جروح الوافين
شوف وانا اخوك أنا بديت قبل سنتين
وكان عندي استراحة في الرياض

بديت في نفس هالايام ياطويل العمر بـ 2000 بلكة برسيم وكلفتني بـ 20000 ريال يعني طلعت البلكة بـ 10 ريال
وبعتها قبل عيد الاضحى في آخر شهر 11 بيعة طيبة طلعت البلكة بـ 23 ريال يعني مكسبي من غير راس المال 26000 ريال

وبالنسبة للاستراحة بصراحة كانت عبارة عن حوش وامرها خميس وجمعة ولافيها لاحارس ولاهم يحزنون

اخووي هزاع فيه استفسار بسيط ؟؟؟؟؟؟؟

س1/ من ووين المصدر علشان تكون تأخذه بالاقل الاسعار من المصدر؟؟ (بلكات البرسيم)

س2/ ووين احسن الاماكن لتصريفها بنظرك؟؟؟؟بأسرع ووقت واسعار حلووه بدون اشخاص منافسين؟

فهد المضياني
انت من وين علشان اعلمك ياطويل العمر

السلام عليكم

ممكن تفصيل أكثر عن المشروع:

1- من ناحية شراء البضاعة الجيدة المرغوبة.
2- من ناحية طرق التخزين الجيدة ومدة التخزين بالشهر كم .
3- من ناحية الأسعار الجيدة وهل أسعارها بالجملة ترخص مع زيادة الكمية.
4- من ناحية التصريف السريع وكم مدة تصريف البضاعه 2000 بلكة.
5- من ناحية أيجار التريلة بالشهر وأيجار دينة بالشهر كم تقريباً.

أتمنى الأجابة على هاي الأستفسارات وشكراً جزيلاً
5

حياك الله متاجر وطني
- من ناحية البضاعة الجيدة المرغوبة فهي اللي تجي من طبرجل الوقت الحالي
- من ناحية طرق التخزين فالافضل انك ترصها رص جيّد وتلفها بطربال يغطيها تغطية كامله سواء كانت في مكان مكشوف او في مستودع هنقر ومدة التخزين 3 اشهر بالظبط من 15/8 الى 15/11
- من ناحية اسعارها فالاسعار وحده ياطويل العمر لكن بإمكانك تطيح على واحد يرخّص لك ربع ريال او بعض الاحيان نص ريال
- من ناحية التصريف السريع اطمئن ماراح يآخذ منك اسبوع بالكثير
- من ناحية ايجار التريلات احب اقولك انت ماتحتاج تستاجر لان اللي راح تشتريها منه ينزلها لك ويرصها بعد واللي راح يشتري منك مستقبلاً هو بنفسه اللي يجي يحملها من عندك

تحياتي وتقديري

من الخرج طول الله عمرك

تخبر المزارع وواجد عندنا

شوف يافهد الخرج اسواق العلف فيها اسعارها غالية ولاتهون الافلاج
لكن اذا كنت خفيف انقز لوادي الدواسر وجس النبض هناك لأن وادي الدواسر يقولون هاليومين
اسعارها دمار وحسب ماسمعت ان البلكة ب 6 ريال الى 7 ريال واذا كان هذا صحيح لاتخليها مرة مرة مرة

هذا اللي عندي واتمنى افدتك يابعد قلبي

أخوي هزاع بارك الله فيك على الرد السريع وحبك للخير لأخوانك المسلمين وأسئل الله لك التوفيق

أنا أحب تفهمني النقطة الاخيرة الخاصة بالتريلة وكم تنصحني بخصوص رأس المال وأنا من سكان الطائف

البضاعة الي من طبرجل كيف احصل عليها والمستودع موجود وهو بدروم كبير أرضي بعمارة جديدة منتظرك بالرد.

تسلم والله يالغالي مشروووعك على انه غريب بس من جد حلووو
واشكرك بالصراحه عليه
بس ماقلتلي اماكن تصريف البلكات ووين سووق الغنم والا كيف ؟؟؟

وبالنسبه لتحري الدقه في شراء الارخص كيف اعرف اني الديره الفلانيه فيها اخرص منه غيرها؟؟؟

يبيلها مراقبه والا كيف؟؟