صح هع هع
واقعد افكر وافكر ,,,,, قلت احسن حل الصرااااحة
واللي يصدق يصدق واللي مو مصدق لا يصدق
ولا انتبهت لنفسي الا بعدين
طول فترة تفكيري وانا قاعد اكمل صلاتي <<<خخخخخ
المهم لبست ملابسي ونزلت ورحت لأمي
وهي من هوووول الموقف قاعده تتنافض وتحتري ابوي
يوم جيت صرخت بوجهي لا تكلمني ولا تلمسني ابعد
قلت : اسمعي
الصدق مجراه والكذب مفراه << خايف و أتفلسف خخخخ
قالت : وشو
قلت : الصدق منجراه والكذب مفتراه << الخوف كل ماله و يزوووود هع هع هع
قالت : وش تقول انت
قلت : اففففف الصدق زين والكذب شين
وشوله الفلسفه
وقعدت اقولها كل اللي صار واحلف يمين واقسم بالله
والحمد لله لان امي واثقه فيني صدقتني
بس مدري ليه سفرو الشغاله بعد يومين << الى الحين ما فهم انهم سفروها لانهم ما صدقوه خخخخخخ
بالنهايه احب انصح اخواني الشباب
إنتبهو تتفصخون بغرفكم وعندكم شغاله اسمها صليحه<<<< متعوب عليها النصيحه خخخخخ
ودمتم سآآلمين..~




لأمانه منقوووول من احد المنتديات

رد مع اقتباس
  #2 (permalink)  
قديم 05-07-2009, 10:51 AM
عضو مهم
 
تاريخ التسجيل: Jun 2009
المشاركات: 308
معدل تقييم المستوى: 32
قائد العطاله يستحق التميز

والله طلعت راعي افلام ياملازم , بس من قلت ان في غرقتك دوره مياه وسرير ومرايه حسيت انك مهم وودي
اتعرف عليك .....( واحد مطفر مايشوف غرفه النوم ودوره مياه الا في الافلام )..
بعدين الشغاله رجعوها لمكتب الاستقدام قل لهم , انا طالب شغاله ماهي سعلوه " ساحره " والله اني احس ان شغالتكم هي اللي تجي باافلام الكرتون " ام عصا" .... بس ودي اشوفك شكلك وانت راز قدام المرايه والله لو انك
" مجنن البنات " بس ياخوفي انك منشف ريق البنات من كثر مايتفلون عليك ؟؟؟؟
بس 10 اباريق شاهي و 10 دلال قهوه والله لو اني هندي , اصلآ لو تقولها لهندي مد لسانه وقال / ايه هين ....
تعال بعدين ملاجى في البيت الظاهر ماهو بيبت سجن ابو غريب ...
بس يوم انك تصلي عاد هاذي قصه ثانيه اول مره اشوف واحد يصلي وهو مفسخ الظاهر انك بوذي .... بس امك
فاهمه الكفت لا تحسب انها مشت عليها ......
وسبب تسفير الشغاله الظاهر انها قلبت عليك وانت مانت راضي تعترف بها الشيء .......... تقبل مروري عزيزي الظاهر بعد هالرد ماظن تبي تكتب شيء ....بس حلوه القصه وكثر منها .....

رد مع اقتباس
  #3 (permalink)  
قديم 05-07-2009, 01:07 PM
الصورة الرمزية اميرالبطالة
نجم المنتدى
 
تاريخ التسجيل: Apr 2009
الدولة: الجنـــــــوب 07فديــــتهــــا
المشاركات: 2,523
معدل تقييم المستوى: 113
اميرالبطالة محترف الإبداعاميرالبطالة محترف الإبداعاميرالبطالة محترف الإبداعاميرالبطالة محترف الإبداعاميرالبطالة محترف الإبداعاميرالبطالة محترف الإبداعاميرالبطالة محترف الإبداعاميرالبطالة محترف الإبداعاميرالبطالة محترف الإبداعاميرالبطالة محترف الإبداعاميرالبطالة محترف الإبداع

هههههههههههههههههههه
والله منت بهين يا الملازم

أعجبني ما خط قلمك

رد مع اقتباس
  #4 (permalink)  
قديم 05-07-2009, 01:16 PM
الصورة الرمزية ملازم بدون نجمهـ
عضو ماسي
 
تاريخ التسجيل: Jun 2009
المشاركات: 1,615
معدل تقييم المستوى: 827209
ملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداع

اقتباس:
المشاركة الأصلية كتبت بواسطة قائد العطاله مشاهدة المشاركة
والله طلعت راعي افلام ياملازم , بس من قلت ان في غرقتك دوره مياه وسرير ومرايه حسيت انك مهم وودي
اتعرف عليك .....( واحد مطفر مايشوف غرفه النوم ودوره مياه الا في الافلام )..
بعدين الشغاله رجعوها لمكتب الاستقدام قل لهم , انا طالب شغاله ماهي سعلوه " ساحره " والله اني احس ان شغالتكم هي اللي تجي باافلام الكرتون " ام عصا" .... بس ودي اشوفك شكلك وانت راز قدام المرايه والله لو انك
" مجنن البنات " بس ياخوفي انك منشف ريق البنات من كثر مايتفلون عليك ؟؟؟؟
بس 10 اباريق شاهي و 10 دلال قهوه والله لو اني هندي , اصلآ لو تقولها لهندي مد لسانه وقال / ايه هين ....
تعال بعدين ملاجى في البيت الظاهر ماهو بيبت سجن ابو غريب ...
بس يوم انك تصلي عاد هاذي قصه ثانيه اول مره اشوف واحد يصلي وهو مفسخ الظاهر انك بوذي .... بس امك
فاهمه الكفت لا تحسب انها مشت عليها ......
وسبب تسفير الشغاله الظاهر انها قلبت عليك وانت مانت راضي تعترف بها الشيء .......... تقبل مروري عزيزي الظاهر بعد هالرد ماظن تبي تكتب شيء ....بس حلوه القصه وكثر منها .....
خخخخخخخخخخخخخخخخخخخ
مشاوير ارد عليك يبيلي اياام
بس اي غرفه يبوي ملحق 3 متر بنص متر وفيه نص الشعب تاكين

ههههههه بس حلوه منشف ريقهم
اوما قلبت علي<<<كل شي جايز
رد مع اقتباس
  #5 (permalink)  
قديم 05-07-2009, 01:17 PM
الصورة الرمزية ملازم بدون نجمهـ
عضو ماسي
 
تاريخ التسجيل: Jun 2009
المشاركات: 1,615
معدل تقييم المستوى: 827209
ملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداعملازم بدون نجمهـ محترف الإبداع

اقتباس:
المشاركة الأصلية كتبت بواسطة اميرالبطالة مشاهدة المشاركة
هههههههههههههههههههه
والله منت بهين يا الملازم

أعجبني ما خط قلمك
حياك اخوي
رد مع اقتباس
أضف رد

(( لا تنسى ذكر الله ))


مواضيع ذات صله إستراحة الأعضـاء

مواقع النشر (المفضلة) وتحتوي على WhatsApp لإرسال الموضوع إلى صديقك



تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة





الساعة الآن 01:03 PM


Powered by vBulletin Version 3.8.9
Copyright ©2000 - 2025, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين