أهديها للأنسانة التي وفيت لها و ألغيت أكثر طموحاتي لأجلها ومع ذلك تركتني
مثل الطفل اليتيم أتجرع مرارة غدرها وأنانيتها وضياع طموحي لأجل أنسانة
لاتستحق كلمة أنسانة

عزاه ياشوق يجي يوم ويروح*****مدري وش اللي حال دوني ودونه
الشوق جمره تحرق القلب ويفوح*****من حرها ذقت العنا والمهونه
لاتستفز القلب والقلب مجروح***** قلب ليا صديت زادت شطونه
لاقلت ببقا ولا قلت بروح*****أرحم خفوقا منك كثرت طعونه
ترا الجفا والصد مافيه مصلوح*****هذا اللذي كل العواذل يبونه
العين تبكي والغلا صار مفضوح*****والروح راحت من عناك مغبونه
والحال ناحل وأعذب الصوت مبحوح*****عزي لمن عظامه صارت تخونه
المعذرة ياشوق لو راحت الروح*****مدام وصلك مقفيات مزونه
الموت لاجا منك يازين مسموح*****كان الغلا بالموت جهز كفونه
مادام عرق الوصل بالصد مذبوح*****اصبر لشوق قلوبنا يدفنونه
واليا دفنت الشوق أكتب على اللوح*****مرحوم ياقلب تهاوت ركونه
وافتح دهاريز العزا وانت مبيوح*****واقبل عزا اللي فيك خابت ظنونه