بسم الله الرحمن الرحيم

السلام عليكم ورحمة الله وبركاته



تحية طيبة لكل عاطل وعاطلة

ومعاً عطالة ممتعة ومستقبل زاهر

ابفتح هالمتصفح لا لشي الا لتفريغ ما بالنفس

المهم اخوكم عاطل مع مرتبة الشرف وبدرجة أمتياز وخبرة بطالة أربع سنوات بدون أي أجازة 24 ساعة في اليوم و7 ايام في الأسبوع


المهم ما علينا في برنامج يطلع فيه محلل سياسي وشيخ ومسؤل كبير

ويتكلمون عن الوطنية وان لابد لكل أحد ان يدافع عن الوطن وان يكون مواطن صالح سالت الدموع تأثراً بالوطنية وتحمست حتى كدت أخرج أرفع علم السعودية وأقول نفديك بالروح والدم يا بلادي .

أحببت الوطن والمذيع والشيخ والمسؤال الكبير
صفقت لهم من خلف الشاشة وغبطتهم على قيامهم بوطنيتهم الغراء وقيامهم بمسؤلية التذكير بالوطنية مع مشاغل الحياة .

اخذ يتكلم المسؤال عن الخدمات الرائعة التى لم أراها لكن بلاش لازم افرح المهم انها موجودة حتى ان لم اراها .

وتكلم الشيخ الجليل عن كرم السعودية على شعبها وسعيها الحثيث على راحة المواطن وحتى غير المواطنين فخيرها وصل الى بلاد ليس لدولة اي مصلحة منها وما ذاك الا لكرمها .


يا الله كريمة بلادي

تساهم ببناء بلاد بإندونوسيا ودول أول مرة اسمع بها ولا أدري له وجود بالخارطة ام لا المهم ان بلادي الدولة الوحيدة الكريمة

حتى صرت اضع رجلي اليسرى على اليمنى وأنتقل من قناة لقناة وأنا أنشد

السعودية وبس والباقي ياكل خس


وصلت على جوالي رسالة جوال

فرحت بالرسالة وانا مشكك هل المرسل هي جهة حكومية تطلب مني الحضور لمباشرة العمل او هي شركة كبرى !!

المهم انه عمل لكن الشركة أفضل لان فيها ميزات ... لا الحكومية أفضل لانها أظمن لا ..الخ من الهواجس

قرأت الرسالة

عزيزي العميل سدد الفاتورة بقيمة 5 الآف حتى ما يفصل جوالك كلش :o(بالمعنى طبعاً )

اخرج تأفيفه خفيفة وأنا اقول ايه هين يالاتصالات تفصلون الجوال هههه علينا

اصبر كم يوم وأنا متوظف واسدد

5 الآف ريال 200 منها على الأصدقاء والمعارف والباقي 4800 بسبب البحث عن وظيفة


مر شهر وشهرين وبدون جوال

ما فيه مشكلة نكمل المشوار ويعين الله

وبعد 6 شهور معدل السفرات 12 للمقابلات للوظيفة وبلغ تكلفتها 3 الآف ريال من سكن وغيره


بعد سنة

بعد صلاة العصر اجلس بمفردي وافكر

الآن كيف أقدم على مصلحة المياه

التسجيل مفتوح لكن شروطهم صعبة

يريدون ملف علاقي مع صورة

راح يكلفني 7 ريال

وانا من وين لي بالسبعة !!

افففف

اقول لأخوي

لا احرااج الوظيفة السابقة هو اللي تبرع لي بملف علاقي

اممممم اف لو احد يفتح جمعية الملفات العلاقية للعاطلين كان يفك أزمة

اقوم بدون شعور واخطب بالناس المتبقين بعد الصلاة

ايها الناس اسمعوا كلام ناصح

الدولة الرشيدة حفظها الله ما قصرت معنا

بس فيها خطأ واحد

نعم يا ناس خطأ واحد


يرد ابومحمد وش الخطأ ؟

اممم الخطأ كان من المفترض التقديم على الوظيفة الحكومية بدون ملف وبدون صورة شخصية


ابومحمد تدمع عينه وهو يقول الله يعينك جن الولد

انا !! لا ما انا مجنون جد العاطلين انهكتهم شراء الملفات


بعد سنتين





الآن حضرت الصلاة ابصلي وممكن أكمل

وأرفع راسك انت سعودي عاطل

سجل معك عاطل بكل ماتعنيه هذي الكلمه

وأرفع راسك انت سعودي عاطل

الله يسهل أمورنا

الله يعين بس مدري لين متى واحنا عاطلين

القهر دراسة الجامعة راحت كذا بس !!

الله يصبرنا بس مالنا غيرك ي رب ..