السلام عليكم ورحمة الله وبركاته

يمكن كثير منكم يعرفوني بالمنتدى واللي مايعرفني شهاداتي بتوقيعي
الموضوع ومافيه قبل 9 شهور تقريبا تحديدا في اكتوبر 2008
كلمت احد مسؤولي الHR في ساب واستفسرت عن امكانية وجود شواغر في البنك طبعا انا كنت مقدمه قبل اكلمه على الموقع وعلى ايميله الخاص بالبنك
استغرب انه ماجاني اتصال على مؤهلاتي ووعدني خير وقالي اول اختبار راح تدخلينه
وفعلا كان لي موعد لدخول الاختبار بنفس الاسبوع رحت الرياض اختبرت 3 اختبارات لفظيه وعدديه وانجليزي
طلعت النتيجه كانت درجاتي جدا مرتفعه بكافة الاختبارات ( ماشاءالله) والمسؤول بلغني شخصيا اني من أول المرشحات للمقابله
انتظرت شهر شهرين مره يقولون شهر 12 فيه توظيف ومره مع ميزانية الدولة ومره ميزانية البنك ومره ارباح الربع الاول كل هذا وانا راضيه ومستبشره خير
اليوم حسيت السالفه طولت كلمت المسؤول
عطيته الريفرنس نمبر حقي عشان يجيك
قالي اختي مو مبين عندك ولا شي
استغربت شلون يعني؟
قال غيرنا نظام البنك وراحت كل الداتا واساسا احنا نسوي دروب كل 6 شهور
تخيلوا الاحباط يعني ايش يعني اقدم من جديد من البدايه
طيب مو ظلم؟
انا وش ذنبي انتو ماكلمتوني طول الست شهور والا انا جاهزه بأي وقت يعني اسافر واتعنى واختبر وينلعب باعصابي بكل سهوله؟؟
لو انا مااسالت ماكان عرفت شي يعني انا كنت طول هالفتره انتظر اتصال وانا اساسا مو موجوده بالسيستم والله ماادري شاقول من بلغني المسؤول وانا فيني الصيحه بس ماسكه نفسي
حرام والله حرام
ابي اسمع رايكم
الله يعوضني خير عنهم في القريب العاجل

وعسى ان تكرهو شيئا وهو خيرا لكم
اختي الكريمه تأكدي انه لا يأتيك الا ما كتبه الله لكي واستعيني بالصبر والصلاة
والله يعوضك أفضل منها

اختي الكريمة خريجة نظم لا تصدقين الخرابيط هذي ،،،،،،،،،،،، صدقني لو عندك ابسط واسطة ، وكانو يبون يقبلونك كان من زماااان وانتي مداومة ،

الله يعوضك خير منها ، وصدقيني أن فيها خيرة ، وإن شاء الله يعوضك بعمل حلال مية في المية مافيه شك واحد في الألف .............

انتي سويتي الي عليك ، ولا تمشين ورى السراب والتصريفات كثير ترى تتعبين اكثر ،،

تمنياتي لك بالتوفيق ،

الله يعوضك خير
والرجاء في الله موفيهم
والله كريم قدمي تاني وتالت ورابع وووووو ولا تحبطي ولا شي

الله يوفقك ويعوضك خير منه

مرحبــا خريجة نظم
ترى مافي شي اسمه الداتا راحت أو عملولها دروب
هذا بنك ,, البيانات الي فيه أساس كل شي .. لكن الأكيد انه يتم تحديث البيانات للمتقدمين للوظائف كل ست شهور
لأنه الأفضليه دائما للمتقدمين حديثا
كل الي عليك انك تحدثي بياناتك كل أربعه أو خمس شهور حتى لو كنتي مقدمه على الوظائف وتم اجراء مقابله ...
ولكن بما انهم ما أعتذروا عن توظيفك تقدري تحدثي البيانات الى أن تعرفي وضعك عندهم

من ناحيه ثانيه حسب ما أعرف ان الوظائف في ساب حاليا متوقفه والمفضلين للتوظيف هم على بند الأجور
كمان حكاية انهم ينتظرون الى بعد الميزانيه للبنك ... صحيحه .. لأن أوضاع البنوك تعبانه والتوظيف متوقف بهالسبب..
لتخفيض التكاليف ... الى أن يعرفوا أوضاعهم الماليه وين وصلت مع هالأزمه الماليه الي تمر

يعني طولي بالك ... الوظيفه يبغالها طولة بال وصبر


والله ييسر أمورك ويفرجها عليك

الله يزرقك من فضله.. ويغنيك بحلاله عن حرامه..

لعلها تكون خيرة لك اختي
والله يرزقك بالافضل والاحسن انشالله