اللي معي رمة جرى شوي ووقف ويجون ثلاثة عساكر ويصفقونه تصفيق انتفخ وجهي من كثرة الضرب

قلت ابطلع خلاص لا ابوهم لا ابو من يتلبس في صوماليين ريحة موية صرف صحي ولا يعرفون يسوقون ....وادق على الجاثوم حقي لقيت جواله مقفل وبعد دقيقة دق علي
الجاثوم: هلا
انا :هلهلوا ضروسك واحدا تلو الاخر ليش مقفل جوال
الجاثوم : لا يكثر شوفني عند النخلة تعال وجيب معاك موية
انا: ضف وجهك يالورع
واروح اجيب له موية مكيف وبعد ماشرب وخلص قربت منه .....مسكين حالته حاله ضلوعه مكسرة وسنونه مشطوفة وحالته مخزية

قلت خير انشاء الله :
قالي انشاء الله تكتب هكذا ان شاء الله

قلت له : الحين مسوي فيها مهتم بالدين يوم فقعوا وجهك ......ومن اول تاذي خلق الله ويمكن حتى ماتصلي ....اخلص وشي تبي ....ترى هذا اليوم اخر يوم لي معك
قالي: ارجوك لاتتركني وحيدا في هذا العالم ....ابوي وامي ماتوا وانا صغير ....ولا معيل لي سوا انت ارجوك ارجوك....

قلت له : وش اللي ارجوك ارجوك ذي ....تذكرني بمهند التركي

قالي : مين مهند التركي؟
قلت له يجي في ام بي سي هذاك التركي اللي كان معلم شاورما في السعودية ويوم مسكته الجوازات قاعد يقول زيك كذا .....ارجوك ....امي متوفية .....وبعد نص ساعة يجيبونه في مشهد ثاني يشحت عشان يعالج امه !!!! المهم اخلص علي كمل السالفة

قال: الصومالي اللي انا تلبست فيه طلع احول!!

قلت : تصدق اني شكيت من يوم شفته يولع السيجارة من الفلتر ..بس قلت خلني ساكت احسن..طيب وش صار؟

قال: قاعد يجري الين صدم في خشبة في نص الخلا .....

قلت : احسن
قالي: وشتقول؟؟

قلت : اسلم

قال: ويوم صدم تقلب ووقف على جنبه اليمين

قلت: خخخخخخخخخخخ تذكرني بالكامري حقي يوم قلبت على الخط السريع......وقفت على جنبها اليمين...طيب....مين الغلطان......

قال: يوم جوا الناس انا خفت ان واحد منهم يقرا قران قلت خلني اطلع من بدري

قلت : يارجال بسيطة تعيش وتاكل اكبر منها وانشاء الله تتلبس في واحد حرامي وسكران واعمى ويسوق سيارة عشان تكون نهايتك ونفتك منك..

قال : تقدر تشيلني؟
قلت له : ما اقدر اشيلك تبيني اسحبك من رجولك ....ابشر

واسحبه بعلاقة ملابس



قلت له: تحمد ربك انها جات على كذا.....في جاثوم اعرفه تلبس في صومالي وطلع هالصومالي من القراصنة اللي يسرقون سفن .....والى يومك هذا اهل الجاثوم ما يدرون عن ولا شي بس امه شافته في الاخبار وهو متلبس في بحار يوناني طلع من الصومالي وطب في واحد اوروبي ....


وفي اليوم الثاني قابلته ورجله في الجبس





البقية بعدين

قلت له : تصدق يا اخ جاثوم انك غبي

قال: افاأ

قلت: أي والله غبي ماتعرف كيف تختار اللي بتتلبس فيه .....المرة هذي دوري انا ....انا ابختار

قال : خلاص

قلت له : شايف الاثنين اللي هناك

قال لي : الاثنين والا الثلوث خخخخخ

قلت له : تتريق انت ووجهك اللي كنه ركبة هندي...شايف الاثنين اللي واقفين هناك.....انا باتلبس في اللي شايل الشنطة وانت تتلبس في خويه

قال : خلاص اسبقني وانا جايك الحين

قلت له: لا ياحبيبي رجلي على رجلك....

قالي رجلي مكسورة

قلت له تخرجوا عيونك ...امش على أيدينك

ويوم طبينا فيهم طلعوا مروجين مخدرات!!!!

والشنطة اللي مع اللي تلبست به كلها حبوب ابيض (كبتاجون) ورايح يوزعها وبعد ما خلص من التوزيع اخذ حبه عشان يواصل ما يبي يرقد

وبعد يومين قابلت الجاثوم وعيونه حمرا الظاهر ان الحبوب انتهى مفعولها وكل شوي يطيح ويقوم

بعد خمس دقايق جات مكافحة المخدرات واقول لخويي الجاثوم انحاش انحاش الحكومة
قالي اقولك اركد لا تكون جبان تصدق اني تلبست في واحد محمل تريلا من سوريا الى جدة ولا خفت!!

قلت له يا خي انت قوي ...ابغى اصير صديقك

ويوم تجمعوا علينا حقين المكافحة طلع البياع ظرف كبير مليان فلوس وعطاه لقائد المداهمة وكل واحد راح لسبيله !!!!!

وطلعنا حنا من البياعين وجلسنا على الرصيف




البقية في العدد القادم


وينكم يا قماعة الربع

مافيش حد والا اية؟؟؟

تعوذ من بليس يا ارخميدس
بس قل لنا وش كنت متعشي
يقولون اللي يثقل فالعشا يجيه جاثوم


اما سالفة خوي الهلالي اللي يقول انوه تكلم على لسانه ما اضن جاثوم اقرب ماله مس
اقرو على خويكم

مثكور خيو
سولافة حلوه
متابعين

وطلعنا حنا من البياعين وجلسنا على الرصيف

قالي الجاثوم : وش تعرف عن الحب؟

قلت له : انا اعرف حب الشباب اللي يطلع في وجه الانسان وبراطمه ويوم تشوفه تقول بسم الله تحسبه جني

قاطعني وقال : وشفيهم الجن؟

قلت مافيهم شي بس فيهم اذيه لو يتركونها يصيرون كويسيين

قالي يعني مالك تجارب في الحب؟

قلت لا والله ماعرفه ابد بس لو اشوفه يمكن اعرفه لاني ما ادقق في الاسماء ويمكن هو يعرفني ....الحين انا عرفته عشان اجربه؟!؟

قالي وش تعرف في الدنيا انت اذا ماتعرف الحب؟

قلت له تقصد الحب بكسر الصاد؟
قالي ايه

قلت والله الصراحة بقولك موقف بس بالله لا احد يعرف وخاصة زوجتي ..

قال ابشر

قلت له : قبل 15 سنة طلعت السطوح عشان اذاكر وشفت بنت الجيران ....قسم بالله هي اللي اشرت لي ....وجلست اسبوعين على هذي الحالة ويوم من الايام جاني ابوي ماسك لي الغاز بيده ويقولي ما تستحي تغازل جارتنا قد امك يا قليل الحيا...قلت قسم بالله ما ادري

ومن بعدها كرهت الحب وسنين الحب ....الين تزوجت وبعدين حبيت على كيفي لا احد يجي يقولي عيب والا حرام .....ولا اكبر عضو في الهيئة يقدر يقولي مين هذي اللي معك ....زوجتي لغة وشرعا وقانونا واصطلاحا .....هذي هي تجربتي في الحب...

قال لي :وفرحان انت ووجهك ....بالله هذي تجربة حب...هذي تجربة حرامي اسطوانات .....بياع طراطيع....ياخي حرام عليك شوهت الحب

قلت له يابن الحلال انت خربان رح شف لك واحد زيك وعلى مقاسك يمشي معاك ......انا الحين ابطلع وابصير انسان تبي شي

قالي تروح وين يالحبيب....

قلت ابروح عند امي .....

قال ههههههههههههااي

قلت له لا تهايط يالورع ترى في جيبي شريط قران ....قسم بالله لو ماتعقل لا اشغله....هيا ضف وجهك ووخر عن طريقي

واوقف عند محطة بنزين واقول طربق طربق طمبق طمبق وشوي ويصحك راسي في طرمبة البنزين

وبعد محاولات كثيرة ما دريت الا و انا في البيت وطايح فوق قدر الضغط....

جاتني زوجتي تجري مفجوعة والرز طايح في الارض وراسي مفلوق

جات الله يعطيها العافية تبي تقومني قلت لها بالله وشرايك في الحركة....

خذتني على قد عقلي وقالت حلوة بس قوم خربت الدنيا وثيابك مقطعة وحالتك حالة

انتهت السالفة يوم اني ازرر ثيابي واجمع جوالي اللي انكسر


شكرا لكم مع احلى الاماني


واستروا ماواجهتوا

واقروا المعوذات قبل النوم واذا شفتوا جني لاتخافون بس اقروا المعوذات واذكروا الله قسم بالله انهم جبناء ....وعقل اعقل واحد فيهم زي عقل طفل عمره 10 سنوات

وهم ما يتلبسون في البشر الا لما يكونوا في حالة فرح شديدة او حزن شديد ولا في حالة خوف من الجن

هذا وصلى الله على محمد


كتبها اخوكم الجاثوم.....قصدي كتبها اخوكم ارخميس

بااااااااااااااااااااااااااااااااااااااااااااااااا ااي


واسف على الاطالة