25-07-2009, 05:41 AM
|
 |
عضو مميز
|
|
تاريخ التسجيل: Aug 2007
المشاركات: 792
معدل تقييم المستوى: 134068
|
|
هيا الوكيل تناشدكم
اشهد ان لا اله الا الله وان محمد رسول الله... استغفر الله العظيم واتوب اليه.. اللهم لك الحمد كما ينبغي لجلال وجهك وعظيم سلطانك..
شب حريق كبير بمنزل عبدالله بن موسى الوكيل بالرياض وتسبب في وفاة ابنته الشابة منى، فيما اصيبت زوجته وابناؤه موسى وإبراهيم وخالد بإصابات مختلفة ..
بعدها توفيت والدة منى زوجة عبدالله..
وابراهيم في العاناية المركزة ..
يحتاج لمن يتبرع له بالدم - من اي فصيلة لمن لدية استطاعة التوجه الى مستشفى الحرس الوطني بالرياض ( خشم العان )
رقم الملف (94867)
وهذي الرسالة من هيا الوكيل أخت المتوفية منى..
مسجها من دون أي تعديل..
كتبتة قبل وفاة والدتها ..
أقروه بكل تمعن وركزو في كل كلمه كتبتها وبعد ماتخلصون أرفعو يدينكم وأدعو لهم من كل قلبكم ...
¤¤¤¤¤
السلام عليكم ورحمة الله وبركاته
اول شي اكييييد حنا غاليين عليكم والله ان حالنا مايسر لا عدوو ولا صديق
والله مدري وش اقووول وكيف ابدا
تعرفووووووون ابراهيم اخوي اكيد
هذا ابراهيم من احب اخواني لقلبي ومو بس انا والله للعايله كلها مو بس اهلي عماتي وبناتهم وبنات بناتهم وخالتي وصديقاتي وكل اللي يعرفه
انا حبي لابراهيم لايوووصف ومستحييييل اقدر اووصفه
احن اخواني واطيبهم رحوووووم لدرجه ماتتصورووونهاااا
أحبه وأحبه والى بكره احبه ومقدر اعيش من دووونه
تدرووون انه الوحيد اللي من اخواني اذا زعل احد يحس فيه
مدري كيف
هو الحين بالعنايه وحنا مؤمنين بقضاء الله وقدره
واهل الخير اللي يحبونا الله يجزاهم خير ماقصروو يدعووون ويارب مايحجب دعاهم
انا ابطلب منكم طلب وماابي منكم شي غيره ... ابيكم تدعووون له من قلووبكم
وماتعدوون هالرساله الا وانتم قارينها الا النهايه
ابيكم تدعووون معي بصوووت خاااشع مسمووووع تكفوووووووون اذا كنتم تحبوني
تدرووون اني شفت الحزن بعيون أبوي
اصعب شي في الحياة اكتشفته انك تشوووف دمووووع احد ماعمرك شفت دموووعه حتى في مواقف اصعب من كذااا
امي كنت اتذمر عندها كنت اقووول وش ذا الحياة تدرووون وش كانت تقووولي كانت تقوولي توكـ ماشفتي شي من الدنيا وانا اقووول كل هذا وماشفت شي
مادريت ان الدنيا بتدووور وتحطني باصعب موووقف واعرف بعدها اني بعدني ماشفت شي
انا اووول مااعرف اسوي شي حتى الشاهي اقووولكم صعب علي
كنت معتمده ع امي ومنى ماكنت اعرف انه بيجي يوم والله بياخذ منى كنت اتوقع انها بتتزوج والوضع بيصير عادي يعني عندي امي تعلمني بس منى راااحت وامي في العنايه ربي يقومها لنا عاجلا غير آجل
يعني كنت ماخذه الاموور بسهاله ماكنت ادري ولا واحد بالميه ان اهلي بيصير فيهم كذا
واصير انا المسؤوله
اسالكم بالله العظيم اذا كنتم تحبووني وصلوووها لكل اللي عندكم
تكفووووووووون تكفووووووووون تكفووووووون
ابراهيم في حاجه ماسه لدعااائكم تكفوون لاتخيبوون ظني فيكم
يالله الحين ابيكم ترفعووون يديكم للسماء وتدعوون معي بصووت مسموووع واللي عندكم خليهم يامنوون معكم
بسم الله والحمد لله والصلاة والسلام ع رسولنا محمد وع آله وصحبه اجمعين
اللهم إني أسألك بمعـاقد العز من عرشك ومنتهى الرحـمة من كتـابك واسمك الأعظم وجدك الأعلى وكلماتك التامة أن تشفي أخي الحبيب ابراهيم شفاءا لايغادر سقمًا وأن تعيده لنا سالماً من كل أذى ياأرحم الراحمين يارب العالمين اللهم انا دعوناك فستجب لدعائنا اللهم ياقادر ياقادر ياقادر فانت تقدر ونحن لانقدر اللهم ياواااسع الرحمه اشفي اخي ابراهيم وردهـ لنا سالما معافى ياحي ياقيوم
يامغيث اغثنا يامغيث اغثنا يامغيث اغثنا
اللهم انكـ تعلم بحالنا فالطف بنا واجمع شملنا عاجلاً غير آجل
اللهم ياااوااسع الرحمه اللهم يااواااسع الرحمه اللهم ياواااسع الرحمه
اشفي ابراهيم وامي واخرجهم من الظلمات الى النور
يارب العالمين
فانت القادر ذي القوة المتين
اللهم اننا دعونااكـ فاستجب لدعااائنا
اللهم آمين اللهم آمين اللهم آمين والمسلمين أجمعين
والحمدلله رب العالمين والصلاة والسلام ع نبينا الكريم
الرجاء الرجاء الرجاء اعادة ارساله فهو في حاجه ماسه لدعاائكم
¤ ¤ ¤ ¤ ¤ ¤ ¤
لاحول ولا قوة ألا بالله..
طلبتكم ياعيال وبنات عمي طلب ولاتردوني ...
نخيتكم ياهلي وعزوتي وتاج راسي وفخري ...
ادعو لهم لاتحرمونهم من الدعوات في آخر الليل لعل منكم من مستجاب الدعوه ...
والله ان مسجها قطع قلبي وأكيد قطع قلوبكم ولكن مانقنط من رحمة الله
رحمته واسعه كل شي سبحانه...
وجعلكم ماتشوفون ألي شافوه لافي غالي ولا عدو
والله يحرم وجيهكم عن النار..
|
العرض المتطور
