السلام عليكم ورحمة الله وبركاته

ها أنذا ذا فيذا (مرة ماتجي اسوي قصيمي)[IMG]http://www.*****.com/smiles/data/22/36_7_8[1].gif[/IMG]

قبل ما ابدأ حبيت اقولكم نكته سمعتها قبل فترة

النكتة تقول (فيه واحد عطاه البنك بطاقة صراف غلفها) خخخخخ (اشك انه ابو ريم او عاطل بن باطل)


المهم ابقولكم قصة حصلت لي


كنت نايم من التعب والارهاق وشوي الا اسمع صوت قربعة في غرفة النوم واقوم ادور في الغرفة عن مصدر الازعاج وما لقيت شي

واتعوذ بالله من الشيطان وارجع انام

وشوي ويرجع صوت القربعة واقوم ادور وما القى شي

وفي الاخير طلعت رجلي ناشبة في الكوميدينة وهي اللي تطلع القربعة

المهم طلعت الكوميدينة من رجلي وكملت نومي

وشوي احس بقربعه قوية حضنت رجلي عشان لا تدخل في احدى الدواليب

رجعت نمت وشوي حسيت ان جسمي بدا يثقل وما اقدر اتحرك

اثره ملعون الوالدين (الجاثوم) يبي يبرك علي ويتونس .....شكله فاضي ولا عنده شي قال خلني اطقطق على ارخميدس

قلت بيني وبين نفسي ماهو انا اللي يطقطقوا عليه الجن والشياطين ...سويت نفسي نايم ويوم قرب مني قريت المعوذات... واشوفه يبي ينحاش وامسكه مع حلقه واعطيه ركبة في بطنه وشوت على وجهه



ملاحظة: انا اللي على اليسار

واكمل المعوذات وشوي الا يبكي ويصيح ويقول خلاص اني احترق ....قلت له اني احترق والا اني اغرق..؟؟؟؟ ماحد قالك توطوط عند غرفة نومي قسم بالله لا احرقك حرقة واخليك عبرة للجواثيم امثالك (عصبت) اللي ما عندهم ذمة ولا ضمير

قلت له اوريك الحين اقرأ سورة البقرة وخلهم ينفعونك دامهم يعجبونك....قال لاااااااااااا خلااااااااااص ابطلع

وبديت اقرا سورة البقرة......ويوم وصلت للاية الخامسة نسيت الباقي ...واطالع في الجاثوم والقاه ميت من الضحك....

يقولي مسوي مهايطي ومطوع ومنت حافظ القران

قلت له الحين اوريك اجيب المصحف

واروح ادور المصحف وما القى شي!!!!!!!!!!