السلام عليكم ورحمة الله وبركاته
الله يسعد كل واحد دخل ويحقق امانيه
انا بصراحه فنانه في الديكور الداخلي وسويت بيت اهلي وانجو جماعتنا عليه وسويت كذا بيت بس كلهم لاقاربي المشكله اني ودي ابدا كمصممه وادري كثيرين بيطلبون شغلي مب المشكله في التسويق كثر ان المشكله اني ماعرف منين ابدا
قصدي مثل الحين اذا بصمم فيلا كيف بيكون الدفع وشولون اضمن ان الزبون يدفع لين اخر شي لان بصراحه الناس ماعاد تخاف الله اذا خلصت لهم الشغل بدون ضمانات سحبوا عليك
فكيف وكيف احسب الاسعار طبعا انا كونت قروب خخخخخ امحق قروب المهم ينعني اللي اشتغلوا معاي من قبل في بيت جماعتنا وكان شغلهم حلو من حقين الجبس والصبغ والتعتيق كلهم تمام
بس شلون اتفق مع الزبون في الدفع وكيف احط الاسعار وهل الدفع كامل او اقساط شورو علي تكفون

أختي شيخة العاطلين

أطرح لك فكرتي وأن شاء الله تستفيدي منها

البدائة تصورين الأعمال التي قمتي بها من ديكورات
ثم تبحثين عن محل يعمل في الديكورات وتتفقين معهم على عمل الديكورات عن طريق محلهم وبتوثيق عقد من محامي لحفظ حقوقك مع صاحب المحل والأتفاق على نسبة المحل
وتريحين راسك العمل يأتي الى حدك عن طريق المحل
لاعندك أيجار محل ولا رواتب عمال
وتستطيعين الأتفاق مع أكثر من محل
وهم من يتولون الشؤون المالية مع الزبائن ويحفظون حقوقك وحقوقهم وكذلك عندهم خبرة في الأسعار

فكرتك حلوووه بطبقها بس كشغل جانبي خخخخخخخ طماعه بس الشغل لوحدك اربح بكثيييييييييييييييييييييييييييير خاصة جتني اتصالات من ناس راقين جدا بيكون ربحي اكبر لو اشتغلت انا بدون مايكون في وسيط بينا وبعدين المدحه بتروح للمحل كاني اشتغل دعايه لاي محل بينما لو اشتغلت باسمي متاكده بسرعه بنتشر شغلي مره حلو وراقي بالنسبة للصور انا مصوره من شغلي كثير بس ابي اعرف هالنقطه
شلون اتاكد ان الزبون بيدفع اذا خلصنا الشغل اخاف مايدفعون ويماطلون

البداية كنت ناوي اشارك ولكن شكلك طماعة وتضحكين علية بطلت ههههه

اما حول ضمان حقوقك يكون هناك عقد رسمي

وعلى سبيل المثال المبلغ المتفق علية عشرة الأف

عند توقيع العقد يدفع دفعة على سبيل المثال خمسة الأف

وبعد ماينتصف العمل يكمل المبلغ او يبقى عملة معلق حتى تستلمين المبلغ كامل وأن كان باقي مبلغ بسيط الف الفين عند النهائة ربما لاتضر حتى لو رفض السداد علماً يوجد عقد يسحبة بذنة

أنتي مجرد تسوين تصميم فقط لكن عماله جبس ما عندك

طبعا أنا لو ببحث عن عن ديكور بروح للمحلات الجبس بسأل أولا عن تسعيرات محلات الجبس اذا أعجبني التسعيره بطلب تصميم للديكور سوى محل أو فيلا المحل ما يصمم ديكور فيكون عنده مصمم ديكور يتم الاتصال به وأرساله للزبون عاد التصميم يختلف أحيانا من المتر بـ 5 ريال الى 30 ريال أحيانا

اذا وافق الزبون على هالشي توقع معه عقد الزبون والمحل له نسبه

وبنفس الوقت ممكن أحد يعجب من تصميمك ويجيك مباشره يقول صمم لي ديكور ويتفق معاك تزين التصميم وتركبه تأخذ مبلغك حق التصميم كامل مع نسبه من المحل من تركيب الجبس

كل هالاشياء تكون بعقد رسمى ومختوم وبينك وبين المحل حقك محفوظ من المحل ومن الزبون

واذا عندك أستعداد وأعمالك حلوه راسلني بالخاص فيه كذا ورشه حقت ديكورات وبرضو محلات دعايه وأعلان كبيره لي معارف فيها ومحتاجين مصممين يمكن أدخلك معهم أنك تصمم ويحددون لك تسعيره بالتصميم وتأخذ حقك فيه

انا فاهمه اللي انتم تبون تقوولونه بس بقولكم شي انا عندي عمال
مثال
عندي عمال الدهانات وعندي محلات دهانات لاحد اقاربنا فيمكن يراعيني بالاسعار ههههههه ياشين القرايب في المصلحه
ثاني شي عندي عمال ديكور اللي يسوون الجبس والاسقف وغيره
بالنسبه لشغلي بصراحه احب الخيال فشغلي خيالي هههه مب مدحه بس والله ماحب هالاشياء المتكرره عندنا في السعودييه فافكاري دايم غريبة ومدموجه بين الشرق والغرب فاخاف اسوي شغل بالتعاقد مع محلا ت ثم يصورون وينسخون
تخيلوا مجلسنا انا مصممته لما جا اللي يركب الستاير وهو مب نفس المحل اللي صممت الكنب عنده انجن عليه واللي قهرني ان زوجي سمح له ان يصور المجلس قلت بكره القى ال سوق كله نسخه منه
وبينما انا عندي الدها ن والجبس وحق الديكورات كلها بس انا اراويهم رسومات للجبس اوتصميم وكمان اعلمهم بعض الشغللات مثلا بعض الاشكال من الجبس وغيره وهالعمال اشتغلوا عندي كثير في بيتي وبيت اهلي وكمان بيت اقاربي فصايرين مثل القروب وانا عاجبني شغلهم كمان لانهم بصراحه شغلهم حلو مقارنه بعد بسعرهم ماخترتهم الا عقب مانفضت السوق وعرفت الاسعار وكما الشغل لان مب اي واحد يشتغل زين او يتقيد بمواعيده فأيش حاجتي للمحلات
بعدين سؤال هل المحل يحتاج سجل تجاري والا بس ترخيص

ومزاجك
انا قصدي ابي امسك فلل او بيوت شغل كامل يعني جبس وتعتيق وديكورات قصدي مثلا عندك بيتك بتجدده سلمني اياه بعد التفاهم وكل التفاصيل وافهم وش تبي وش ماتبي اسلمك اياه بشكله الجديد عرفت علي يعني مب بس اصمم حابه شغل كامل خاصه اني معي طاقم كامل من العمال

انتي قصدك تمسكين بيت من اوله الين اخره الين ماينتهي ويسكنون فيه النااااااااس صح..........
عندي الحل ولا تدوري من غيري
تقولي عندك عمل صح..؟
اهم شي تفطري من البوفيه بدري انتي ولي معك العمال..
ويشرط معاكم عربيه امكن تطلعون بطحه
اهم شي انتي العائده لازم تكوني في المقدمه
اهم شي اذا شفتي بيت بلك احمر انقزي عليه قولي بابا ابغى تشتيب
اهم شي تكوني لابسه فوطه والله يعينكم
والله ماعندي الحل
بس الله يوفقك محد قالك تقولي تكفوون

[glow=FF0066]بسم الله الرحمن الرحيم [/glow]
[glow1=FF0099]
السلام عليكم ورحمة الله وبركاته
[/glow1]
ماشاء الله تبارك الرحمن الله يوفقك عزيزتي
ويكتب لك الخير ويغنيكي بحلاله عن حرامه
بس أهم شي التوكل على الله والأفضل يدفعون لك عربون مقدم وصدقيني محد جايك تصممين بيته وهو لعاب.وأياكي والطمع ورفع الأسعار إذا تبين الزباين أكسبيهم أول.....وتقبلي مروري