جتني وظيفه في الهئية الملكيه شوركم ياجماعه

abaalroos · #1 (**permalink**) 12-07-2009, 04:12 PM

السلام عليكم

سبق وان سابقة على وظيفه مساعد مهندس مدني من ثلاث شهور, واليوم اتصلو علي الهيئه الملكيه وقالو فيه وظيفه مفتش نظافه, المرتبه السادسه, السؤال الان وش مميزات الهيئه الملكيه

انا هنا بالرياض موظف راتبي 4300 وعند اهلي ووظيفه مريحه جدا جدا جدا جدا جدا بس مافيها اماااااااااان ابد لانها عقد تبع جهه حكوميه وفي اي وقت يمكن يشتوني .

وش رايكم, وش تعرفون عن الهيئه الملكيه الحياه هناك كيف تكاليف السكن والمعيشه هناك
وعند قبولي بالوظيفه وضمان وظيفه حكوميه هل استطيع النقل للرياض لاي دئره حكوميه
انا في حيره وجزاكم الله خير

مدور رزق · #2 (**permalink**) 12-07-2009, 04:25 PM

من رأي توكل على الله ولا تفوت الفرصة

مرتبة سادسة مين يضيعها ؟

العربي نت · #3 (**permalink**) 12-07-2009, 04:29 PM

اقتباس:

المشاركة الأصلية كتبت بواسطة مدور رزق

من رأي توكل على الله ولا تفوت الفرصة

مرتبة سادسة مين يضيعها ؟

فعلا لا تضيعها
ممكن سؤال انت الكاتب اللي بمنتدى اعمال الخليج

العطاااوي · #4 (**permalink**) 12-07-2009, 04:32 PM

تووكل على ربك يارجال وصل صلاة الاستخااررهـ والله يوفقكـ طبعا رأيي عليك بالهيئه الملكيه حكوميه موفق خير ان شاء الله

جامعي محاسب · #5 (**permalink**) 12-07-2009, 05:33 PM

احد تجيه الهيئة الملكية ويطوفها .!.!.!.!.!.!.

هذي من افضل الوظائف الحكومية

وفيها بدلات اخرى بسبب دعم الشركات للهيئة الملكية

واعتقد والعلم عند الله انهم يعطونك سكن وفيه تأمين طبي

هذا غير ان مدينة الجيبل الصناعية من افضل المدن من حيث النظافة والتخطيط والهدوء والكورنيش

وقربها من الدمام والخبر

وبعدين الحين وظيفتك ماهي مضمونة وش لك فيها

اتوكل على الله ولا تشاور نفسك كثير وان ما تبغاها حولها علي انا ابغاها ولك راتب اول شهر وان بغيت الشهرين الاوليين تم ها وش قلت خخخخخخخخخ

اتوكل على الله نصيحة لا تطوفها

السنياري · #6 (**permalink**) 12-07-2009, 05:38 PM

أحمد ربك يارجال أحد تجيه وويفوتها

المراقب · #7 (**permalink**) 12-07-2009, 05:38 PM

توكل على الله يا رجال تراها حلوووووة جداً

الهيئة الملكية نظامها فيما أعلم قريب من أرامكو لديهم رواتب جيده جداً إن لم تكن ممتازة وهي مدينتين في الجبيل وينبع فقط

ويمكن يعطونك سكن. هذا طبعاً غير الضمانات الصحية

تراها ثنتين وحده في الجبيل وحده في ينبع شف عاد أنت وين حطوك

لكن الإدارة توجد في الرياض فإذا كان تخصصك موجود فيها يمكن تنقل لكن هذا صعب لأنه مجرد مبنى إداري فقط

أما من ناحية أهلك فالرجال يعيش في كل مكان ويمكن ترتاح هناك أصلاً وتحب المكان أحسن من الرياض

وبعدين وش اللي محببك في الرياض زحمه وجو حار وغبره

هههههههههههههه

بعدين أنت الآن رح يمهم وأسألهم عن طبيعة العمل والمميزات ومكان العمل يمكن تحب العمل مع أني أنصحك بعد التاخير في الموافقة

(أستشر أقربائك ثم أستخر ربك ثم أعزم وتوكل على الله)

مستقبل زاهر · #8 (**permalink**) 12-07-2009, 06:59 PM

السلام عليكم

اخوي اول واهم شي صلاة الاستخااره لا تنساها صليها وربك ان شاء الله بيدلك على الخير

ثاني شي انا اثنين من اقاربي بالهيئه الملكيه ودايم اجلس معاهم ويتكلمون عن الهيئه الي بالجبيل بالتحديد

وبعطيك ملخص بسيط يمكن يفيدك عن الهيئه من خلال الكلام الي سمعته

اول شي الهيئه الملكيه غنيه عن التعريف ورواتبهم روعه ومميزاتهم اروع ومنها

السكن السنه هذي بيوزعون 600 سكن للموضفين بالهيئه والسنه الجايه رح يوزعون كمان 600 سكن

وكلها جديده واغلبها فلل

الاقتراض عن طريق الهيئه الملكيه من دون اي فوائد ..

تقدير المجهود والعمل والانجازات الي تقوم بها .. يعني مثلا واحد من اقاربي شاد حيله معاهم وبفتره اقل من سنتين ارتفع مرتبتين ..

وبالنهايه الله يوفقك يارب وزي ماقلت لك لا تنسى الاسخاره وادرس الموضوع واستفسر عنه من ناس لهم خبره في الهيئه

وادعي لي ان ربي يرزقني بوظيفه بالهيئه الملكيه ونصير اصدقاء عمل ان شاء الله

تحياتي