السلام عليكم ورحمه الله وبركاته

ياشباب اليوم اتفقت انا وواحد يماني (ليس على كفالتي ) اني اعطيه مبلغ 20000عشرون الف ريال ونروح للمرسلات بالرياض واشتريله البضاعة اللي هو يريد ويشغلها لي لمده سنتين وفي كل نهايه شهر يعطيني مبلغ 2000الفين ريال بشرط ان تكون قيمه البضاعة موجوده عند سفره علما بأنتي ماادخل بشغله من جميع النواحي .
ووافق على جميع الشروط وقال نروح للمحكمه ونسجل بينا عقد ونشهد عليه اثنين بحيث كل يضمن حقه .

سؤالي /هل شرطي لكتابه العقد يضمن حقي بدون علم كفيله ؟؟؟؟؟؟؟وهل هناك طريقة افضل لضمان حقي مستقبلا ؟؟؟؟؟؟؟؟؟؟؟

ارجو التفاعل مع الموضوع بجديه والله يوفقكم لما يحبه ويرضا .

يا غالي .... الله يوفقك بمشروعك بس صراحه صعبه تسلم واحد 20.000 الف ريال كذا سهاله

لا توثق الموضوع ولا غيره ليش انتا ما تشغلها بتفكيرك ترى تقدر تفتح فيها اكثر من شي وممكن تفتح لك ثلاث اكشاك للجوال وتشغل فيها ناس النص بالنص

ويجيك مبلغ الشهري اكثر من هذا المبلغ ممكن يوصل الى اربعه او خمسه الالف ريال
والله هذه نصيحتي لك حاول تفكر فيها صح يعني لو تفكر فيها خلال سنه اذا على قولتك 2000 شهريا 24000 معقوله تصبر سنه والمكسب 4000 الاف ريال ,<< يعني لو تشغل الـ 20000 الف بس ببيع بطايق الشحن كان جيبت المبلغ بسته اشهر وزياااده كمان وخاصه لو بعت شرائح الجوالات

فكر فيها شويه بس لا تستعجل صدقني بتحصل خراج احسن من عرض اليماني وانا افضل تعتمد على نفسك بعد الله عز وجل

تحياتي لك
اخوك
فؤاد

بالتوفيق يارب
اخوي كلو تمام ماعدا ماتتدخل بالشغل
رجلك ع رجلة تفتحو و تسكرو انت وهو
وربحها عالي جدا
وتعلمها لايحتاج الا كم اسبوع تفهم فيها
الاسعار الجديدة من الجمل
والمستعمل
مع الوقت
واذا بعد ماتتعلم لو عمل عبط العامل تكنسلو

مرئت من هون شرقاوي

مشكور يافؤاد الدمعه على هالنصيحه بس مشكلتي يافؤاد اني موظف ومااقدر ادير المحل بروحي وفعلا بامكاني افتح اكشاك واشغل فيها ناس بس وين ذولا الناس بعدين انا اشوف اليمني شغال بمحل كبير هو واخوانه وقال اطلع وافتح كشك صغير بس المشكله مهي هنا المشكله كيف اضمن حقي مستقبلا ؟؟؟؟؟؟؟؟؟؟؟
_____________________________________________

واشكر الاخ شرقاوي على تفاعله بس ارجع واقول اني موظف ومااقدر اجمع بين الاثنين ومعاك ان شغلتها سهله بس المشكله بالضمانات لااكثر ولا اقل ......

جرب ضمان الكفيل السعوي يكفله بالمحكمة ومعروف اليمنة ماسكين سوق الجوالات بالمملكة
وشغله لابأس بس حاول معه أنك تكون مشرف على العمل لكسب الخبرة منه وأسئل عن وعن
لاكتساب الخبرة يعني لاتحط رجل على رجل وتنتظر الأرباح فقط المشاريع خبرة وارباح عزيزي
او خلي اخوته كلهم يكفلوه علشان تضمن ماحد يطلع من البلد ههههههههه وشكرا يالطيب

خله يحول على كفالتك وهو اللي يدفع نقل الكفاله


ترى الشغله بسيطه يومين وتعرف خربات الجوال هل اهو مفكوك ولا لا وهل الشاشه خربانه ولا لا و التشيك العادي مثل الكميرا والصوت البلوتوث ........الخ

عشرون ألف كفيلة بأن تفتح لك كشك جوالات وتترزق الله

والله يا أخي عرض علي محل جوالات وبموقع مميز ولكني متردد

ما رايكم يا اخوان

متاجر وطني فكرة الكفيل السعودي مااعتقد تنجح بس فكرة اخلي اخوانه يكفلونه فهي اعتقد المناسبه لان اخوانه ماسكين محل كبير صراحه فكرة رائعه ومشكوررررررررررررررررررررر

كلام سليم مشكلتي مااقدر احوله على كفالتي لاني موظف وماقصرت يالغالي.

السكب اذا كان الموقع حلو والعماله او انت عندك خبره فهي والله فرصه ولاتطير من يدك والله يوفقك.

محمد الطميحي فعلا كلامك صحيح بس الموظف صعب يشتغل فيها ويعطيك العافيه .

اخوي لازم كفيله يدري بالموضوع وبالنسبه للضمانات الاجنبي خذ شيكات والا الاوراق ما تنفع عندنا النظام اعوج يقولون بعيد من قالك تعطيه وليش ماراجعت كفيله وعندنا ممنوع ان العامل يشتغل لغير كفيله ويرجعون ويقولك انت متستر .......

انتبه وخذ خذرك والله يوفقك