السلام عليكم ورحمة الله وبركاته

الاخوة الاكارم خصوصا في مكة المكرمة
باقدم لكم موضوع وأبي التفاعل لمن يستطيع تقديم خدمة صراحة حنا من احدى مراكز الجنوب عايشين على راتب الوالد 2900ريال و اسرتنا عددها 8 (الوالدين والابناء) وبصراحة 2900ماتسقي من الماء والالتزامات كثيرة اقل شيء الكهرباء والاكل والشرب يعني حاله مايعلمها الا الله ، عاد انا باقي لي شهر واتخرج من الكلية وبعدها بانتظر الوظيفة واذا توظفت راح اخدم الاهل بكلما املك لكن الان الوالد فكر ينقل مكة لسبب الا وهو طلب الرزق يعني يشوف له شركة وانا اشوف لي وظيفة على قد الحال اساعده فيها بس مشكلتنا الاجارات اكيد بتكون غالية فضلا عن التاثيث .

القصد من موضوعي اني اتمنى شيئين طبعا من اللي الله فتح عليهم وسهل لهم الرزق الوافر والشيئين هذي هي :

1/ ان واحد يؤجرنا شقة كذا واسعة على الاقل 5 او 4 غرف ويكون يصبر علينا حتى نتوظف او على الاقل اتوظف انا في الشهور القادمة باذن الله .

2/ ان واحد يساعدنا في التاثيث ويصبر علينا كذا شهر حتى الله يرزقنا ونتوظف ونبدا بسداده .


لان الوضع يا اخوان عندنا هنا والله مرة متردي ولاينفع يعني الان عمري 25 سنة ومن يوم عرفت نفسي وحنا حالتنا المادية صعبة والشي ذا كان له تاثير علينا على كافة الاصعدة سواء النفسيات او الحالة الصحية او غيرها والوالد عليه ديون لانه يحاول يوفر لنا اقل المتطلبات مثل الاكل وحنا نحاول نساعده لكن مافيه فايدة لاشركات ولا وظايف ولاسيارة تجمل ، السيارة قديمة وكل شوي في الورشة ولاعمرنا شرينا سيارة جديدة والبيت ضيق والاثاث معدوم حتى بعض الاماكن في البيت غير مفرووووشة والمطبخ مافيه الا بوتقاز حالته حالة والثلاجة من الصغار ولها معنا سنوات طوال ومنتهية المهم الوضع متردي ولاينفع واذا مانقلنا لمكة طلبا للزرق وعملا بالاسباب اكيد ماراح يتغير شيء ولكن العقبة اللي تواجهنا هي الاجار لان الاجار غالي في مكة وحنا مانبغى نسكن في عمق مكة في الاماكن الضيقة وبرضه عقبتنا الثانية في الاثاث كيف نؤثث البيت واذا ماتوفرت هذين الشيئين اكيد ماراح نستطيع ننقل ، لان الامور الثانية بتهون مثل السيارة ماهو مشكلة بنصبر عليها على الاقل هذا السنة وبرضه الراتب القليل بنصبر عليه وبنحاول نطلع فلوس الاكل والشرب من ظهر السيارة في المشاوير او اذا حصلنا لنا شركات او وظايف فمارايكم يا اخوان؟ هل يوجد احد يستطيع الخدمة؟ حتى يفتح الله علينا ونسدده؟

انا ترون ماجيت اكتب هذا الموضوع الا بعد ان تقفلت في وجهي كافة الابواب الا باب الله عز وجل لاني واثق من ان الله سوف يرزقنا لكني قدمت على امير المنطقة مرات عديدة ولا عطاني وجه لاني درست على حسابي (وش اسوي ماحد قبلني الا في الكلية الصحية بالتعليم الموازي والرسوم 5000ريال قبلما يصدر قرار الملك حفظه الله في اخر المطاف بعدما دفعت 25الف بالسلف) المهم قدمت على اميرنا في هذا الشيء ولاكان فيه نتيجة بل حولني على الجمعية الخيرية وبعد تقريبا 3شهور رحت وقالوا تبغى كيس سكر وكيس رز والا فمان الله ، وضربت مشوار للعاصمة وقدمت على الامير سلمان الله يحفظه ولاحصلت شيء وضربت مشوار في وقت ثاني وتسلفت وتعبت وقدمت على الوليد بن طلال واصلا ماقابلنا بس قالوا اصبروا الى الفجر ويقابلكم وسهرت بجنب قصره في الناصرية ومعي ناس كثيرين وفي الصباح قالوا ماهو موجود ورجعت وحالتي حالة وقدمت على غيرهم ولا استفدت الا التعب النفسي والجسدي ، قدمت على الصندوق المئؤي مرات كثيرة وكل شوي يقولون الشروط ماهي وافية ، طيب وش نسوي يا اخوان؟ يعني ابن البلد يعيش بهذا الشكل !!؟ حنا من اصل هذي الجزيرة ماحنا جايين من برا وش هذا الحال؟؟ وماهو فقط انا اعاني والله ان آلوف العوايل والاسر يعانون مثلنا .

المهم انا ماني جالس اشتكي لان الشكوى لغير الله مذلة والرزق عند الله سبحانه وتعالى ولكن هذا ابتلاء نسال الله ان يعوضنا بالجنة ، لكن اذا فيه احد يستطيع خدمتنا في هذا الشيء يعني يقدر يوفر لنا شقة بمكة تكون في حي مقبول جهة الشرايع او غيرها ويقدر يؤثث لنا ، ومنه الصبر ومنا الوفاء ان شاء الله فهذا ممايسعدنا وينفس كربتنا في السنة الجاية على الاقل واما اذا توظفنا باذن الله بعد ان اتخرج نهائيا من الكلية وكذلك بعض اخواني ان شاء الله تعالى نقوم بتسديد من قدم لنا الخدمة وايضا فتح صفحة جديدة في حياتنا .



اخوكم