بدون زعل

مره فاضية :يؤ يؤ شوفوا فستان أخر العنقود كيف شكله يابنات !
وثيقة متلحفة :ههههههه هذا الفستان من العام وهي تلبسه كأن ماعندها غيره
بلوغ المرام :اشبكم كده كلكم على البنت ؟!ماتعرفون ظروفها يمكن ماعندها فلوس تشتري فستان جديد
مرعى وقلة صنعه :اي ظروف الله يرحم والديك ؟ يعني معقوله ماعندها 3 الاف ريال تشتري فستان حلو ؟!
وثيقة متلحفة :وشو هذا بعد ؟! يابنات شوفوا شوفوا الا ياوقت كيف شكلها !
مره فاضية :ههههههه الحمدلله والشكر الفستان شكل والمكياج شكل ثاني مافية اي تناسق !
بلوغ المرام :غيروا هالسيرة
وثيقة متلحفة :أي سيرة ؟! بالعكس هذا احلى مافي المناسبات والاعراس الحش في خلق الله

في الجهة المقابلة الشلة الاخرى
الاياوقت :يابنات شوفوا كيف فستان مره فاضية
اخر العنقود :ههههههههه وي هذي البنت ستايلها مره قديم مدري متى بتتطور ؟!
لمى :ولا بعد شوفوا كيف شعر وثيقة متلحفة الظاهر راحت لكوفيرة رخيصة ياربي لك الحمد ماتعرف تتزين هذي البنت !
مستعدة للبطالة :كله كوم والميك اب اللي مسويته مرعى وقلة صنعه كوم ثاني ياربي لك الحمد كأنها ملطخة وجهها ببوية
ام وجدان :سلام عيلكم
البنات :وعليكم السلام
ام وجدان :كيفك يا الا ياوقت ؟؟!
الاياوقت : الحمدلله بخير
أم وجدان :وأمك كيفها ؟؟
الا ياوقت :الحمدلله بخير
أم وجدان : ابغاك يا الا ياوقت بعد الحفلة بموضوع
الا ياوقت :طيب
ام وجدان : يالله مع السلامة
أخر العنقود : وش كانت تبغى منك ام وجدان ؟
الا ياوقت :ما ادري ؟؟
اخر العنقود : يالهبلة مافهمتي !
الا ياوقت : ايش ؟!
اخر العنقود : ام وجدان تبغى تخطبك لولدها
الا ياوقت :هاااااااه!!
لمى : صدقت اخر العنقود اغلب البنات ينخطبون بهذي الطريقة
الا ياوقت :لا اي خطبة المرأه تبغاني في موضوع ثاني
مستعدة للبطالة : اي موضوع ! الا المرأه ماجات خصيصاً الا تبغاك في موضوع زواج
اخر العنقود :يالله يابنات انا بروح للبنات اللي هناك بسألهم عن جدول الاختبارات
لمى : وأنا بعد بروح ادور على منيرة من زمان ماشفتها
أخر العنقود : كيفكم يابنات ؟؟
مره فاضية :هلا والله بأخر العنقود
اخر العنقود :مادريتوا !
وثيقة متلحفة :وشو ؟
اخر العنقود :ام وجدان خطبت الا ياوقت لولدها >>هذه اللي بتسأل عن جدول الاختبارات
مره فاضية :قولي قسم
أخر العنقود :بدون ما احلف انتم ماشفتوها كانت واقفة عندنا !
بلوغ المرام : ايه شفناها
مرعى وقلة صنعه : والله حظها قوي هذي البنت مو حظنا النايم خلف الله علينا
مره فاضية :يوووووووووووه نسيت أكلم العاطلات في الملخص اللي اخذته من الأبله دقيقة بكلمها بالجوال وارجع
وثيقة متلحفة :كلميها هنا
مره فاضية :لا هنا ازعاج ما اسمع تمام ,ثواني وراجعة لكم
البنات :طيب بس لا تتأخرين
مره فاضية : الو يالعاطلات
العاطلات :اهلين
مره فاضية :عندي لك خبر طازج >>بدأت الاشاعة تنتشر
العاطلات :وش هو ؟؟!
مره فاضية : ام وجدان توها خطبت الا ياوقت لولدها
العاطلات :قولي والله
مره فاضية :اجل متصلة فيك بهذا الوقت أمزح معك !يالله باي
العاطلات :باي
وثيقة متلحفة :هاه اخذتي الملخص
مره فاضية :ايه تقول تعالي بكره واخذيه

بعد ساعتين
المطنوخة :الف مبروووك يا الاياوقت
الاياوقت :على ايش؟؟
المطنوخة :علينا ! على الخطوبة طبعاً
الا ياوقت :اي خطوبة ؟؟!!
المطنوخة :ام وجدان ماخطبتك لولدها !!
الاياوقت : من اللي قال هذا الكلام ؟!
المطنوخة :سمعت البنات يتكلمون يقولون سمعوا أم وجدان تقول هذا الكلام لوحده من صديقاتها >>لا حظوا كيف الاشاعة تكبر
الاياوقت :صدق
المطنوخة :ايه
الاياوقت :الله يبارك فيك :o

بعد نهاية الحفلة
الاياوقت :هاااااه يا ام وجدان قلتي تبغيني بموضوع بعد الحفلة
ام وجدان :ايه يا الاياوقت بصرااحة يا الاياوقت
الاياوقت :ايه قولي يا ام وجدان لا تستحين
ام وجدان :بصرااحة
الاياوقت : بسرعه يا ام وجدان لا تلعبين بأعصابي
ام وجدان :طيب خليني اكمل ليه تقاطعيني !
الا ياوقت : أسفة أسفة :o
ام وجدان :بصرااحه بما انك متفوقة أبغاك تعطين بنتي الصغيرة دروس تقوية
الا ياوقت :هاااااااااااااااااااااااااااااااااااااااااااااااا ااااااااااااااااه!!!!
ام وجدان :وش فيك !ليكون الفكرة ماعجبتك ترى عادي ممكن ترفضينها:o
الا ياوقت : لا بس كنت متوقعة موضوع ثاني >>>ياشين التسرع