خريج جامعة البترول

خريج البترول · #1 (**permalink**) 20-04-2007, 01:53 AM

السلام عليكم ورحمة الله وبركاته

أحبتي الكرام أنا خريج جامعة الملك فهد للبترول والمعادن..
تخصص علوم حاسب آلي ..

صار لي سنة من تخرجت .. والى الان لو اوفق في وظيفة

وصلت الى درجة اليأس .. والتعب النفسي والله ..

قدمت في كل مكان .. واجريت اكثر من مقابلة ..

لكن لم أوفق الى الان ..

والله مو عارف وش اسوي .. تعبت ..

واتمنى انكم تساعدوني ،

تقبلوا تحياتي واحترامي

2222 · #2 (**permalink**) 20-04-2007, 02:13 AM

كم معدلك وياليت اعرف هل هو من 4 او 5 وكم المعدل التراكمي

خريج البترول · #3 (**permalink**) 20-04-2007, 02:17 AM

هلا اخوي ،،

معدل جامعة البترول من 4 ،

وانا معدلي 2.2

ادري اخوي بتقولي معدلي نازل .. لكن الحمد لله رب العالمين على كل حال

وصدقني فيه شباب واجد جايبين حتى اقل مني وتوظفوا ..

الحمد لله على كل حال ،

لكن والله نفسيتنا وصلت الى درجة الصفر

!!!!

2222 · #4 (**permalink**) 20-04-2007, 02:25 AM

راح تتوظف ان شاءالله

خريج البترول · #5 (**permalink**) 20-04-2007, 02:33 AM

الله كريم ،

تسلم حبيبي

الدبلوماسي · #6 (**permalink**) 20-04-2007, 02:42 AM

حبيبي خريج بترول............خلها على ربك.......وبعدين على قولك في ناس اقل من وتوظفت.........يعني انت بنفسك منت عارف وين الخير......بس اسال الله ان يرزقك الخير...حتى لو كان في البطالة.....واهلا وسهلا بك

فارس توب · #7 (**permalink**) 21-04-2007, 02:21 AM

بالتوفيق انشاء الله

molatham · #8 (**permalink**) 22-04-2007, 06:50 PM

الحااااااااااال من بعظة وانا اخوك بس الله كريم ولا تياس
معدلي 3.2

منتهية مدته · #9 (**permalink**) 23-04-2007, 03:52 PM

وانا معاك اخوي .. حالنا يرثى لها

الواحد يقول علوم حاسب الي الوظيفة بالمخباة وبالنهاية عاطل لمدة 10 شهور

بس انا من جامعة القصيم ( دخلت باسم جامعة الملك سعود ) وانكبونا

الله يرزقنا والخير قدام ان شاء الله

أبو زياد · #10 (**permalink**) 24-04-2007, 06:59 PM

أخوي

السلام عليكم

قبل شوي كان معي مدير خدمة كبار العملاء في شركة مايكروسوفت

وطلب مني أعطيك إيميله وترسل له سيرتك الذاتية وياليت برقم جوالك

وراح يوصلها لمدير شؤون الموظفين في مايكروسوفت وراح يرسلها لأكثر من جهة تطلب مثل شهادتك

للمعلومية هو متخرج من البترول والمعادن ومستغرب جداً عدم حصولك على وظيفة إلى الآن وقال لي أكيد الرجال عنده خطأ في شي معين أو عنده مشكلة

عموماً ياليت لو تكتب لي موضوع في قسم الإقتراحات حتى أستطيع التواصل معك

لأني ما أقدر أكتب ايميله هنا. والرسايل الخاصة عندك لاتعمل

بالتوفيق يالغالي