ليتني اعرف كان افدتك
بس الله يوفقك وتلقى من يرد عليك

اخوي الخطوط تنزل وظائف لكل فترة على موقعه ويبدا التسجل فيه ويقبلوا طلاب الثانوية والجامعات كل برنامج وله شروط وفي اختبار لغة الانجليزية وهذا الرابط انت سجل السيرة الذاتية وتابع اش البرامج الموجودة الي تناسب مؤهلك الحين بس الجامعات التقديم موجود
http://sv.net/apps/rec/default.asp?LNG=AR

بالتوفيق لك

الله يوفقك

مشكورين اخواني على مروركم

وماقصرتوا

انا رحت قبل فتره لواحد بالخطوط المهم أخذ شهادتي

وقال اوكي انا بتصل عليك والوعد الغفله

المشكله اني مسجل بالخطوط وحاط السيرة الذاتية بس كل مره اجي ادخل عليها يقول الرقم السري خطا

واذا اخذت الرقم السري قال اسم المستخدم خطا ومدري ايش الحل؟

المهم واحد من اصحابي قبل 6 شهور يقول فيه معهد للخطوط بس مايعرف فين..

يقول بالرياض بس المشكله مايدل انا ودي أعرف يقولون عندهم دورات (دبلوم, وبرنامج) ودي اعرف واستفسار من عندهم مو من طريق الانترنت؟؟

واللي له خلفيه لا يبخل علي

ويزاكم الله كل خير

اللي اعرفه ان فيه نادي الخطوط السعودية

والله ياخوي سمعت انه في جدة لكن ماني متاكد

اخوي بجده لكن وين مدري بس دق 905 ويعطوك الرقم ****************>>>على فكره اذا انت تمام بنجليزي تتوظف عندهم بسرعه

مشكورين اخواني على مروركم

ويزاكم الله خير

هلا اخوي نعم فيه معهد بس هو مو تبع اي شركه لا الخطوط ولا ناس هو معهد مثله مثل اي معهد حكومي تمام هذا واحد
اثنين هو في جدة اسمه معهد الملاحة الجوية والدراسه فيه لمدة ثلاث سنوات تقريبا وفيه تخصصات على حسب ما تنزل الهيئه العامه للطيران المدني
ثالثا هو في جدة مثل ما قلتلك وما اظن انه يوجد في الرياض
ورابعا يقبلون خريجو الثانوية العامة علوم طبيعية و السنة ذي انا كنت مقدم عليهم واجتزت الاختبار و المقابلة الشخصيه العربية والمقابله الشخصيه الانجليزية تقريبا هي الي لخبطتني البريطاني والله اكثر ايجاباتي اقين ما ادري وش يقول كل كلامه اختصارات ولغة انجليزيه شوارع
ومكانها بالظبط خلف مبنى الحرس الوطني في جدة حي بني مالك البوابه الثانية لانه في بوابتين وحده للمعهد ووحده للهيئة العامة للطيران واي استفسار انا جاهز واسف على الاطالة و اسف على التاخير