الله يعين ان شاء الله


ويفتحها في وجيهكم يا رب

وش صآر يآ شبآب

أحس أننا خلاص بنموت من كثر النوم

بارك الله فيك أخوي رامي كفيت ووفيت

بس عندي إستفسار عن تكلفة الترم الواحد

الله يكون في عون خرجي الكليات التقنيه

الله المستعااان

الله كريم

ياخوان غدا الاثنين برنامج 99 عن البطالة على قناة الرياضية مالكم عذر كثيف الاتصالات

طالب بحقوقكم فرصه لاتعوض الساعة 30/9

يالربع تصدقون إن متخرج من الكلية التقنية ( محاسبة ) وبمعدل امتياز مع مرتبة الشرف ومع ذلك ما لقيت وظيفة
صراحة قهرر تحصل الي ادنى منك توظف ليش لأن عنده واسطة والله العظيم قهرر

قالوا ناقصك شهادة حاسب جبت لهم شهادة I c D L
قالوا ناقصك انجليزي جبت لهم شهادة وما نفع

\قالوا ناقصك دورات تطويرية وجبت وكذلك ما نفع

يا خي ما ندري وش نسوي

ما نقول الا لا حول ولا قوة الا بالله

أولا وأخيرا الحمد لله على كل حآل
بسم الله هذا أول رد لي بالمنتدى وأول مشآركآتي
انا خريج حالي حالكم من التقنيه والحمد لله تخرجت برمضآن اللي فآت
بتقدير جيد جدآ والحمد لله
وبأبدأ بمشوار العطاله الله لا يقوله بسم الله علي
اول ما اشفت الردود بالمنتدى بصرآحه حطمتو كل آمآالي
إلى أملي بالله سبحآنه وتعالى
وهذا هو أملي من ربي خلقني
لاحول ولا قوه إله بالله بعضكم له 5 سنوات عاطل
واللي 4 سنوات معقوله كل هالسنوات ما لقى وضيفه
سبحآن الله أكيد مسوي شي بدنيآه
أو انه عاق والديه أو امه داعيه عليه
انا أوصيكم بتقوى الله وبر الوالدين والله افضل من ألف وضيفه ومن أفضل راتب
انا بالنسبه لي الحمد لله حالتي الماديه تعبانه وشاكر ربي
ما تهمني الوضيفه بقدر ما تهمني راحتي النفسيه
دامني مبسوط وبعافيتي ماني مستعجل ع شي
انا عارف ان رزقي مكتوب لي من ربي خلقني
وعارف ان رزقي ما احد ماخذه غيري مهما صار
بس اطلب من ربي ان يبارك لي فيه أذا جاني
والحمد لله على كل حآال
انا اللي علي بسويه وحالتي على الله
انا ما عندي ولا خبره ولا عندي حتى اي دوره
ولا واآآآآآسطـــة من البشر
واسطتي الله سبحانه وتعالى
اللي يسمع كلامي يقول هذا مطوع ويتفلسف
لاكن لا والله أنا اكتب الواقع واللي اشوفه قدامي واللي تعلمته من دنيآآآي
تعلمت اني اشكر ربي على كل شي
غيري مو لاقي اللي ياكله
وغيري مو لاقي لبس يلبسه
انا ابذل جهدي ووكليــلي الله
وبالختآم ادعو كل من قراء سطوري المتواضعه ان الله يوفقه بحيآآته ويكتبله اللي تمنآهـ ويبارك له برزقه
وأكـــثرو من ادعآء والاستغفآآر < نصيحه لا تقدر بثمن
وصلو على سيدنا محمد صلى الله عليه وسلم .