الســلام عليكم

كيف حالكم


اخواني انا بقدم على الجامعه ..

واحترت بكذا تخصص ..

وشفت ميولي اكثر مع الاعــلام ..

لاكن عندي كذا نقطه ..

هل التخصص هذا مرغوب ..؟؟


هل له مستقبل بعد التخرج ..؟؟


ومتى تقديم الجامعه .؟؟
وهل يلزم اختبار تحصيلي ..؟


واتمنى تنصحوني اي تخصص افضل لي

مع العلم اني خريج ثانوي ونسبتي 82 % شرعي ((ادبي))


تحياتي لكم

والله مااا عندي اي إفاده آسفه ربي يوفقك ياارب,,,

اذا ميولك اخووي " الاعلااام " فـ اعزم امرك وتوكل على الله ..

ويا سلااااااااااااام لو تحصل على دكتوراه في الاعلاااام >> ابوااب الخير رح تفتح لك

واترك المستقبل في يد الخاالق اهم شيء استخير وتوكل على الله ..

موفق يالغااالي

امين يالغالي ..

ماقصرت ..


ولاكن التسجيل بدا ولا لا ..؟؟

وهل يلزم اختبار تحصيلي ..؟؟

الله يوفقك ياخوي توكل ودحل المجال اللي انت تحب اكيد راح تبدع فيها
إن كاادخل وإن اخوك \
الله يوفقك
حقتي زفت نسبه حقتي زفت والله اشوافني وإن اخوك اللحين ممكن طلع بالخارج عشان المجال
ادخل توكل على الله

امين اخوي نواف

ماقصرت يالغالي

والله يوفقنا وياك

لاكن عندي بعض الاسيله التسجيل بدا ولا لا ..؟؟

الاسبوع الجاي يبدأ التقديم الالكتروني



من الأحد 26/7/1430 حتى الأربعاء 29/7/1430للكليات الصحية بالرياض والخرج (الطب، طب الأسنان، الصيدلة، العلوم الطبية التطبيقية، الكلية الصحية بالرياض)



والفترة من الأحد 26/7/1430وحتى الجمعة 9/8/1430لبقية كليات الجامعة،
للاطلاع على شروط القبول عبر موقع بوابة القبول الالكتروني (www.ksu-admit.net) أو زيارة موقع عمادة القبول والتسجيل عبو بوابة (http://dar.ksu.edu.sa)

وتشمل الإجراءات المنظمة لعملية التقديم للقبول الالكتروني..

دخول الطالب اختبار القدرات العامة الذي يجريه المركز الوطني للقياس والتقويم في التعليم العالي شرط رئيس للقبول لكافة تخصصات الجامعة، ودخول الطالب الاختبار التحصيلي الذي يجريه المركز الوطني للقياس والتقويم في التعليم العالي شرط رئيس للقبول في الكليات الصحية، عدا كلية التمريض، وأحد معايير التخصيص في كليتي الهندسة وعلوم الحاسب والمعلومات.

(ولمزيد من المعلومات عن اختبارات القبول يمكن زيارة موقع المركز على الرابط http://www.qiyas.org)


بس لو تبي شوري معهد الاداره افضل
لانه قمة في التدريس والتعامل + مستقبل مضمون
حنا خريجين الجامعه مالقينا وظائف
والله يوفقك بكل الاحوال

انا سمعت ان جامعة الإمام محمد أفضل في مجال الإعلام

انت زور شركات الاعلام مثل الجرايد و أسألهم عن افضل جهة تعليم في هذا المجال

اقول يالغالي خل عنك الميول مانكبنا غير الميول الكلام هذا اتغير اهم شي شوف المطلوب في سوق العمل انا متخرج من 7 سنوات تخصص اعلام من جامعة الملك عبدالعزيز لاوظائف ولا يحزنون وقسم الاعلام في المملكة تخصص غير مطلوب ولا احد يلتفت عليه ابعد عن الاعلام وشووف شوق العمل طالب اي تخصص والله يوفقك

اكره نفسي وميتال الله يجزاكم خير ماقصرتو ..


وبالنسبه لخوي عاشق جده


حطمنتني ..
طيب وش التخصص المناسب لي

مع العلم اني خريج ثانوي ادبي ((شرعي)) بنسبه 82 ..

ومعي شهاده دبلوم تخصص شبكات ..

واي ادرس جامعه وش التخصص المناسب غير الاعــلام