المشكلة في الموقع ... واذا صاملين نتجمع اكثر من عضو .. ونستاجر مستودع في موقع نائي ..

ونشتري بقيمه كبيرة شوي .. تحياتي

اهم ما في هالموضوع المستودع

فهد المضياني
هذا اللي مخلي هالمشروع ممتاز لاتراخيص ولاخيط ميط

متحفظ
تدري عاد ان كل ماكثرت الحملة يكثر الربح يعني اعرف لك ناس
يقولون اقل مانشري 10.000 بلكة والربح بس 60.000 ريال من غير راس المال

الله يوفق الجميع وانا قصدت ان الاعضاء يستفيدون من هالفكرة
تحياتي وتقديري

التريلة كم تشيل من بلكة
و3000 بلكة كم تحتاج من مساحة
يعني تقريبا البلكة كم اطوالها

والله شوف يالنيوزلندي البلكات تختلف احجامها
فيها الكبير وفيها الصغير واللي انا اقصده هو الكبير اللي نوعية شدّه 80-85

واما بالنسبة لكم تشيل التريلة والمساحة المطلوبة لـ 3000 بلكة
فللاسف مالي علم وانا اخوك

الله يوفقك وانا اخوك

شدوا حيلكم ياشباب ... الصامل يكلمني ... وخلونا نبدأ من الحين ..

لو 10 اعضاء كل واحد من 15 الف هذي 150 واجار مستودع 6 شهور 10 الاف

يبقى 140 نشتري بها بضاعه ... ولوازم حفظها ... وحارس عليها ..

وبعدها الواحد بياخذ ربح يعجبه

احب اشارككم موضوعكم

بالنسبة للتحميل :

اللي معه ددسن غمارة تشيل حوالي 80 بلكة
واللي معه دينا تشيل حوالي 300 بلكة اوقل بحاجة بسيطة
واللي معه تريلة تشيل حوالي الف بلكة

وطريقة التخزين عندنا بالقصيم يمكن لك استئجار مستودع بسووق الاعلاف من البلدية واذا كان ماعندها ,, تستأجر من اصحاب المستودعات ,, وتقريبا يأجروون بـ 300 بالشهر ..

والفكررة هذي حلووة وان الله ستر علا علفك ماخرب بئذن الله انك ربحان 100%100

اتمنى اكوون افدتكم

تحياتي

أعجبتني الفكره بصراحه أنا مستعده أشارك بمبلغ بس أخاف إذا أخذنا كميه كبيره نتوهق في التصريف .

فيه شغلات لازم نتبه لها :
1- الربح ممكن يختلف من مكان لمكان يعني على حسب نوعية المنطقه فيه مناطق يدجون الغنم وتاكل من خشاش الأرض .
2- مادري نخاف يخرب لو كميه كبيره وبعدين يسوون علينا حملة خلوه يعفن .

اذا فيه جديه ارسلوا لي على الخاص .