25-07-2009, 02:07 PM
|
 |
عضو نشيط
|
|
تاريخ التسجيل: Mar 2008
المشاركات: 159
معدل تقييم المستوى: 61
|
|
اقتباس:
المشاركة الأصلية كتبت بواسطة غلطة طموح
الوااااااااسطة معروفه انو موجودة بكل مكاااااااااان وخااصة بها التدريب التقني
واناااااااا شفت ذا الوضع بعيني داخل هالمؤسسة في المسابقة الوظيفية الثالثة اللي طافت
|
انا معك بكل مكان فيه واسطه .. وحتى التدريب التقني تكون فيه واسطه بس وين بوظايف خدمة المجتمع بوظايف المستخدمين وحراس وحارسات الأمن باختصار الواسطه تكون في وظايف مايتم فيها التعيين عن طريق المسابقه .. و انا حددت كلامي قبل وقلت مافيه واسطه بالمسابقات الوظيفيه .. واذا انتي شايفه بعيونك شي ثاني قولي .
اقتباس:
واللي تقول مافيه واسطه تجرب هذي المره بنفسها ولمن تطلع نتائج الاختبار تشوف العلامات اللي مسجلينها ومخلينها تدخل مقابله اقسم بالله وحده كانت جايبه 10 من 100 وحاطينها من ضمن اللي ليهم مقابله بالله هذا مافيه واسطه؟باله وحده جايبه 10 من 100 كيف تنفع تدرس !!!
واللي تقول المؤسسه ماتقبل غير كفاءات اقولك لاتضحكي علي نفسك ولاعلينا الا اذا كان انتي ضامنه وضعك هذا شي ثاني !!!!!
|
القائمه اللي تعلن بعد الاختبار تكون فيها كل متقدمه ومجموع النقاط اللي حصلت عليها ( المؤهل - الخبرات - الدورات - درجة الاختبار) يعني كل وحده قدمت طلب توظيف وقبلها النظام يحق لها دخول الاختبار وبعد الاختبار تنشر قائمة الأسماء على حسب الأولوية بالترتيب من الأعلى نقاط إلى الأقل.. بعدها يتم الاتصال بالمرشحه الأولى والثانيه والثالثه .. ( يعني مو كل اللي في القائمه راح يدخلون المقابله الشخصية ) تجي المرشحه الأولى والثانيه وقبل مايدخلون المقابلة يطابقون الأوراق ويتأكدون من صحة البيانات المدخله في النظام .. اذا كل الأوراق سليمه ومطابقه دخلت المرشحه الأولى للمقابله الشخصيه اذا تجاوزتها يرفع ملفها للخدمه المدنيه اذا وافقو عليها الخدمه المدنيه نقول مبروك عليها الوظيفه  واذا كانت اوراقها مو متطابقه تستبعد وينادون اللي بعدها بالترتيب .. وللأسف اغلب المتقدمات يستبعدون في هالمرحله..
لما قلت مافيه واسطه انا ماتكلمت من فراغ .. توظفت بنفس الطريقه المعلن عنها وبعد ماتوظفت شفت آلية التوظيف عندهم من التقديم على الوظيفه إلى صدور قرار التعيين ..
المسابقه قبل يعلن عنها تاخذ شهور من جهد وتعب الموظفات اللي يشتغلون عليها .. وبعد مايعلن عنها يبدا التعب وفيه ناس يداومون من 7ونص الى 8 بالليل تاركين بيوتهم وعيالهم علشان هالمسابقه تتم بشكل نظامي..
اول ماقدمت عليهم الكل كان يقولي تراها شكليات والوظايف محجوزه لناس معروفين.. بس كان عندي أمل وكنت متأمله فيهم خير .. بس الحمد لله ماسمعت كلام احد وهذاني موظفه عندهم وانا بنت عاديه ولاعندي واسطه ولاشي وكل اللي معاي توظفو بنفس الطريقه وبدون واسطات والموظفات بأنفسهم كانو يقولون احنا كنا متأكدين ان التوظيف بالواسطه بس بعد ماتوظفنا غيرنا كلامنا..ليه نخلي الواسطه تعمي عيونا وعقولنا .. ليه اذا انا ماتوظفت بهالوظيفه معناها الموضوع فيه واسطه!!
ياليت ماتربطون موقف صارلكم بالواسطه وتأثرون على اللي حاب يقدم .. وألاحظ اللي جايين يذكرون مواقفهم كان الشي المشترك بينهم مؤهلهم بكالورويس + دبلوم حاسب !!..
لكل اللي حاب يقدم.. لاتسمعون كلام سلبي من احد توكلو على الله وخلو املكم بالله كبير ..
وان شاء الله تكون كل هالوظايف المطروحه من نصيب بنات البطاله..
معلومه مهمه ممكن تهم المتقدمات..
راح يتغير الدوام الرسمي بعد العيد بيكون من 7 ونص إلى 3 ونص.
بالتوفيق للجميع.
التعديل الأخير تم بواسطة لسعة شقاوه ; 25-07-2009 الساعة 02:10 PM
سبب آخر: نسيت حرف :)
|
العرض العادي
