رايكم بمشروع الشاحنات المختلفه

سامي الخالد · #1 (**permalink**) 01-08-2009, 03:49 PM

السلام عليكم ورحمة الله وبركاته

شباب المنتدى الكرام اريد اشاوركم بمشروع عن الشاحنات مثل (الدينا , القلاب ***** ,الشيول , الحفار , الوايت )
فماادري ايش افضل شي للشغل وعليه طلب سواء من الشركات او الافراد والشغل عليه مايتوقف
لان عندي سواق مصري وشاورني اني اشتريله دينا واجرها عليه بالشهر يشغلها هو بنقل الاعلاف والبطيخ ,طبعا راس مالي تقريبا 100الف ريال , ففكرت وقلت ليش مااشتري شاحنه افضل من الدينا مثل القلاب وتدخل احسن منها واشغل العامل بالراتب وارجع راجع راس مالي بسنه .

سؤالي هل اشتريله الدينا واقبل منه راتب شهري معين او اشتري شاحنه اخرى وتكون عليها طلب افضل من الدينا فياليت اللي عنده خبره بهالمجال يرد علينا وادعيله من كل قلبي ؟؟؟؟؟؟؟؟؟؟

محمدالحمياني · #2 (**permalink**) 01-08-2009, 04:16 PM

اخي سامي الخالدي

بعد التحية :

مشرووع الشاحنات مشرووع ناجح 100%100

والانسب للراس مالك الدينا ,, واذا كان يعطيك 3000 شهريا حلو او على الاقل 2500 برضوا حلو يعني راح ترجع راس مالك خلال سنة ونص .

اما اذا تقدر تزيد راس مالك فالشاحنات الكبيرة هي الاحسن ,,, فمثلاً الشيول يعطيك بالميت بالشهر 25000 ريال ,, والقلاب يعطيك لوحدة بالشهر 20000 ريال ,,, عاد كيف اذا جمعت الثنتين.

وهذا الكلام مو من عندي بل قريبي شغال فيها ورازقه الله.

للاحاطة :

الشيول التوب حوالي 400000 ريال.

القلاب السككس حوالي 200000ريال

اتمنى اني افدتك

تحياتي وبالتوفيق

ملكي سدير · #3 (**permalink**) 01-08-2009, 10:51 PM

وعليكم السلام ورحمه الله وبركاته .............

هلا اخوي سامي محمد ما قصر بالرد
وعندي اضافه الشيول فيه مكاسب كبيره يعني يوميته تقريبا 700 ريال بس حط في بالك اذا خربن لا سمح الله
مثلا طرمبه الزيت للشيول 15000 ريال فك القير بس 2500 ريال وهذا يعتمد على حرص السواق على السياره
يعني لازم تحدد معه من قبل ما يشتغل الخراب بالسياره النص بالنص ( ما ينفع تعطيه راتب يا تاجره او بالنسبه )
عشان اذا خربت مو ياخذ راتب على الفاضي ممكن تفعد بالورشه اكثر من شهر .
واتمنى ان الله يرزقك ويفتحها بوجهك

مكشر خلقه · #4 (**permalink**) 02-08-2009, 12:16 AM

من واقع مشاهدة لاصدقاء . في مدينة جدة حاب أقولك على هالشغلة
توكل على الله وأقدم ، وإن شاء الله تذكرنا بالخير
كلها حلواااات وطيبات وفيها قريشات .. شوف

الرافعه فيها شغل مو بسيط ..فيه شركات تستأجر هالمعدة بحدود 18000 ريال .. ومع التامين
يعني وأنت جالس في بيتك يجيك هـالمبلغ الحلو .. واذا فيه عطل عليهم يصلحونه الله لا يهينهم
بس ترى سعرها بحدود 350000 ألف ريال يمكن ماتقدر عليها ..

أما بخصوص ماذكرت فمن وجهة نظري
القلاب مره ممتاز وفيه شغل وفيه أصحاب مشاريع تتفق معاهم بعقود .. ويستأجرونه منك شهور طبعا مع التأمين عاد الخيار الاول والاخير لك إذا ناوي تشغل العامل أو تأجره على شركات ماعليك سوى جريدة الوسيط أو الوسيلة وأنشر أن عندك معده ثقيلة وحاب تأجرها

هذا مالدي .. ولا نريد منك سوى الدعاء لي ولابني المريض

ولك الشكر الجزيل أخوك مكشر خلقه

القاموس · #5 (**permalink**) 02-08-2009, 04:47 AM

السلام عليكم ورحمة الله وبركاتة

عن اذنك ياصاحب الموضوع سؤال؟

اذا عندي دينا هل احتاج الى فتح سجل تجاري عشان انقل العامل باسمي؟؟؟؟؟؟؟؟

ولكم التحية

سامي الخالد · #6 (**permalink**) 02-08-2009, 10:46 AM

الله يعطيكم العافيه وماقصرتوا في التوجيهات والنصائح ولما فكرت لقيت افضل طريقة لراس مالي هي الدينا لان راس مالي قرض من البنك ولقيت العامل اللي يريد يشغلها عنده مع سواقي طبعا هو ماسك مشاريع اعلاف وبطيخ وخبره 13سنه بالنقليات فتناقشت معاه بالموضوع فقال شوف انا الحين عندي ثلاث دينات ومشغل سواقينهن بالثلث يعني انا اخذ الثلثين وهما الثلث لان السيارات لي وانت نفس الطريقة تاخذ الثلثين وسواقك الثلث واشغلها انا بمعرفتي قلت طيب اريد نسبه معينه كل شهر رفض وقال الشغل يوم زين ويوم تعبان فقلت عليه المشكله بالقسط الشهري اللي هو 3400ريال قال حتى القسط انا اللي ادفعه او بعد اذا تبي لمده سنتين انا اللي ادفع الاقساط كلها حقت الدينا ونسجل عقد على ذلك ,,,,,,,,,,,,,,,
سؤالي /هل اقبل منه الثلثين كل شهر ويعطي سواقي الثلث مع انه يسدد قسطها كل شهر من جيبه او اشتري دينا مستعمله وامشي معاه خططوه خطوه لمن يفهم سواقي السوق وتكون الاتفاقيه بيني انا والسواق ؟؟؟؟؟؟؟؟؟؟

عاشق دينا · #7 (**permalink**) 18-08-2010, 09:35 PM

اقتباس:

المشاركة الأصلية كتبت بواسطة سامي الخالد

الله يعطيكم العافيه وماقصرتوا في التوجيهات والنصائح ولما فكرت لقيت افضل طريقة لراس مالي هي الدينا لان راس مالي قرض من البنك ولقيت العامل اللي يريد يشغلها عنده مع سواقي طبعا هو ماسك مشاريع اعلاف وبطيخ وخبره 13سنه بالنقليات فتناقشت معاه بالموضوع فقال شوف انا الحين عندي ثلاث دينات ومشغل سواقينهن بالثلث يعني انا اخذ الثلثين وهما الثلث لان السيارات لي وانت نفس الطريقة تاخذ الثلثين وسواقك الثلث واشغلها انا بمعرفتي قلت طيب اريد نسبه معينه كل شهر رفض وقال الشغل يوم زين ويوم تعبان فقلت عليه المشكله بالقسط الشهري اللي هو 3400ريال قال حتى القسط انا اللي ادفعه او بعد اذا تبي لمده سنتين انا اللي ادفع الاقساط كلها حقت الدينا ونسجل عقد على ذلك ,,,,,,,,,,,,,,,
سؤالي /هل اقبل منه الثلثين كل شهر ويعطي سواقي الثلث مع انه يسدد قسطها كل شهر من جيبه او اشتري دينا مستعمله وامشي معاه خططوه خطوه لمن يفهم سواقي السوق وتكون الاتفاقيه بيني انا والسواق ؟؟؟؟؟؟؟؟؟؟

مشاء الله تبارك الله الشباب كلهم ماقصرو بالردود الله يعطيهم العافيه

خلنا ناخذها وحده وحده

الدينا جديده 2010 = 85000 الف تبي شغل 9000 ريال تركيب صندوق وتدبيل وعده وشراع خذ لك راس

اكتروس بقيمتها احسن واريح

الدينا مستعملة من موديل 2001 وفوق في بحر 42000 الف + 9 تركيب صندوق وعده

تقريبا 55000 الف شغال الموتر جاهز وتقدر تشتري معها دينا ثانيه وتستفيد اكثر اذا صار معك سيارتين

الثلثين ضلم احس النسبة هذي لاتنسى راح يلحقك امور كثيرة من قسايم ومشاكل لاقدر الله او حوادث

لك 50 ولسواق 50 ولا يلحقك صيانه وغيار زيت واعطال علشان السواق يحافظ على الدينا

اخر شي عليك باالسوزو 6 مسمار ولا تاخذ اقل منها nbr

واسال الله لك التوفيق

زوجة الغالي · #8 (**permalink**) 04-08-2009, 08:40 PM

هاذي المشاريع والا بلاش

بس راس المال وينه ياحسرة؟؟؟؟

زوجة الغالي · #9 (**permalink**) 05-08-2009, 12:57 PM

ممكن يتشاركون 4أشخاص كل واحد 60 ألف
المجموع240 ألف يشترون قلاب ب200000ألف وكل شهر ياخذ كل واحد منهم 5000أذا دخلة في الشهر 20000ألف أو يجمعون الدخل ويشترون شيول او قلاب ثاني هاه أ شرايكم ؟؟؟؟

عاشق روزي · #10 (**permalink**) 05-08-2009, 01:11 PM

المعدات فيها خير كثير

بس أهم شئ السواق

إذا يخاف الله لأن أعطالها مكلفة جدا

واللي يشتغل بنفسة ما يأجر يكون أفضل له

أنا أعرف ناس ماشاء الله دخلهم حلو منها

مثلا يمسك ارضية نازلة تحتاج ردم يمكن يجلس فيها أكثر من سته أشهر

كذلك هناك شركات تستلم مشاريع وتستأجر معدات ولكن على قد مايدفعوا الآلة يهروها

أتمنى التوفيق للجميع يارب