18-04-2007, 12:31 AM
|
عضو سوبر
|
|
تاريخ التسجيل: Apr 2007
المشاركات: 384
معدل تقييم المستوى: 36
|
|
اقتباس:
المشاركة الأصلية كتبت بواسطة زينة و نحول
الأخوات اللي يتذمرون من الأخت غاده والمسئوله عن قسم الموارد البشريه
أبي أفهم سبب واحد لتذمركم منها؟؟؟؟؟؟
هذا بنك مو محل شوكولاته وهدايا تبونها تستقبلكم بضحك وسوالف وابتسامات مالها داعي
المقابله حتى لو ماكانت أسئلتها كثيرة يكفي طريقتك وأسلوبك في الرد وتحملك للضغط أثناء المقابله
هذي مسئوليه ياعاااااااااااااااااااااااااااااالم تبون الوظيفه تجيكم على صحن ذهب؟؟؟؟
هذا رأيي الشخصي وانا عملت مئات المقابلات في اماكن عدةواختلفت الطرق ولاأرى في طريقة الأخت غادة أي سوء وسبق وان ذكرت لكم ان صمتها في المقابله يطووول
وبالتوفيق للجميع
|
طولي بالك اخت زينه ونحــول كل واحد له وجـهة نظر :o انا تنرفزت حبتين ونص
من صمتها وانشغالها اثناء المقابلــة يمكن لأني لما سويت مقابله اول مره كانت مع وحده عكســها تمامــا ,, وهي الثانية بس كل ماتذكرت كلامك انها تطول بالصمت ارجع واخلي الوضع ايزي ،،،، ومن كل مقابله نتعلـــم ..  لاتعصبيـــن 
[quote=آه يالقهر;111119]عدنا بس براس مصدع ونفسيه زفت
أقول لك وش صار معي يا اخ عاطل
في البدايه كالعاده المواصلات ومن يوديني ولا لقيت الا ولد اخوي بعد ما طنش معهده
طلعنا من البيت بعد صلاه الظهر مباشره وجلسنا نلفلف ندور على موقع البنك وزحمه وغثاء الجامعات والمدارس والمعاهد واللي يطلعون منها
وصلنا البنك وحده ونص عطيت السكيورتي اسمي وانلطعت ساعه في الاستراحه
شوي يجيني ولد اخوي ويقول انه اسمي مو موجود من ظمن الاشخاص اللي المفروض يعملون معهم مقابله اليوم والامن يقولون اطلعو لانه ماراح يدخلوني للبنات وعطاني رقم فاكس يقول ارسلي السيره الذاتيه عليه
قلت عطوني تحويله القسم النسائي اكلمهم
كلمت الموظفه وقلت لها انا فلانه وقاعده انتظر تحت لي ساعه والسكيروتي رافضين يدخلوني
للمعلوميه
انا كنت كاتبه اسمي واسم الفخذ يعني ما كتبت القبيله لإسباب راح اقولها لكمـ بعدين
كمثال .." فلانه العوفي"
وأحنا غلطنا وقلنا لهم اسمي واسم القبيله يعني "فلانه الحربي"
المهم أنه بعد ما كلمت الموظفه وقلت لها عن الموضوع قالت خلاص انا الحين ارسل لهم ايميل واخليهم يدخلونك لانك لخبطيتنا بأسم العائله
مع العلم أنه اسمي غريب شوي ولا اتوقع بيصدف لو 1% أنه بتقدم وحده معي بنفس الاسم لو مهما كان
شوي ويدخل علي هندي يقول لي انه( غاده بقش) مسئوله التوظيف مو موجوده وعندها اجتماع برا الاداره
وماراح تجي الا الساعه اربع
المهم رجعت وكلمت الموظفه اللي كان بيني وبينها الاتصال
قلت لها انتي من شوي تقولين لي راح تدخليني والحين تقولون انه غاده مو موجوده وعندها اجتماع ليه تخلوني اجي من البدايه وانتظر لها الوقت
قالت لي وش تبغينا نسوي
بعدين انتي ما اكدتي انك بتجين اليوم ..!!
قلت لها انا اكدت لك والدليل انك قلتي لك معك للساعه ثلاث بعد الظهر
وطبعاً انكرت وطلعتني انا الغلطانه
قلت لها خلاص راح انتظر لين تجي غاده
قالت لي بكيفك بس ترا بتنتظرينها تحت بالاستراحه وطبعاً مكشوفه والرجال حولي
قلت ما فيه مشكله انتظرها
لما جيت اسكر الخط قالت لي لحظه ترا احنا نطلع اربع يعني ما راح يفيد انتظارك
قلت اللي اعرفه انكم تطلعون خمس
قالت لا اربع واسألي السكيورتي
شوي وقلت لها خلاص خلي اي شخص ثاني يعمل لي المقابله لانه صعبه اجي ثاني والرجال اللي معي معصب ومستحيل يجيبني ثاني
قالت ما فيه احد
قلت طيب مو فيه عندكم ناس يعملون مقابلات اليوم
قالت لا ما فيه
قلت انتي بلسانك قلتي لي ليه ما كلمتينا علشان نحط اسمك مع الاسماء الموجوده علشان يدخلونك
قالت ما قلته وهذي ثاني مره تكذبني
قلت لها ماشي خلاص ما قلتيه
بس انا بنفسي شايفه اسماء موجوده بيد الامن عند الباب فيها اسماء بنات عندهم اليوم مقابلات والسكيورتي بنفسه قايل لي هالشي وانه اسمي مو موجود معها
قالت يا اختي انا قلت ما فيه
قلت طيب يعني اجيكم بكره .. قالت لا نتصل عليك أحنا ونحدد موعد ثاني..!!
المهم طلعت للأمن وقلت لهم متى ينتهي الدوام
قال خمس وشوي
قلت والأسماء اللي بيدك وش
قال هذي اسماء اللي عندهم اليوم مقابلات
قلت طيب ليه الموظفه اللي كلمتها تكذب علي
تصريفه يعني ولا ايش
في البدايه انكرت أني أكدت لها جيتي اليوم للمقابله
بعدين قالت لي احنا نطلع اربع يعني لا تنتظرين وتتعبين نفسك وانت تقول ينتهي الدوام خمس
بعدين كذبت علي وقالت انه ما فيه ابداً اليوم مواعيد مقابلات ولا فيه احد عمل اليوم مع اني اشوف بيدك العكس
المهم السكيروتي نفسه انقهر وجلس يهز راسه ودق عليها وسمعته يقول اسمها
بعدين قال لي خلاص تعالي بكره
قلت ماراح اجي انا مو لعبه بيدينها بعدين هذا هو اسمها اللي قلته ..؟
قال لا وجلس يلف ويدور ويعدد اسماء كثيره ويضحك مع ولد اخوي
قلت خلاص انا راح اتفاهم معها واسمها بجيبه كامل وبقدم شكوى عليها
جلس يقول لولد اخوي روحو الحين وروقو وتعالو بكره ما صار شي
طلعنا وكلمت اخوي الكبير وكنت شوي وابكي من القهر وقلت له السالفه كلها
قال لي خلاص لا تروحون بعيد
من حسن حظي ان اخوي يعرف مسئول عندهم
كلم سكرتيره وقال له السالفه وما اخذنا دقايق الا اخوي يكلمني ويقول ارجعو لهم وبيدخلونك على طول
وطبعاً اول ما دخلت شافنا السكيورتي وابتسم وقال تفضلو وتغيرت المعامله
شوي ويطلعنا بنفسه فوق لين وصلنا القسم النسائي ويدق عليهم تلفون ويفتحون لي
دخلت وانا ما ادري وين اروح شكثرهم على مكاتب ويطالعوني بنص عين
ويالله جتني وحده وعطتني ورقه قالت لي عبي البيانات فيها والحين بيعملون معك المقابله
طبعاً عملت معي المقابله وحده حبوبه واخلاق
بس كان واضح انها مقابله تسكيت
يعني بس قالت لي تكلمي عن نفسك وسألتني كذا سؤال عاديه جداً
وركزت على سؤال واحد
وهو
شلون قدمتي على البنك ..؟؟
وهل لك معارف فيه ..؟؟
وكيف وصلنا السي في تبعك .. هل شخص بالبنك وصله أو قدمتي عادي
قلت لها قدمت عادي
كانت تبغى توصل بكلامها معي عن الواسطه
قلت لها بالعربي
ما عندي واسطه
قالت ما تعرفين احد بالبنك
قلت معرفه شخصيه لا .. لكن اعرف منهم فلان الفلاني وفلان اللي دخلني الآن وهم أصدقاء اخوي
واخوي هو ....... وهو معرفي ...وتلاقين بياناته عندك
قالت لي اوكي يصير خير
وان شاء الله راح نتصل عليك
بعدين قلت لها واوراقي ..؟؟
قالت لما نكلمك تجيبينها ^_^ .. التصريف على اصوله
مع العلم انه امس الموظفه قالت لي تجيبين صور من شهاداتك واثباتك ناخذها
هذا اللي حصل اللي اليوم
وراح اقول لكمـ الآن ليه ما كتبت اسم عائلتي
لانه وبكل صراحه في هذي الأماكن لا مكان لوجود البدوي فيها
والله العظيم قدمت على اكثر من بنك بأسم القبيله ولا انقبلت في أي واحد منها
وهالمره كتبت أسم الفخذ بس وسبحان الله ما مر خمس ايام بس الا وهم يدقون علي يحددون الموعد
لا احد يقول لي هذي عنصريه منك .. لإنه عندي كل الناس سواسيه سواء كانو بدو او حضر قبيليين او خضيريين
لكن فيه بعض ناس قلوبهم سوداء
تفكيرهم سخيف وحقير
بمجرد ما يقرون اسم شخص من قبيله بدويه ومعروفه إلا ويستبعدون اوراقه
وهذا والله الحاصل الآن
ما أقول إلا حسبي الله ونعم الوكيل على كل ظالم[/quote
الله يوفقــك على قد الي عانيتي اليوم واكثر وان ماكان فيها الله يعوضك بغيرها ان شاءلله
|
العرض العادي
