الراحه النفسيه لها دور كبير في الأداء الوظيفي استفتي قلبك وإن وجدت الراحه في أي مكان كان وبأقل الأسعار فلا تتردد الراحه ثم الراحه ثم الراحه ...
قد يترتب على انتقاله من مكان إلى مكان أمور كثيرة ممكن يكون الدخل له دور كبير قد يحتاج الكثير ولكن في هذه اللحظات ...البحث عن وظيفه مسانده للحكوميه ولفترتين .
والله الموفق وليكن الدعاء في يدك لتتغلب على أعباء الوظيفه وقد يتيسر الحال في لحظه .
تحيااااااتي

والله مارحت لوظيفة حكومية ولافكرت أصلا فحياتي اقدم في وظيفة حكومية
في احد يدورعن دفن بالحيا ؟
ويختلف من شخص لآخر , يعني فيه ناس عندهم طموح , والقطاع الخاص يحفز الأشخاص ذوي الانتاجية المميزة ,ويكافئ بقدر التعب, اما لو رحت للقطاع العام الي داوم جاته علاوته والي ماداوم برضه جاته , راتبه خلال 20 سنة يساوي راتب موظف بنك خلال 6 سنوات عمل , وحلال 100% بفتوى شيوخ وأعضاء هيئات إفتاء, الموظف الحكومي اكبر طموحاته البنك يوافقله على قرض ويدخل فيه سوق الاسهم ويخسره , وتستمر حياته مابين هموم حياته العائلية ومابين كوارثه الاقتصادية ولاعاد يفكر يشتغل ولا ينتج ويكون شعاره راجعنا بكره
اما لوجيت للأمان الوظيفي فهو موجود , محد يقدر يقربلك طالما انت انسان تأدي واجبك بنسبة 60% فقط ,
اخر شي ماخاب من استخار

بالتوفيق للجميع,,,

شكر ا لكم جميعا على هذا الردود الجميلة

واللتي لاتخلو من صدق النية وكذلك من البراءة نوعا ما فاعقلا اغلب الاعضاء لم يجرب عمل البنوك مع انهم اكثرهم بشركات خاصة فالبنوك من افضل قطاع الخاص وهذا الذي ينقص الاقتراحات والاراء انه قليل الذي جرب او لديه خبرة لدى البنك.

اما والله العظيم لايحب ابدا انا ارد على رد احد ولكن اجبرني الاخ العزيز : موظف مصرفي
فاولا : جميع موظفين البنوك الوظايف الدنيا مثال ( خدمات العملاء , مدير مبيعات ؛ صراف : كبير صرافين ) هولاء مقدمين على الديوان وينتظرون الدور.
ثانيا : الذي لديه طموح فاهو من درجة مدير فمافوق لانه لديه شهادة جامعية غالبا ماتكون قسم ادارة اعمال واما ااصحاب الوظايف الدنيا وهم بلاشك خريجي الكلية التقنية بقمسها المحاسبة والادارة المكتبية وكذلك الحاس الالي .
ثالثا : اما الذين لايقدمون على الديوان فاهم خريجي الثانوية العامة فاهم يحمدون الله ان البنك قابلهم فاهم متكسكين به حتى النهاية .
فاخي الكريم انا اتكلم من داخل وعمق المجتمع البنكي فارجو ان تكون اسمك فعلا موظف مصرفي .

الله يعطيك العافيه ياخ نواف على الموضوع الحلو
أنا اشوف من وجهه نظري ان الوظائف الحكوميه أفضل بكثير ليه
وظائف البنوك مسؤليه كبيره على الموظف
فمثلا يمكن واحد غلط بشيء في الكمبيوتر راحت خصم من راتبه الموظف
اما الحكوميه مضمونه وراحه

طيب لقيني شي علشان نختار واللة لو جندى حاف ب2000 ريال انا موافق بس وينها

قبل اي شي استخير وكرر الاستخارة

وانا رأي الشخصي يقول

روح الحكومية للأسباب التالية:

الحكومية تجيك مره وحد بالحياة واذا رفضتها مالك حق ترجع تطالب فيها

الحكومية وهذا اهم سبب ان شالله وظيفتها غير مشبوهه خصوصا مقارنة بالبنوك

وجدد نيتك واتركها لوجه الله (من ترك شيئا لله عوضه الله خيرا منه)

الحكومية كلنا اولاد تسعة مافيها الأوامر والتعنت زي الخاص الا من رحم الله وفيما ندر...

وحقك باذن الله محفوظ وفي رئاسات حكومية عليا على كل واحد يتسلط

وان شالله ربي يكتب لك اللي فيه الخير

والله ما الومك

انا اعرف ناس كانو راح يموتون ويشتغلون في بنك وفعلا توظفو في بنوك

وماقدرو يكملون سنة على بعضها وتركوها لرواتب اقل بكثيررررررررر

والسبب انه استنزاف للطاقات وهلاك وتعب


لما اتعب وامرض ويصير فيني بلا والعياذ بالله وصحتي تروح

البنك ماراح ينفعني راح يجيب غيري

ومسألة الاجازات هذي كفاية

اهلا اخوي نواف اسعدتنا بالعودة ... فينك يا راجل

موضوع مهم صراحة ويمكن الكثير يعاني من هالموضوع ..

مع اني معجب فيك كثير اخوي نواف ..

ومع اني ما جربت لا العمل الحكومي ولا البنكي .. لكني مع :

اقتباس:

في احد يدورعن دفن بالحيا ؟ ويختلف من شخص لآخر , يعني فيه ناس عندهم طموح , والقطاع الخاص يحفز الأشخاص ذوي الانتاجية المميزة ,ويكافئ بقدر التعب, اما لو رحت للقطاع العام الي داوم جاته علاوته والي ماداوم برضه جاته , راتبه خلال 20 سنة يساوي راتب موظف بنك خلال 6 سنوات عمل , وحلال 100% بفتوى شيوخ وأعضاء هيئات إفتاء, الموظف الحكومي اكبر طموحاته البنك يوافقله على قرض ويدخل فيه سوق الاسهم ويخسره , وتستمر حياته مابين هموم حياته العائلية ومابين كوارثه الاقتصادية ولاعاد يفكر يشتغل ولا ينتج ويكون شعاره راجعنا بكره اما لوجيت للأمان الوظيفي فهو موجود , محد يقدر يقربلك طالما انت انسان تأدي واجبك بنسبة 60% فقط , اخر شي ماخاب من استخار بالتوفيق للجميع,,,

اشوف الان اكثر الشباب يفضلون القطاع الخاص ..

باختصار لانهم اطلعوا على المميزات اللي ممكن يقدمها ..

اما قضية ان العمل الحكومي فيه امان .. وانه ما احد يقدر يتعرض لك .. على الرغم من صحتها

الا انني اعتقد انها موضة قديمة ..

تحيتي لك اخوي نواف .. وتبقى وجهة نظر

* ملاحظة : ادري ان مصيري للوظائف الحكومية