السلام عليكم ورحمة الله وبركاته

كيف حالكم اخواني خواتي

بدخل على الموضوع على طول !!

في الفترة الأخيرة نلاحظ في الصحف الالكترونية والورقية أخبار عن مواطن وجد مبلغ من المال وتم تسليمة إلى الجهات المختصة ومن هاذا الكلام وخاصة في خبر انا قريت عنه في مواطن وجد مبلغ من المال ورجعة للجهات المختصة ووعدة مسؤل بي مكافئة قدرها 170 الف وهو يقول ما شفت لا مكافئة ولا شي وموضوع طرح في الفترة الاخيرة في احد الصحف الالكترونية
المهم

نفرض أنك حصلت مبلغ 100 ألف ريال في ظرف طايح في احد شوارع الرياض قلبة الظرف منه منه ماعلية شي لا رقم ولا أسم بنك ولا شي

انت مطفر عاطل باطل ماحيلتك إلا ثوبك يلي عليك .
وش تعمل في المبلغ تسلمة أو تصرفة طيب بتصرفة على إيش وليش

انا حبيت أطرح الموضوع عليكم ونترك أصابعكم على الكيبورد تتكتب تعليقاتكم


تقبلوا مني احترامي وتقديري

والله شوف اعلن عنه فى اقرب مسجد لمدة سنه او الجمعية الخيرية
جزاك الله خير على الموضوع الرائع

ممكن هاذا حل

وانا كنت أفكر نفس التفكير تطبع ورقة وتعلقها في كذا مسجد

انا حصل لي موقف قبل أكثر من سنة وجدت محفظة نسائية فيها مبلغ 750 ريال وفيها بطاقة صراف سامبا وورقة إيداع مبلغ بسم حرمة وكنت أعرف واحد في البنك الأمريكي أتصلت فية وهو من خلال رقم بطاقة الصراف أتصل على زوجها ورجع لهم المبلغ
بس أتصل الرجال علي قالي الله ياخذك أنت ومحفظتك رجالها فتح معي تحقيق يحسبني خويها الأخ شاك في زوجته

صراحة سؤال محرج
لكن يمكن اقول ابي اعلن وابي اسوي وابي اسوي
ولو احصل المائة الف يتغير كل شيء<<هههههههه يزين وضعي
ياهي تبي تصير علوم ههههههه الدعوى خربانه خربانه
تشكر ع الموضوع الجميل

الفلوس تغير النفوس
ديني يردعني لاخذ منها شي
واردها الى الجهات المختصة وهم يتصرفون فيها.
الواحد يالله يتحمل ذنوبه ما هوعاد ذنوب الناس اللي بتأكل منها.