جزاكـ الله خير

انا دقو علي الثلاثاء الماضي علشان اسوي مقابلة
ورحت مقرهم عند جرير وكان هناك 6 اشخاص من مختلف التخصصات
وانا خريج كلية الجبيل من تخصص دعم نظم تقنية المعلومات
عموما قبل المقابلة سوى عرض(presntation)عن الشركة مدتة ساعة تقريبا
المهم مالي بالطويلة
اخر العرض كان عن الدوره اللي راح ناخذها والراتب
والدوره راح تكون في نيوهرايزن

اول اربع شهور راح يعطونك اساسيات اللغة والكمبيوتر وتصرف مكافأة 500 ريال
وبعدها تخضع الى اختبار ولازم تجتازه والا سوف تكون خارج الدوره

وبعدها شهرين راح تاخذ عن الشبكات واعداد السيرفرات وتصرف مكافاة 1300 ريال

وبعدها تدريب لمدة تتراوح بين 6 شهور الى سنة كاملة يعتمد على الشخص نفسة وتصر فكافاة 4000 ريال

وبعد نهاية التدريب راح يكون راتبك 4500 ريال

طبعا قال لنا بعد العرض لكم 5 دقايق لتقرروا دخول المقابلة وبعدها راح نقرر

انا رفضت طبعا من البداية لان راواتبهم في البداية ما تساعد
وانا اصلا على راس عمل والحمدالله وعندي خبره وهذي الشركة راح تدرسنا من الصفر
يعني ما منها فايده والله يوفق الجميع

خوي ابو عويس لاهنت يوم اتصلو عليك كلمك هندي يتحدث بالانجليزي

ابغى معنى الكلام الي قاله هل هو يحدد لك موعد مقابله او يسوي لك مقابله شخصية بالتلفون

صراحه اتصلو علي ولا فهمت شي من الي قالوه

انا اتصل علي ثلاث مرات
مره علشان يحدد لي مقابلة في الرياض ورفضت
والثانية كلمني المدير حقهم وسوى لي مقابلة في التلفون مبدئيا على ما اعتقد
والثالثة مقابلة في الخبر النهائية على ما اعتقد

انا عن نفسي احس انهم مش مرتبين بتاتا في هذه الاتصالات والمقابلات

عموما على ما عتقد انهم يبون كفائات بس ما يعطون رواتبهم
ومهما كانت عندك خبره يبون يصنوعونك من جديد
انا عندي خبره سنة تقريبا وهمشوها كلها

عموما حلوه للناس الذين هم في مقتبل العمر
والله يوفقك يارب

بالتوفيق للجميع

مشكور على المعلومات .. ما قصرت