يقولون سعودة . آآآآه بس .!

جامعي محاسب · #1 (**permalink**) 17-08-2009, 03:46 PM

السلام عليكم

يجعجعون .. يثرثرون .. صوتهم مرتفع .. شعارات .. برامج .. انظمة .. رقابة .. وبرعاية المليك يقولون بأعلى الصوت ننادي ونجبر على السعودة ..

وانا من زمان اقول يازينها من خطوة اللي تضف الشباب بوظائف بدل هالحوسة والجرائم

وهالثرثرة والجعجعة والرعاية الكريمة من المليك التي من سنوات وانا اسمعها

طيب الحين بعد ما اخذوا وقتهم يحق لنا نقيم اللي بشرونا فيه من سنوات

والله العظيم

رحت قبل كم شهر الرياض على طريق الخرج الصناعية هناك واشوف الدنيا والموظفين كلها اجانب .!.!.!.

اليوم انا رايح الخبر ( طريق الكباري ) ومشيته كلللللله وانا ادور على الشركات علا وعسى القى رزقي الضائع

واذا بالصدمة الكبيرة

يعني عشان لا أبالغ سأقول 45% من الموظفين اجانب

!!!!!!!!

الشعب ياكثر العاطلين

احنا اولى بالوظائف احنا عاطلين انا لي 8 شهور عاطل وجامعي

وغيري بالسنوات عاطل وهالاجانب ماسكين مناصب وسيارات وبدلات ورواتب عالية

!!!!

وش هالبلد الزفت هذي .!!.!.!.! آآآآآآآآه بس

اللي خابر اي دولة خليجية تبغى محاسبين تراني ماعندي مشكلة اروح وحتى لو بغوا يعطوني جنسية واتنازل عن الجنسية السعودية ماعندي مشكلة .!

احلامي متواضعه · #2 (**permalink**) 17-08-2009, 04:22 PM

كلام سليم
لاغبار عليه

طموحي غير · #3 (**permalink**) 17-08-2009, 04:50 PM

والله ان كلام صحيح
يمين بالله ماهي حاله ولا هو وضع الي عايشين فيه
الفساد الاداري منتشر والوسطات بكل مكان
اجل واحد يقول جب لي واسطه ووظفك على طول
طيب انا مابي لك ابي اتوظف بشهادتي وبمجهودي ومنين اجيب لك واسطه
والله العظيم مع مرتبة شرف وحاسب الي وجالس لي سنتين
وزراة العمل وماادرك ماوزارة العمل
القصيبي للاسف يريد السعوديين يشتغلون بوظائف دنيئه جدا
والشركات انواع التلاعب والتوظيف الوهمي
رغم اننا في بلاد انعم الله عليها لكن ؟؟؟؟؟؟؟؟؟ الى متى على هالحال
وين روح بالله يريدونا نسرق او نسلك طرق ثانيه
يامسؤلين خافو الله فينا حررررررررررررام عليكم والله العظيم الله بيحاسبكم
اعطو كل ذي حق حقه

الوايلي 501 · #4 (**permalink**) 17-08-2009, 05:05 PM

صح لسانك
جبتها عالجررررررح وكأنك مادريت....
بس الشكوى لله ما بيدنا شي نسويـــه

التعليم الفني · #5 (**permalink**) 17-08-2009, 05:13 PM

مع اني خريج تقنية محاسبة الدراسة لمدة ثلاث سنوات و جايب ممتاز مع مرتبة الشرف
و دبلوم لغة انجليزية تقدير جيد جيدا لمدة سنتين

ومع ذلك جلست بالبيت سنتين كاملة وانا ابحث عن عمل لين انقبلت بأول عمل في شركة

لكن الصبر زين وانا اخوك

إلا كيف لغتك الانجليزية يا جامعي وكيفك مع برامج المحاسبة الحديثة ؟

جامعي محاسب · #6 (**permalink**) 17-08-2009, 05:20 PM

والله يالتعليم الفني لغتي تمشي الحال يعني مو ذاك الزود وبالنسبة للبرامج انا استطيع التكيف مع اي برنامج بسرعه كبيرة

المستقبل القادم · #7 (**permalink**) 17-08-2009, 05:20 PM

ياليل ما طولك و برعاية المليك
معك للدول الخليجية

التعليم الفني · #8 (**permalink**) 18-08-2009, 12:56 AM

جامعي محاسب تعرف شي عن نظام الـ ERP System ؟

جامعي محاسب · #9 (**permalink**) 18-08-2009, 10:34 AM

لا والله يالتعليم الفني ما اعرف لكني بحثت قليل عنه واللي عرفته انه نظام محاسبي متكامل وكبيييييييير جدااا

ويفيد الشركات الكبيرة التي لها ايرادات كبيرة واصول كبيرة

لكن ان شاء الله راح اتوسع فيه عما قريب وسأبحث عنه اكثر عله يفيدني

وهذا احد عيوب الجامعة

الى الان يعتمد الدكاترة فيها على الأكسل وقواعد البيانات اللي بالاكسل .!

ولم يتعمقوا في مثل هذه البرامج والمفيدة ولم اسمع فيه بالجامعة ابداا

لكن ان شاء الله بنفسي راح اعمل اللي اقدر عليه

واذا عندك شي عن هالبرنامج افيدني فيه وافيد الاخوان وممكن نطرحه بموضوع مستقل للتثبيت لانه ثورة في البرامج المحاسبية

وانا حملته لكن مو راضي يشتغل على جهازي والسبب ان امتداده bak وماعندي اللي يشغل هالامتداد

بوتهاني · #10 (**permalink**) 19-08-2009, 12:19 AM

والله أنك جبتها في مكانها يالذيب ... وأنا معاك قدام

وأصدق على كلامك لأني كنت من كم يوم زرت الخبر والدما على نفس مشاورك .. وكلها خزعبلات .. وبصراحة الفساد الوظيفي والأدراي طلعت ريحته .. وأنا مستعد أواجه كل مسئول على هالوضع السيئ .. والله ما عندي معاه إلا من الأخير

وتحياتي لك على هاالآهات القلبية