هلا اخووي ،، يا ليت تجاوبني انت تقصد الدوام بنفس لشركة الإلكترونيات ولا دوامك بالقوات الجوية لان هناك نوعين للعقود.

فيه عقد مباشر بينك وبينك الشركة وتعمل بنفس الشركة وفيه عقد ثاني تكون الشركة فيه مجرد مقاول (وسيط) بينك وبين القوات الجوية او اي جهة حكوميه اخرى لها علاقة عمل او بينهم عقد وطبعا الدوام يكون حسب دوام القوات الجوية او الجهة اللي بيكون دوامك فيها او بالشركة والاجازات نفس الشي تفرق من عقد لعقد ،، علمني وش اللي تبي تساله عنه بالضبط وان شاء الله اني اقدر افيدكم

أقصد بنفس الشركة

والله شوف واناخوك الوضع يفرق بالشركه يعني مثلا لو فيه واسطه راتبك بيكون زين ودوامك
من الصباح 8إلى 4 والاجازات مالك الا 30 يوما بالسنه وما فيه اجازه عرضيه االي موجوده لموظفين الدوله اللي هي عشره ايام ،، وحاول تدور واسطه عشان تقدر تسنع نفسك لان فيه ناس فيها اعرفهم معهم دبلوم سنتين بعد الثانويه ويستلمون بحدود ال4000 وفيه ناس معهم ثانويه ويستلمون 7000 يعني فيه فرق كبير
يعني مثلا اذا فيه واسطه وقدر يدبرلك رقم شاغر واللي كان شغال على نفس الوظيفه واحد يستلم راتب زين ترى بيفيدك كثير لانك بتستلم نفس الراتب ،، لكن اذا تبي نصيحتي حاول انك تتوظف عن طريق القوا ت الجوية لان لهم سلم رواتب يمشون عليه وما يقدرون ينقصون راتبك ولا يفصلونك الا اذا فيه شي صار منك مثلا غياب او رئيسك المباشر كتب فيك انك لا تصلح للعمل بنهاية العقد بكذا ما راح يجددون عقدك وان وقتها بتكون مسؤل عن أدائك الوظيفي وتطوير نفسك ورواتب الجامعيين للتخصصات العلميه توصل 12000 وشوي وحتى لو ما معك تخصص علمي تقدر تتدرب وتحصل على دورات بالقوات الجوية وتحصل على مستويات تدريب بالقوات الجوية وترفع راتبك بس العيب الوحيد انه مافيه لا علاوه سنويه ولا زياده راتب لو تجلس 10 سنين بنفس الوظيفه ،، وحط ببالك انك اذا توظفت بالشركه نفسها بإمكانها باي لحظه تقدر تقولك الباب الله لا يهينك الا اذا فيه احد بتعتمد عليه بعد الله سبحانه وتعالى وبيقدر يضبط وضعك بالشركه،،
وبالتوووفيق ان شاء الله اخوي

[align=center][/align]السلام عليكم ورحمة الله وبركاته


انا كنت أشتغل بهذه الشركة واستقلت بسب تكملتي للدراسة بالكلية التقنية مع ضمان الرجوع فيها المهم الدوام من 7 الصباح الى 3.50 العصر وانصح بالشركة هاذي لإن دوامهم فله واتوقع اذا كنت جامعي يكون راتبك الأساسي بحدود 8500 واذا كنت متخرج من كلية التقنية بحدود 6300 واذا كنت معاك الثانوية الصناعية تخصص إلكترونيات راتبك الأساسي بحدود 4400 وكل هاذي الرواتب من غير البدلات انا الي عندي قلته وانت قرر بالتوفيق ياأخوي

طيب انا خريج كلية المعلمين يقبلوني

شاكر لكم ومن عنده إضافه يفيدنا

طيب انت ما تقدر تفيدنا

لو سمحتوا يا اخوان انامعاي دبلوم سنتين شبكات من اكاديمية الفيصل

وعندي مقابله وش طبيعة الاسئله كم تتوقعون ممكن يعطوني راتب ؟

وهل الشركه حكومية ام خاصه

الله يرزق ويوفق من يعطيني خبر

امين

يرفع رحم الله والديكم