السلام عليكم

كيفكم أخواني ان شاء الله بخيرر

اللي يعرفلي وظيفة مؤقته لمدة شهر واحد في شهرمضان بس

طبعا انا من سكان الرياض

و بعد العيد تبدأ الدراسة وأنا اقبلوني حامعة الجوف يعني بأغترب وابعد عن أهلي

بس لو قبلتني الوظيفة اللي بجامعة الملك سعود<< حيكون كلام ثاني وتنحل اشياء كثيرة

تكفون ياشباب االلي يعرف لا يبخل علينا

سوا كاشير في محل ولا بائع ولا أي شي أهم شي شهر رمضان وبس

وشكراأأ

والله انك احسن واحد وفكرتك مابدهاش ,, واحسن من غيرك بدل ماهو متكي ويشرب برجستن ولاهانكوك وينفخ من هالدخان

اسمع رووح مكه ياطويل العمر وافتح لك كشك صغير ولا اقولك بلاها كشك خذلك ددسن غماره عشان النحشه لان البلديه بيرجونك انا سويت الطريقه هذي وكنت ابيع شراشف ومخدات واول مره ابيع ولا دريت الا العالم من ورا جايين دق سلف وولد عمي في الصندوق والنحشه ياولد والشراشف في الشارع راحت البضاعه المهم خذ لك ددسن وتعال مكه وبيع اممممم سوي في الصندوق زي البقاله فيه مويه وبطاطس وعصيرات وبسكوت وحاجات اهله عند اهله وبيع والله يرزقك ان شاء الله او لو تأجلها في الحج اففففف ياسلام سلم احسن شئ قرووووووووووووووووووش

طولت عليك بس ابيلك الخير والله يوفقك

والله فكرة حلوة بس انا من سكان الرياض

والشغلة ذي تصلح لأهل مكة..

يالغالي فيه وظائف في سوبرماركت بنده

الوظائف أعلنوا عنها الشباب قبل أسبوعين
وهي فقط لمدة شهر واحد
وراتبها 2400 ريال

الموقع هو هايبر بنده اللي على طريق الملك فهد
انت رووح لهم وشوف لأنه ممكن أكتفوا أو باقي فيه شاغر لأنه الأعلان له أسبوعين
أنت ماأنت خسران شئ رووووح وجرب حظك

وبالأخير ربي يوفقك

ولا تنساني من دعواتك أن ربي يوفقني بالكليه اللي أبيها
تحياتي لكـ

الله يوفقك اخوي بالكلية اللي انت تبيها

وبروح اشوف هايبر بندة بكرة

الله يرزقك بالوظيفة اللي تريح خاطرك

الله يحقق امنياتكم يارب

طيب فرضن بكره تخرجت من الجامعة وصرت دكتور والا مدرس تبي الطلاب يقولون كان بياع شراشف ولابطاطس وعصير في بنده وصار مدرس والا دكتور لاياخوي ياانك تخش دورة انجليزيه تقوي فيها نفسك او تدور وظيفه تكون لها علاقه بتخصصك

شوكرن لك