ياشباب انا معي ثانوية سادة وانا متخرج لي سنتان
سمعت فية تقديم في المباحث بس طالبين شهادة حاسب يعني لو ادرس لمدة 3شهور ماراح اقدر اخذها ياليت احد يفيدني من وين اقدر اشتريها لااني بسراحة انا عندي خبرة في الحاسب
وابغا اشتري شهادة حاسب

لو تقارن بين قيمة شراء شهادة الحاسب وبين دراستك للحاسب راح تلاقي فرق كبير وشاسع ... بعدين أبدي حياتك ومستقبلك من غير تزوير ولف ودوران

خذها مني أدرس حاسب لمدة 3 شهور ويوم يجي التقديم بالمباحث وأنت بالدوره خذ تعريف من المعهد إلا يدرسك الدوره أنك ملتحق عندهم بدورة حاسب لمدة 3 شهور ... وإذا لك نصيب وربي كاتبه راح تاخذه وخل أملك بالله

ولا تجلس ع شهادتك خذ دورات لا تكتفي بالحاسب غيرك جامعي ومعه دورة حاسب وماهو بلاقي وظيفة فما بالك بالثانوي .... في دورات كثيرة تفيد وتخدم خذ الحاسب وفوقها رخصة القيادة العمومي دورات بالغوص

ولا تكتفي بالتسجيلات إلا بالنت وإلا إلا بديرتك لا إذا في مجال تطلع وتقدم بأماكن ثانية فيها تسجيل أطلع ما تدري وين رزقك وبأي أرض يكون