هل مشروع محل خضرة مربح .. لا أظن .. شاهدت الحراج واسعار المحلات

رماد السنين · #1 (**permalink**) 30-07-2009, 01:31 AM

السلام عليكم
احبتي الكرام
هل مشروع محل خضرة مربح .. لا أظن .. شاهدت الحراج واسعار المحلات بنفسي
بداية خطرت لي فكرة فتح محل خضرة لرخص اجار المحل وموقعه وسعر اجاره 7000
وعملت دراسة للمحل من حيث الديكور وارخصة واللوحة وغيره ...
واخذت 3 ايام وانا انزل سوق الخضرة واشاهد سعر البيع هناك للخضرة بالجملة ومفرد وبالحراج
مثلا تاخذ كيس البطاطس بـــ 10 ريال .... وتبيعه بفرق 2 او 3 ريال وتقريبا على جميع الخضرة بها الطريقة ... طيب وين الربح وانا عندي اجار وعامل يعني ان ربحت ماراح اربح الكثير
يعني بالعربي ولا حق التعب ... تحميل وتنزيل ... !!!

اتمنى اجد ارائكم حول الموضوع
علما ان مساحة المحل 15متر يعني صغير

محمد الطميحي · #2 (**permalink**) 30-07-2009, 02:11 AM

أخي إن الجبال من الحصى
ربح ريالين وثلاثة كما تقول جيد
لأنك تبيع يوميا عشرة أو أكثر حسب الموقع هذا بالنسبة للبطاطس فقط
أما بالنسبة لبقية الخضروات تأخذها جملة في أكياس وتوزعها على الكراتين وفيها ربح جيد
أخي إذا أنت تريد المكسب من أول يوم تفتح محلك فالأفضل الإبتعاد عن التجارة لأنك ستتعب
ولكن ابدأ وإن شاء الله تتيسر أمورك

بو قاسم · #3 (**permalink**) 30-07-2009, 02:21 AM

اخ حبيب شوف انت طبعا راح تشتري بالجمله صح ولا لا؟

طبعا اكيد الجمله ارخص من المفرد

يعني لو قلنا بتاخذ 30 كيس بطاطس والكيس قيمته 10 اكيد ما راح يحسب لك الكيس 10 لاانك ماخذ جمله

يعني يحسب لك الكيس بــ 7 و انت راح تبيعه بــ 13 كم الرابحه هنا ؟ راح تكون 6 ريال

وخل نقول لو بعت في اليوم على باب النازل 19 كيس خل نحسبها 6*19 = 114 ريال

ها وش رايك 114 في البطاطس فقط يعني غير الخضروات الثانيه

يعني الوضع كله يعتمد على انك تشتري جمله و مو شرط تاخذ من محل واحد طبعا الاسعار تتفاوت

طبعا انت دور الارخص لك والانسب من حيث الجمله

وايضا يعتمد على موقع المحل اذا كان مميز

دعواتي لك بالتوفيق

تحياتي لك

رماد السنين · #4 (**permalink**) 30-07-2009, 11:13 AM

اخوي محمد ... بوقاسم

الله يعطيكم الف عافية .... وينور بصائركم
ولكن في نقطه الظاهر انكم غفلتم عنها وهي ... ان المحل صغير 15 متر يعني انا مجبر بتقليل الخضروات والفواكه لسببين الاول ... لصغر المحل والثاني خوفا من فسادها .. !!

هاوي تجارة · #5 (**permalink**) 31-07-2009, 02:46 AM

8
8
8
مساحة المحل صغيرة جداً .. والمحل يبي ثلاجه و طاولات ..!!!
والبلديه هل يطلعون رخصه على المحل الصغير ؟؟؟

بو قاسم · #6 (**permalink**) 31-07-2009, 03:20 AM

والله يا خوي وش تسوي بعد

اذا على كذا خلاص وفر الخضروات الي دايم مطلوبه والي تمشي في البيع اكثر

مثل برتقال تفاح برضو طماط يعني من هالخضروات

على فكره ترى اجار المحل مررره كويس وهذا بعد اذا صار في شارع ممتاز

بالتوفيق

كلام سليم · #7 (**permalink**) 31-07-2009, 03:51 AM

فيها ربح لا تفكر في البطاطس بس فكر في الجح "الحبحب" وغيرها من الخضروات والفواكه كثيره

انا لي تجربه معها على بداية السعوده وكان اجار المحل 20000 وكان حولي عشر محلات وكلن يجيه رزقه

وسوقها القوي في رمضان

اخوي توكل على الله والله فيها ربح خيالي اذا فردت بالكيلو بس يبيلك رسمال

رماد السنين · #8 (**permalink**) 31-07-2009, 12:59 PM

هاوي تجارة
بوقاسم
كلام سليم
يعطيكم الف عافية على هالتوضيح وجزيتم كل الخير
طيب اخوي كلام سليم ممكن تعطينا فكرة طريقة البيع لانه بالعربي نجهل الاسعار تماما
ياريت تفيدنا لاهنت !!
ويا اخوان هل مساحة محل خضروات محدده ؟؟ لاني اشوف محلات صغيرة وفاتحة
يعني هل البلدية محدده مساحة ؟

كلام سليم · #9 (**permalink**) 01-08-2009, 12:36 AM

اقتباس:

المشاركة الأصلية كتبت بواسطة حبيب الحربي

هاوي تجارة
بوقاسم
كلام سليم
يعطيكم الف عافية على هالتوضيح وجزيتم كل الخير
طيب اخوي كلام سليم ممكن تعطينا فكرة طريقة البيع لانه بالعربي نجهل الاسعار تماما
ياريت تفيدنا لاهنت !!
ويا اخوان هل مساحة محل خضروات محدده ؟؟ لاني اشوف محلات صغيرة وفاتحة
يعني هل البلدية محدده مساحة ؟

الله يعافيك ويوفقك
الاسعار اخذ بالجلمه يعني كل يوم تنزل خمسين كرتون برتقال ومثله تفاح ومائه كرتون بطاطس .........الخ
والتمر و الرطب كذالك لا تشتري اعداد قليله الا اذا كان السحب قليل

طبعا اذا كنت في الرياض عندك سوق عتيقه و الربوه طب فيه بعد صلاة الفجر واشتر

فيها طريقه ثانيه حلوه ربحها فوري

مثلا تشتري شحنة كرتون بطاطس ولا خيار ولا طماط وتبيع تفريد بمكسب ريال ولا نصف ريال و اخذ ما يتبقى لمحلك

بالنسبه لسوالف ما عندي خلفيه فيها