الاكسسوارات الصينية حلوة وماشي سوقها
لكن الكورية هي الافل والاجمل والممتازة من حيث الجودة والبقاء بحالة سليمة
واغلى طبعا
انت جيب اول شي من الصين واذا انعرفت وصار لك زباين جيب من كوريا
والبنات يحبون الكرستالات ويحبون السبور من الاساور والخواتم كثير
يعني نوع وجيب من كل شي
شباصات اطفال وكبار
اساور مرهقات وكبار
وخواتم كثر منها للكبار
جيب كرستال وبلاستيك وجلديات
يعني نوع لاتحكر نفسك بشي

رح المرقب وشوف الزين
والازين الاسعار
يحلف الرجال ان الحبة عليهم مثلا ب 50 ريال
وفي الحقيقة تلقاها ب 10 ريال
انت حط اسعار اقل في البداية عشان تكسب ناس
ولاتنسى اهم شي المرونة في التعامل والتخفيض قدر المعقول
للزبون الدائم او اللي اشتر منك اغراض كثيرة
يعني حاول ماتطلع الزبون زعلان من عندك
نق شوي بحيث مايهز ميزانيتك او راس المال
والله يوفقك

مرررررررحبا اخوي
اتمنى لك التوفيق
حبيت اسالك
قلت :انا قبل كم يوم رحت للمرقب وراني بعض الشغلات يقولي مثلا بروش معين عنده يطلع بالجمله الحبه بـ5ريال
يبيعونه في السوق (على الاقل) بـ15ريال
الجملة كم تبدا عندة بنص درزن اودرزن او درزنين

اهي اخي
بخصوص الكوري ماقصرت اختي ست بيت سنعه في مشاركتها
بخصوص سؤال الاخت روى الدرزن يكون 12 حبه وعلى حسب طلبك
واريد ان انبه الجميع ان الاسعار تختلف لسعودي سعر وللأجنبي سعر اخر ويمكن يكون الفرق من 5ريال الى 10 ريال في الدرزن لانهم يخفضون الاسعار للاجنبي ويرفعون الاسعار على السعودي .
وتقبلو تحياتي
السلاطين

عزيزي كاتب الموضوع
وكل من له الرغبة في الدخول بهذا المشروع او مشروع مشابه له
يمكنك ببساطة تصفح موقع علي بابا
www.alibaba.com
تجد فيه اسعار التصدير للبضائع الصينية من مكاتب ومصانع في الصين مباشرة ، الشحن بالغالب في حال كانت الشحنة كبيرة يكون مجاناً واكثر من كذا يساعدوك في ناحية الجمارك ممكن يحطوا لك قيمة اقل كمساعده منهم
كلمتهم اول على اساس كنت ابغى استورد فلاش ميموري تخيلوا لقيت الـ 32 قيقا بـ 43 ريال صناعة تايواني ، والواحد قيقا بحدود 8 ريال والشحن مجاناً لاني كنت اتكلم معاهم على اساس باطلب فوق 100 قطعة ..
شيكت على اسعار الاكسسوارات لقيتها بالهللات وبعضها بالريالات يعني اسعارها مررررة مناسبة خاصة انك كل ماتزود الكمية وتتكلم مع المندوب عن طريق المحادثة المباشرة او رسائل الايميل تقدر تنقص بسعرها زيادة وزيادة ..

اللي يسأل ويقول يمكن يكون الموقع مو مضمون اقول له الموقع هذا شركة عالمية رأس مالها بالمليارات وهي شريكة مع شركة ياهو في موقع ياهو تشاينا .. الموقع مثل اي باي لكنه مخصص للصين وجيرانها اولاً واسيا ثانياً واخيراً للعالم قاطبة .. واقصد بالتخصيص هنا من ناحية عروض البضائع لا توجه الموقع ..


الشحن عن طريق شركات الشحن العالمية ممكن تختار انت نوع الشركة اللي تبغاها لكن بيكون في فرق اكيد عن سعر الشركات اللي هم متفقين معها واللي حاسبينها لك مجاناً ..

كل اللي تحتاجه لغة انجليزية جيدة لاغير .. وتقدر تستعين بترجمة قوقل :
http://translate.google.com
واكيد اقصد الترجمة للانجليزي مو للصيني تنكب نفسك معاهم هههههه

شيء اخير احرص على السؤال والتعامل مع اصحاب المكاتب والمصانع القدامى واللي الموقع معطيهم اوسمه انهم من القدامى والموثوقين عشان تضمن حقوقك باذن الله

بالنسبة لجدة .. عندك الخاسكيه ، البلد ، باب شريف ، حراج الصواريخ ، باب مكة ، تلاقي في هذه الاماكن اغلب اللي تحتاجه ان شاء الله .. لكن اشوف انك تاخذ زي ماقلت جملة من الرياض اولاً وتتميز بكم شغلة دايركت من الصين .. تضرب عصفورين بعلبة بيبسي <~< ايام الابتدائي الله يذكرها بالخير

اتمنى لكم التوفيق من كل قلبي وسامحوني على اي قصور بالمعلومات

اخوي النيوزلندي انا من سنه تاجرت بالاكسسوارات بس بديت بمبلغ رخيص مرره ومع ذلك ندمت ندم ومع العلم اني اشتريته من البلد وتاجرت بعد بالشنط يمكن الاكسسوار معك يمشي

لكن تجربه وماراح اعيدها

وبالتوفيق