السلام عليكم ورحمة الله وبركاته ...،،،

صباح الخير ///مساء الخير

شخباركم عساكم بخير وصحه وعافيه

انا بتهور وانزل موضوع في هذا القسم

والموضوع موقف صار علي قبل يومين ....


بدخل في السالفه لاني ماعرف مقدمات ....لاني لو اسوي فاهم واسوي مقدمه ذكرتكم بالاذاعه الصباحيه )

هههههههههههههههه

المهم في ذاك اليوم الملي بالسعاده في البيت والروح العائليه

جاني أبوي وقال لي سعود ترى بكره عندنا عشاء هنا في البيت

لا تروح يمين ولا يسار .... نسى لا يقول لو تروح قدام..ههههههههههههههه

المهم علمني قال ضيوف اول مره يزورونا في البيت يعني ابوي مهتم من العزيمه هذي

المهم جاء اليوم اللي فيه العشاء وصحيت من النوم وعلى طول ماشربت الشاهي الا عند الحلاق

طبعن قبل ادخل الحلاق كان معي بسكويت ديمه المعروف أبو تمر ...ههههههههههههههههه

عشان مايصلح الشاهي الا بهذا البسكويت ....طيب اخلص ولا يكثر

حلاقت وخلصت و رجعت البيت قبل المغرب بشوي الا أخواني متجمعين وعيال عمي برى في الحوش


راحت بدخل داخل الا اللي يناديني ولد عمي قال سعود عطني جوالك شوي

عطيته الجوال ودخلت البيت وغيرت ملابسي وكوشخة كوشخه يحبها قلبك

راجعت للعيال وعطني ولد عمي الجوال واخذته وحطيته معي

ملاحظه بسيطه انا أصغر اخواني طبعن على قولتهم أخر العنقود) طيب وش نسوي ههههه تجيكم السالفه

المهم جاونا الرياجيل ودخلو المجلس وماسعمت ابوي الا يقول رح جب القهوه بسرعه ...مع هذي العبراه

(خلك ذيب ) ههههههههههههههههههه

جبت القهوه والشاهي وصارت اصب القهوه والشاهي على الضيوف بما اني اخر العنقود

عرفتو ليه قالت لكم الملاحظه ...هههههههههههههههه

صار المجالس مليان من الرياجيل وانا اروح لهذا واروح لهذا مره اصب قهوه ومره شاهي

طبعن بمساعدة ولد عمي الصغير استفدت منه صار يجيب الفناجيل والبيالات ويمشي معي

المهم وانا واقف عند شايب واصب له شاهي بدون سكر ....ههههههههههه

سمعت راشد الماجد يغني اغنيته ياغدراهـ ..تبون الصراحه حسبته الشايب مستانس ويغني

المهم صار الريايجل يناظرون فيني وانا مدري وش السالفه واناظر عيال عمي واخواني الا يضحكون

عرفت انه جوالي يدق وعيال عمي هم اللي مغيرن النغمه طبعن قفل الجوال ودق مره ثانيه

ومازال راشد يغني ياغدارهـ طالعت جوالي وعلى طول قفلته بس بعد ايش

وصار مالي وجهه انا ظر احد وخلص العشاء وراحو الرياجيل

والى يومكم هذا وانا زعلان على ولد عمي

س/ لي حق ازعل ولا لا ؟؟

اللي ابيه منكم الكل يقول موقف مر عليه نفس هذا الموقف او شبيه له

ولا تحرموني ردودكم وتعليقاتكم