السلام عليكم ورحمة الله وبركاته ,,,,
اخواني الافاضل كيفك احوالكم ان شاء الله تمام وبخير واموركم زينة ، والله احس اني هاليومين ثقيل وكل شوي ناقز بسالفة جديدة لكن من باب الافادة للي يطري علي من الطواري شيء .

المشروع هو اشتر لك فانات 3 أو 4 او حتى الباصات الصغيرة وقاول على سواقين لها تضمنهم وخل الربح بينك وبينهم .
طبعاً خاصة بالنقل المدرسي والجامعي .
نجي للحسبة
الفان يشيل 10 ركاب
الراكب الواحد 300 ريال او على حسب ماتشترطه انت .
نقول 300 × 10 = 3000 ريال
وحساب الاربعة يصير = 12000 ريال شهرياً .

المهم
يبقى لك 11 الف ريال خذ 6500 ريال والباقي قسمّه على السواقين بحيث ياخذ كل واحد 1125 ريال .

وحاول كل شهرين تطلع فان جديد حتى تصير مثل هالشركات الكبيرة اللي بدايتها كانت كذا .
على العموم حسب ماسمعت ان اسعار هالفانات من 5000 الى 15000 ريال .

واذا اشتغلت في هالشغلة واحترفت فيها وسويت تخفيضات وتضحيات رايح تطلع ذهب والى وصلت لدرجة انك تفتح مؤسسة معناها ان الدنيا انفتحت بوجهك .

هذا اللي عندي اليوم ولكم جزيل التحية والتقدير واعذروني واتمنى ان اللي عنده افكار لهذا المشروع يضيفها حتى يصير بشكل محترف .
للعلم تراني ماجربت هالشغلة بس حسب نظرتي احس انها شيء ممتع .

تحياتي للجميع

الشغله كويسه بس مااعتقد هالفانات بالسعر هذا والعمال يبيلهم فيز وكما تعلم الفيزغاليه تصل ل12الف واكثر
ولاتنسى التكاليف الاخرى مثل الزيت والبنزين


ومشكور خيو والله يوفق الجميع

ليش مايفتح له شركة نقل
ويستفيد من نقل المعتمرين والحجاج
ونقل الطالبات
يروح يتعاقد مع شركة هوندا الباصات او مستبيشي
ويأخذ 25 باص دفعة اوله 10000 وكل شهر 1000 ريال يابلاش
لاتفوتكم ماتشوف الشركات الى ماسكات النقل
اعني لو تتعاقد مع اي إدارة مدرسية اوجامعة بباصات عدد 50 باص تاخذ انت يوميا على الباص الواحد 500 ريال وهذه هو رخيص بخمس مائة احسب عاد 500 X خمسون باص = هذا باليوم عاد بالشهر كم

ان شاء الله افدتكم

اختي نابغة لاباس من مخالفة النظام ياطويل العمر
حيث أي سايق من اي جنسية سواء على كفالتك او من الشارع تسوي له ورقة بأنه يسوق السيارة بمعنى اصح تعطيه تفويض يسوقها بالرياض بشرط يكون معه رخصة .

الامر الثاني سعر الفانات ماراح تتعدى الـ 15 الف ريال طبعاً مع البحث عن النوعية الجيدة بين موديلات 90 الى 99 راح تحصلين سيارات نظيفة بالحيل .
الامر الاخير بخصوص التكاليف الاخرى مثل الزيت والبنزين فاقولك الزيت والتشييك على قطع الغيار راح تكون كل 3 شهور واما البنزين فأعتقد 250 ريال تكفيه .

تحياتي وتقديري

مشروع فكرت فيه لكن لا يوجد لدي راس مال

تاجر في زمن فاشل
بصراحة ماعندي خلفية فالامور اللي ذكرتها ياليت توضّح اكثر من باب الاستفادة لي وللاخوان
واذا هل لك تجربة في هالمجال او لاحد معارفك ودي انك تستعرضها هنا في هذا المتصفح

تحياتي

الوافي ن
الله يوفقك ان شاء الله وتحصّل راس المال ياسيدي الفاضل
لكن ماعطيتنا رايك حول هالمشروع وطريقة تناولك للفكرة وجدواها

تحياتي

أنا فكرت في هالمشروع ودرسته دراسة على قولتهم مستفيضه <<<صح كذا
بالنسبة انك تفتح مؤسسه في هالشغلة فمن شروطهم (على حسب ما قالي المعقب)
لازم تكون شهادتك جامعي
لازم يكون عندك ارض لا تقل مساحتها 1700 او 1800 والله نسيت ويكون فيها حفرة زيت
لازم عدد السيارات اللي عندك لا يقل عن 15 سيارة

اذا بتقول بشتغل بدون ترخيص
نقول اوكيه بس وين الناس اللي بيخلون بنتهم تركب في نقل
مو مرخص و السواق مو على كفالة صاحب السيارة وغير كذا السيارة قديمة

ولا لو معك ترخيص كان اوكيه

هالفكره بصارحه فكرت فيها وهي مربحه جدا

بس جاء تفكيري على العماله بصراحه تراجعت عن الموضوع يعني هالعماله ما اقدر اثق فيهم مهما كان

والبنات الي معاي اكيد هم في ذمتي وهالعماله ما شالله زايده بلاويهم هالايام

الله يوفقكم

تحياتي

بالنسبه لحساب التكاليف أكثر مماتتوقع أخي هزاع
فان بـ15000 ريال بيكون متهالك ولا يتحمل النقل والمشاوير ويبي له صيانه لأن موديله قديم وهذا شي طبيعي ...

شكراً لك ,,,,