بسم الله الرحمن الرحيم


السلام عليكم ورحمة الله وبركاته




في السابق كنا نشوف ظواهر تنتشر في المجتمع ونستنكرها او ما تدخل عقولنا
لتعارضها سواء للدين الأسلامي او لعادات اجدادنا وتقاليدهم ..


لكن الظاهره الي انتشرت في الفتره الاخيره تتطلب منا التكلم عنها ومناقشتها ..


وهي ظاهره البرمودا مع العلم انها اصبحت ليست مجرد موضه بل اصبحت عادهـ القصير تحت العباه .. وياريت تكون العباه مسكره ..

الا مفتوحه وتظهر السيقان والكل يتفرج ..

ودي اعرف هدف الفتاه لما تلبس برمودا والسيقان طالعه ووتشمى في المجمع وبكل ثقه ؟؟

والي يفقع المراره لو طالعتها بنظره استغراب قامت تطالعك بنظره احتقار وكأنك غلطت عليها بالنظره
ونست ان اهي صاحبت هالتصرف واهي الي حطت روحها في هالموقف ..

والمشكله بعد لين تعرض لها احد الشباب قامت تسبه انت قليل ادب وما تستحي ومش متربي وووو .... الخ ..

طيب اذا اهو قليل ادب انتي شتطلعين ؟؟






انتي ماحترمتي نفسك ولا احشمتي

ليش تتوقعين من الشباب يحترمونك او يعملولك حساب ؟؟

والشي الثاني الي استغرب منه ..
ان شلون هالبنات يطلعون من بيوتهم بهالشكل ؟؟

الاهل وينهم ؟؟
مايشوفون بناتهم ؟
مايشوفون شلابسين ؟؟
البنات شلون يرضون على نفسهم ؟؟

نسوا مخافة الله والعادات والتقاليد ؟
نسوا انه عيب ؟؟
وين الوازع الديني ؟
وين الخوف من الله ؟







كل هالاشيا صارت عاديه بالنسبه لهم ؟؟؟


وياريت اتجاوبوني على هالاسئله .. وكله في النهايه لتعم الفائده على الجميع ..


1_ هل صادف وان شفت هالظاهره امامك ؟؟







2_ شرايكم بهالنوع من الفتيات ؟







3_ برأيكم ايش الهدف الذي يجعل الفتيات يطلعون بهالشكل ؟؟







واخيرا .. هل في كلمه تحب/ين توجهين للفتيات؟ نصيحه او حتى نقد ؟؟