11-08-2009, 12:49 AM
|
|
(عضو لم يقم بتفعيل عضويته)
|
|
تاريخ التسجيل: Jun 2007
المشاركات: 321
معدل تقييم المستوى: 0
|
|
يجب التطبيق والسبب قاله ناصر الفرعنه
بسم الله الرحمن الرحيم
قال ناصر الفراعنه فرعون الشعر :
ياوقتنا اللي غلب كلبه علـى ذيبـه
وقت غدابه شجيع الـراس حوريـة
وقت تعلوا بنـي حضـرم مراقيبـه
والراس عود ذنب والـراس كوفيـة
من فعلة مافعلها ابليـس واصحيبـه
كن فاالحشاء تسعة وتسعين شبريـة
ياراكب في ظهر حرشـي عراقيبـه
حر عيونـه تقـل مشهـاب بريـة
من طلعة المسبحي شيـب محاقيبـه
مع راس كل ابـرق كنـه نداويـة
ياقو عزمه على الفرجـة وياطيبـه
كن جرته فاالثرى ملسـاب جنبيـة
سلم على محتمي الـدار ومعازيبـه
ربع حموا الـدار شرقيـه وغربيـه
ربع بعلط القنـا صفـوا مشاريبـه
اليـن خـاوى جنوبيـه شمالـيـه
سلام احلى من السكـر علـى نيبـه
بااوراق سدر على جيـلان حوليـة
واحلى بعد من لبن عطف حنازيبـه
في روض بر يادوبه سـال واديـه
ثم قلهم مع زلوج الشمـس تغريبـه
على لسان الـذي نجحـت مكاويـه
تكفون ولدة شراحيل العنـوا صيبـه
م ل ع و ن اباالاصل تكفون العنوا حيـه
آطوا علابيـه واقتصـوا مخاليبـه
لاصار ماله بفعل الطيـب ماريـة
هيس يرقص على الطبلة رعابيبـه
تقسيم عود علـى ترويـس طبليـة
لاهـوب منـا ولاحنـا باقاريبـه
الا انهـا عـاد بشمـاغ وطاقـيـة
في وقت الازمة نحت عنا مناجيبـه
وحول رصيده معه بـرا السعوديـة
ثم ركب له طايرة فاالجـو توميبـه
وجنسيـة معـه بدلهـا بجنسـيـة
ويوم انتهى الحرب جا ينفخ لغابيبـه
عادات طرش البحر كا ماانتهت هية
حـرام ماهمتـه دار رفـت عيبـه
ماهمـه الا فلـوس فـي مخابيـه
من عذره ابن القويماني فرى جيبـه
في عملة ماعملها سحيم فـي ابويـه
من شان ****** هطقاء محيديبـة
ينفق وولد الوطـن بانـت معاريـه
احد على الجوع يصبح به ويمسيبـه
واحد بشبعته مايدري عـن وخيـه
يااحمد ماهي مصيبة الا اكبر مصيبة
عشرين مليون في منديـل مصريـة
وماناح طير علـى عالـي نبانيبـه
صلاة ربي على المختار من حيـه
ذااااااااا الشعر
التعديل الأخير تم بواسطة عبدالرحمن الفيصل ; 11-08-2009 الساعة 01:16 AM
|
العرض العادي
