مبدع ............ارخميدس

بانتظار دائم لجديدك

جيت لقيت مولع سيجارة وساحب له كرسي ومتكي وقالي رح سوي براد شاهي .....ولاتتأخر عليه

قالي والله انك مرفع ......يابن الحلال تعال اجلس خل نسولف

قلت تم..

وجلسنا نتجاذب اطراف الحديث شوي الا قالي وين تشتغل قلت يعني بالله ماتعرف ؟؟؟وانت كل يوم ناط فوقي وما تخليني اقوم؟؟؟

قال امزح معاك انا عارف بس ابشوف اذا انت صادق والا كذاب

قلت له كم سنة وانت شغال كذا تتلبس في البشر؟
قال من زماااان

شربنا القهوة

قالي لي قسم بالله عندكم اشياء غريبة في السعودية

قلت كيف يعني وضح.

قالي يعني مثلا بالله كيف تاكلون من المطاعم وانتم عارفين انها وسخة..

قلت له والله شوف يابن الحلال كلنا نسمع انها وسخة لكن ماثبت لنا انه زي ماتقوله

قال طيب عند اقتراح..

قلت له تفضل يا اخ جاثوم

قال اخليك جني

قلت نعم يا اخوية!!!!!!!!!!!!
قال لاتستعجل

تصير جني واخليك تدخل أي مكان تبيه ولا احد يشوفك

قلت والله العرض مغري لكن.....ما اعرف وين اروح ...قاطعني وقال انا معك

قلت تم

تعال بكرة في مجلس الرجال حقي ونخلص شغلنا هناك

ويجيني اليوم الثاني وياخذني لمجلس الرجال ويطفي النور قالي لي قل طمبق طمبق طرطق طرطق خمس مرات ورا بعض

قلتها بصعوبة وشوي الا انا واياه نطير في الجو قال لي شوف يا ارخميدس

الحين اول شي نبي نروح لمطعم في حارتكم وانت تشوف كيف يسوون الاكل قلت مشينا..


ويوم قربت من المطعم قالي ادخل وانا انتظرك برا قلت له انت جني والا سواق باص مدرسات.؟؟؟ ولي امري انت تنتظرني عند الباب لا ياحبيبي رجلي على رجلك ندخل سوا ونطلع سوا والا رجعني زي ماكنت

قال ياخي الوضع داخل مقرف جدا ما اقدر اجي معاك والله لو يدري عني المارد انه يطردني

قلت بتدخل معي والا لأ
قال ابدخل وامري لله..


ويوم دخلنا كانت الساعة 9 صباحا والمطعم مقفل لكن قدرنا ندخل مع فتحة المكيف (خخخخ قطاوة هذولي ما هم جن) ويوم دخلت شميت ريحة معفنة ريحة شي ماني قادر اوصفه (شي زي ريحة المعفن وحوله اشياء معفنة والدنيا كل ابوها معفنه)

قالي شوف البنقالي هذا ؟؟

(بالمناسبة اخذت كاميرا معي وصورت بعض المقاطع من داخل المطعم)

وهذي اللقطة الاولى