السلام عليكم ورحمة الله وبركاته

انا بقولكم ايش صار معاي في مقابلة مستشفى دله وانت قولوا رأيكم ..

كنت مقدمة عليهم من ثلاث شهور وكلموا علي

المهم قالوا تعالي عندك مقابلة بكره قلت ممكن نأجلها عندي موعــــــــد قالوا لا بكره هذي لجنه ، قلت وش الوظيفة قالت بكره نقولك التفاصيل قلت اوك ، المهم رحتلهم على الموعــــــــــــــــــــــد وبعدين كان في رجلين وامرأتين سووا معاي المقابلة على بالهم اني مو فاهمه انها استهبـــــــــــــال مو مقابلة قالوا تكلمي عن نفسك تكلمت عن مؤهلاتي دقيقتين بس بعدين قاطعوني و قالوا تكلمي عن أسرتك بعدين قالوا شكرا خلاص نكلمك اندهشــــــــــــــــــت وش هالمقابلة استغفرالله حتى الوظيفة ماعطوني اي معلومات عنها !!!! وكله كوم واللي جايين معاي يقابلون كوم ثاني واحده سورية والثانية بنت عمرها 17 سنة لسا ما تخرجت !!! وانا شهادتي تعليم عالي ليه طيب الاستغفال هذا ممكن اعرف على بالهم فاضين نضيع وقتنا عشان شي هم يبون يسوونه ولا اكلمهم واقول ايش صار انا قدمت وقابلت تتلعثم الموظفة شوي وتقول لأ ما انقبلتي !!! قلت اساسا ً الوظيفة كانت ايش ؟ تقول خدمة مرضى لا لا لا خدمة عملاء !!! اقصد كانت خدمة عملاء بعدين خلينها خدمة مرضى !!! استغفال !!! قلت اول شي المقابلة اللي عملتوها مايطلق عليها مسمى مقابلة وماله داعي جايبني من بيتي واساسا مافي توظيف !! قالت وشلون ما تسمى مقابلة اختي هذي لجنه ! قلت اول شي اسألي عن المعلومات اللي عندي مو كلمينا عن اسرتك وانا مع اني قلت كلمتين في المقابلة عارفه نفسي كويس ومتأكده من مؤهلاتي ومعاي انجلش ،، ووالله ما اكذب كل اللي قابلوني منزلين عيونهم في الأرض من الفشيلة لأن انا كنت اتكلم وواثقة وهم يكذبون

ليه كذا طيب ممكن احد يفسرلي معنى الحركة هذي ايش لا يكون ياخذون اسمي وشهاداتي ويستفيدون منها على اساس سعودة الوظائف ومو عارفه ايش بجد حطوني في موقف سيء جداً امام نفسي ،، ليه الاستغفال على بالهم الناس ما تفهم ودي اهزأهم

وعلى فكره نسيت اقولكم وانا جالسة انتظر المقابلة كان في واحده قاعده جنبي تقلب في ورق لقيت مكتوب عليه يعتمد توظيفها بالشهادة الدولية اظن هذي اللي كانت لها الوظيفة حسبي الله ونعم الوكيل في كل كذاب

اختي انا لو اني منك وشفت هالورقه مكتوبه عليها كذا مشيت ووكلت امري لله ،،،

ع العموم اختي لا تأسفين عليه صاحبتي كانت تشتغل فيه وشهر واحد ماجلست فيه تقول مافي نظام يعني هي كانت تشتغل بالمواعيد كل شوي يتصلون عليها يحطونها بمكان تغطي وتقولي انا رايحه جايه من قسم لقسم اغطي النقص عندهم ،،،،

ربي انشاء الله راح يعوضك بوظيفه احسن منها الف مره ،،،،،

حسبي الله ونعم الوكيل

المتعارف عليه ان المؤهلات والشهادات والخبرات يكون القبول المبدئي على اساسها وليس المقابلات الشخصية

يعني المقابلات الشخصية تكون بعيدة عن الشهادات والمؤهلات وان طلبوها فهي للمعاينة او المطابقة فقط بما لديهم من بيانات مسبقة عنها .

بعدين اتصالهم على مقدم الطلب لعمل المقابلة معه يكون بناء على مؤهلاته وشهاداته ودرجاته العلمية و المفاضلة بين المتقدمين

بعد ذلك يكون الهدف من المقابلة الشخصية التعرف على شخصية المتقدم وعلى طريقة تخاطبه وهندامه ومدى جديته للعمل ،،، كل هذه الامور تتعلق بالمقابلة بعيداً عن الشهادات والمؤهلات

ولكن ما حدث معك يشير الى احتمالين :

1- كونهم سبق ان وعدوك بالإتصال بك لاحقا ،، فهذا سبب اتصالهم عليك للمقابلة معك حتى لا تبقين على انتظار مدة اطول
2- انهاء اجراءات المقابلة امام ادارتهم وذلك بعمل مقابلات شخصية مع عدد لا بأس من المتقدمين على وظائف

يعني وظائفهم محجوزة قبل شي اسمه مقابلة شخصية

(هواجس قلب) يارب يرزقنا جميعاً اللهم امين ،، (السوبرمان ) اي والله حسبي الله عليهم

( التعليم الفني ) صح كلامك الوظائف محجوزة ،، بس الناس تفهم كفاية لععععب !! وعيبي الوحيييييد ان ماعندي واسطة !!! عشان كذا مؤهلاتي مالها قيمة ابداً ولا شخصيتي تعرضت للمواقف هذي في القطاع الحكومي والحين بدأنا بالخاص !!!!!

الجنة الجنة يارب

حسبي الله على الظالمين

السلام عليكم اختي والموجودين..
لا والله تمام عليك ...
وحسبي الله ونعم الووووكيل عليهم ...
بس تاكدي ع قولتك ممكن علشاان السعودة ..
من اوراقك الشهادة الخ..
والوظيفة منتهية وخالصة بواسطة ماعليك منهم ..
ياليتك ماجيتهم من اول ولكن حسبي الله ونعم الوووكيل عليهم..
والله يرزقك باحسن منهااا قولي امييييين..
ممكن خير لك ما تدرين وباحسن منهاا يوفقك ربي..
تقبلي مرور النداووووووي

السلام عليكم ورحمة الله وبركاته
أختي سوسن بصراحة مؤهلاتك اساسا افضل من الوظيفة اللي تقدمتي لها ومثل ماقالوا الاخوان الوظيفة محجوزة بس يسوا مقابلات مع الناس عشان يقولوا قبلناهم بس مانجحوا في المقابلة وهي اساسا على قولتك ماهي مقابلة كلام فاضي
والله يعوضك بأحسن منها

يارب يخليكم ويرزقكم بأفضل مما تتمنون ، بس حسيت شكلي صاير سيء أمام نفسي انا ما احب احد يستغفلني وانا من قبل ما اروحلهم اسأل وش الوظيفة يقولون تعالي وحنا نقولك التفاصيل !!! وطلعت ولا احد قالي وانا ما سألت لأن الدعوة كلها كانت للللللععععبة ، بجد اسلوب متخلف

يالله يمكن خيره لك وانتي ماتدرين
الله يرزقني وياك وجميع العاطلين يااااارب ياكريم