قلت له ايويه وشفيه؟؟

قالي تصدق مرة تلبست فيك بالغلط ماكنت اعرفك ويوم دخلت وخلاص الا اشوفك جاي على هذا المطعم حاولت اطلع لكن ما امداني ويوم تغديت وخلاص جاني استفراغ ومرضت وجلست يومين منوم
قلت له طيب يا اخ جاثوم المفروض تعرف اذا كان اللي بتتلبس فيه جيعان والا شبعان

قال خلاص الحين تعلمت وبعدين ترى كل المطاعم اللي عندكم وصخة وهذا اللي رحنا له اهون من غيره وبعدين هالمطعم معروف عند الجن كلهم والمارد كل يوم يحذرنا منه

قلت له يا استاذ جاثوم الوقت بيروح علينا وانا ما تلبست في احد هيا شوف واحد على ذوقك كذا اتلبس فيه وادعي لك

المهم تقابلنا بعد العشا كنا ماشيين في شارع مظلم شوي الا جاني الجاثوم وقالي وش رايك في الصومالي اللي واقف عند الرصيف ؟؟؟

قلت ما به شي؟؟؟

قالي وشرايك تدخل فيه؟؟

قلت له وشلون يعني شايفه باب والا بوابة عشان ادخل فيه والا انت اهبل والا تستهبل والا كذا شكلك؟

قالي نسيت انك جني؟؟؟!!!!


قلت له :اووووووووه نسيت

قالي هيا ادخل فيه

قلت له تم ::


واجي جري طيران ويوم قربت منه نزل راسه ويصحك كتفي في رفرف تريلا كان واقف جنبها

وادور للجاثوم وانا اصيح من قوة الضربة : وينك ياملعون الصلايب

قالي انا هنا يا اهبل

وانا اقوله وبنك
يقولي شوفني هنا متلبس في خويه

واطالع واشوفه متلبس في صومالي ثاني

وارجع واقرب منه بشويش وادخل فيه ....... ويوم دخلت ركب الوايت حقه (صرف صحي)

طلعنا الوايت ومن سوء حظي اني تلبست في السواق ....وفوق كذا انه غشيم توه يتعلم .....ولا معه رخصة

ويوم يعشق الوايت كأن واحد يصكني بجك موية فاضي على راسي قسم بالله ما يدري عن السواقة

وخاصة لما يلف ما يمسك فرامل

المهم اني دخت وندمت اني تلبست في صومالي واطالع في الجاثوم القاه ميييييت ضحك اقوله تعال بدل معي تعال ادخل في هذا وعطني اللي عندك يقولي ضف وجهك!!!!

وشوي الا طبينا في نقطة تفتيش ويوم شاف العسكر ارتبك ومسك فرامل ويصك راسي في التنده وينزلون جري من السيارة والعسكر يوم شافوهم انطلقوا طريدي ورانا

كنت ابطلع منه لكن هو اسود والدنيا ظلام وحالتي حالة





البقية بعدين بس خلوني اطربق عظام راسي