السلام عليكم ورحمة الله وبركاته

أبغى مشورتكم أنا عندي 70.000 ريال وفكرت بمحل مغسلة ملابس فحسيت انها مكلفة وغير مجدية

وقلت ما الا مغسلة سيارات طبعا الفكرة خاشة مزاجي بس اللي يقدر يفيدني باي شيء يعطيه العافية لأني سمعت من واحد يقول بالكاد تكفي مصاريفها أتمنى تفيدوني

يعني تكاليفها بحد أقصى حدود كم

أنا بالرياض وفي شمالها

ولكم تحياتي

فؤاد الدمعة صاحب تجربة في هذا المجال
ننتظره
وفق الله الجميع

مشكور أخوي على مرورك

وننتظر فؤاد الدمعة على أحر من الجمر

يوجد اكثر من موضوع بهذا المجال بالمنتدى راجعها
وانتبه الرياض خطير رغم عدد السكان الهائل بس مثلا لايستطيع احد منافسه مغاسل السبيعي بحي الخليج والروضه لانه يملك حوالي 50 عامل ذوو رواتب متدنيه جدا
ادرس الموضوع جيدا اخي
وبالتوفيق

انصحك بمغسلة بخار نفاث
هناك أكثر من شركة وبالامكان أخذ امتياز تجاري

كم تكلفني تقريبا من دون الايجار(مابين40الف و200 الف)هذا رقم تخيلي وليس دقيق


الادارات الحكوميه التي احتاج مراجعتها وكم هي مصروفاتها؟؟؟
البلديه بس وتحتاج مكتب العمل اذا ماعندك عمال وتبي تستقدم
البلديه (من 500 ريال الين 20 الف حسب المساحهواللوحات)
مكتب العمل(العامل الواحد مابين 2500ريال و5000 حسب الطريقه والمعقب)
والايجار يختلف حسب المدينه والموقع واعتقد يتراوح بين 15 الف بالسنه ويصل الي 180 الف ريال بالسنه والله اعلم

ليه ما تفكر تشتري لك أرض
لا تاكل ولا تشرب وان زادت ما نقصت بإذن الله
حاول تدور لك مخطط في بدايته
وخذ لك قطعه على قد فلوسك
وانسها سنتين ولا ثلاث

والله لو تفكر تفتح محل صغير وتبيع فيه خضره . . . الخضرة فيه رزق كبير ولا يحتاج لها راس مال كبير


أعرف واحد ناويها قريب. . .