السلام عليكم ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
كيف حالك إن شاء الله دائما بخير ؟

حبيت اسال عن ارسال الملفات للجامعه او الكليه عن طريق البريد الممتاز كيف؟؟
يعني لو انقبلت ان شاء الله وقالو ارسلي الملف والاوراق وراح البابا للبريد هو البريد العادي ولا فدكس ولا وش سالفت امه؟؟؟...المهم ايش يقولهم مافي رقم بريد مادري صندوق بريد؟؟ولا ايش؟؟
ابي اعرف كل شي من الحين لاني راح اسافر ومادري كيف يعني لازم يكون عندي خلفيه

وعليكم السلام ورحمة الله وبركاته
غلاي اللي اعرفة ادا مسافره داخل المملكة عن طريق البريد السعودي راسليهم بس افضلك قبل ماتسافري روحي الجامعه او الكلية واساليهم عن حالتك بيفدونك اكتر وضروري تتاكدي قبل يفوتك التقديم
لك فائق احترامي وتقديري

روحي اي مكتب بريد يعني اذا كنتي من جده في البريد السعودي الا في سوق الكورنيش المهم تحطي ارواقك في ملف مو ملف اخضر الملف قصدي الظرف الكبير واكتبي عنوان الجامعة طبعا عنوانهم البريدي مثلا يجيكي رقم صندوق بريد المختصر (ص.ب):رقم الصندوق999999 وبعدين تكتبي العنوان مثلا جده وفي رقم 8888888
يعني زي تكتبين؛
ص.ب :999999
جده : 8888888
اذا تبين يوصل بسرعة راح يسالك الموظف بريد عادي ولا ممتاز طبعا هاذي عن تجربه انا مسويها قبل اربعة ايام في البريد السعودي

الممتــاز .. أحسن ..





والطريقـة مثل ماقال لك غريب ..



إذا وصلتي لمكتب البريد( أي مكتب بريد سعودي ) .. قولي أبي أرسل أوراق على بريد .. راح يعطونك كرت فيه بيانات .. عشان يلزقـوهـ على الظرف اللي فيه الأوراق اللي تبين ترسلينها ..

تعبيـن هالكرت .. بالبيانات المطلوبة .. مثلا عنوان المرسل ( يعني عنوانك ) ..
وعن
وان المرسل إليه ( عنوان الجامعه .. وتآخذينه من الجامعه ) ..

وتقولين لهم أبيه ينرسل بريد ممتـاز .. تقريبًا راح يكلفك ( خمسين ريال ) .. وماراح يطوّل إرساله لين وصوله للجامعه .. يعني إذا كنتي بالسعوديه وقتها من أي مدينة وأنتي فيها إلى الجامعه المطلوبة .. أقصى حد يمكن تطوّل فيه إرسال الأوراق للجامعه {} .. مابين ( يوم - يومين ) ..




بالتوفيق يا أختي .. ورحلـة سعيدة وموفقـه ..

الله يعطيك العافية ****************************************>

يعطيكم الف عافيه افدوني كثير بس انا برياض وراح اسافر داخل المملكه قبل لايبتدي التسجيل يعني بعد كم يوم

ومشكلت الجامعه مو حاطه رقم بريد لها صندوق

بنوته .. وش هي الجامعة اللي تبين عناوينها البريديـة ؟


أنا راح أجيبها لك ..

بكالوريس الله يعطيك الف عافيه يارب ويسعدك
مادري انا باقي ماسجلت وهذا اذا جبت نسبه في القدرات زي الناس لان نسبتي العاديه رايحه فيها فمابالك القدرات
ماني عارفه ايش راح اسجل

الاخوااان والاخوااات ما قصروا .. بيض الله وجيهم

روحي انتي اختي على البريد وهم يعلمونك وش تسوي بس لحقي على التسجيل

وعقبااال ما نقرأ لك انك ترسلي اورااقك للدكتورااه

بالتوفيق للجميع

ووجهك ابيض عاطل...وعقبال ماتلاقي الوظيفه اللي تناسبك يارب